ଭାରତୀୟ ଛାତ୍ରଙ୍କୁ ଟ୍ରେନରେ ଚଢାଇ ଦେଉନାହିଁ ୟୁକ୍ରେନ ସେନା, ଖାରକିବ ଷ୍ଟେସନରେ ଅଟକି ରହିଛନ୍ତି ଭାରତୀୟ ଛାତ୍ର
କନକ ବ୍ୟୁରୋ : ଋଷ ୟୁକ୍ରେନ ଯୁଦ୍ଧ ମଧ୍ୟରେ ଏବେ ୟୁକ୍ରେନରେ ଫଶି ରହିଛନ୍ତି ହଜାର ହଜାର ଭାରତୀୟ ନାଗରିକ । ଏହାସହ ମଙ୍ଗଳବାର ଦିନ ପୂର୍ବ ୟୁକ୍ରେନର ଖାରକିବ ସହରରେ ସେନା ଗୁଳିରେ ଜଣେ ଭାରତୀୟ ଛାତ୍ରଙ୍କର ମୃତ୍ୟୁ ବି ହୋଇଛି । କର୍ଣ୍ଣାଟକର ୨୧ ବର୍ଷିୟ ନବୀନ ଶେଖରପ୍ପା ଖାଦ୍ୟ ଆଣିବାକୁ ଯାଇଥିବା ବେଳେ ଋଷ ସୈନିକଙ୍କ ଗୁଳିରେ ପ୍ରାଣ ହରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏଭଳି ଯୁଦ୍ଧରୁ ନିଜ ଜୀବନ ବଞ୍ଚାଇ ୟୁକ୍ରେନ ଛାଡି ପଳାଇ ଆସିବାକୁ ଚାହୁଁଥିବା ଭାରତୀୟଙ୍କ ପାଇଁ ଶତ୍ରୁ ସାଜିଛି ୟୁକ୍ରେନ ସେନା । ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ହଜାର ହଜାର ଭାରତୀୟ ଖାରକିବ ରେଳ ଷ୍ଟେସନରୁ ଟ୍ରେନ ଚଢି ହଙ୍ଗେରୀ ଓ ପଡୋଶୀ ଦେଶକୁ ପଳାଇଯିବାକୁ ଚାହୁଁଥିବା ବେଳେ ୟୁକ୍ରେନ ପୋଲିସ ସେମାନଙ୍କୁ ବାଧା ଦେଉଛି । ପୋଲିସ ଭାରତୀୟଙ୍କୁ ଅଟକାଇ ସେମାନଙ୍କ ନାଗରିକଙ୍କୁ ଟ୍ରେନରେ ଚଢିବାରେ ସହାୟକ ହେଉଛି ।
କହିରଖୁ କି ୟୁକ୍ରେନର ବିଭିନ୍ନ ସହରରେ ଥିବା ଭାରତୀୟମାନେ କୌଣସି ପ୍ରକାରରେ ଖାରକିବ ରେଳ ଷ୍ଟେସନ ନିକଟରେ ପହଂଚି ରେଳ ମାଧ୍ୟମରେ ଅନ୍ୟ ଦେଶକୁ ଚାଲିବାକୁ ଭିଡ ଜମାଇଛନ୍ତି । ସେପଟେ ୟୁକ୍ରେନର ସମସ୍ତ ବିମାନ ବନ୍ଦର ବନ୍ଦ ଥିବାରୁ ଭାରତ ସରକାର ନିଜ ନାଗରିକମାନଙ୍କୁ ପଡୋଶୀ ଦେଶ ପୋଲାଣ୍ଡ, ହଙ୍ଗେରୀ, ରୋମାନିଆ ଆଦି ଦେଶର ସୀମାରୁ ଏୟାର ଲିଫ୍ଟ କରିବାକୁ ଯୋଜନା କରିଛନ୍ତି । ଅପରେଶନ ‘ଗଙ୍ଗା’ ଅଭିଯାନ କ୍ରମରେ ଭାରତ ସରକାର ୟୁକ୍ରେନରୁ ଏପର୍ୟ୍ୟନ୍ତ ୧୩୯୬ ଜଣ ନାଗରିକଙ୍କୁ ସ୍ୱଦେଶ ଫେରାଇ ଆଣିଛନ୍ତି ।