ଆରମ୍ଭ ହେଲା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସ୍ୱଚ୍ଚଭାରତ ମିଶନ ! ଗଙ୍ଗା ପରେ ଗୋମତୀ ନହୀ ହେବ ସଫା ।
କନକବ୍ୟୁରୋ: ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜଧାନୀରେ ଥିବା ଗୋମତୀ ନଦୀକୁ ପରିଷ୍କାର କରିବା ପାଇଁ ଆଣ୍ଟା ଭିଡିଛନ୍ତି । ଯୋଗୀ ନିଜେ ରବିବାର ସକାଳୁ ନିଜର ସମର୍ଥକଙ୍କ ସହ ନଦୀକୂଳ ସଫା କରିବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯୋଗୀ ଗୋମତୀ ଜଳରେ ଆସୁଥିବା ଅନେକ ଅପରିଷ୍କାର ସାମଗ୍ରୀ ହଠାଇବା ସହ କିପରି ଭାବରେ ସାଧାରଣ ଲୋକମାନେ ଏଠାରେ ଅଳିଆ ଆବର୍ଜନା ନ ପକାନ୍ତି ସେଥିପ୍ରତି ପଦକ୍ଷେପ ନେବାଲାଗି ସ୍ଥାନୀୟ ପ୍ରଶାସନଙ୍କୁ କହିଛନ୍ତି । ଏହା ସହ ସେଠାରେ ବସବାସ କରୁଥିବା ଲୋକମାନଙ୍କୁ ଶପଥ କରାଇଛନ୍ତି ଯେ, ଆମେ ଆମ ନଦୀକୁ ଅପରିଷ୍କାର କରିବା ନାହିଁ ବୋଲି ଶପଥ କରିବା ତେବେ ଏହି ନଦୀ ପରିଷ୍କାର ହୋଇପାରିବ । ନଚେତ୍ ଦେଶ ଯେପରି ଭାବରେ ପ୍ରଦୂଷିତ ହେଉଛି ଆଗାମୀ ଦିନରେ ପିଇବା ପାଣିର ସମସ୍ୟା ଦେଖାଯାଇପାରେ । ତେଣୁ ବେଳ ଥାଉଥାଉ ଆମ ସମସ୍ତଙ୍କୁ ସଚେତନ ହେବାର ଆବଶ୍ୟକତା ରହିଛି ବୋଲି ଯୋଗୀ କହିଛନ୍ତି । ଏହି ସଫେଇ କାମରେ ଆଗାମୀ ଦିନରେ ୭ ହଜାର କର୍ମଚାରୀଙ୍କୁ ନିୟୋଜିତ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।