ଅନ୍ତରୀଣ ଜାମିନ ଭିତରେ କେଜ୍ରିୱାଲଙ୍କ ପାଇଁ କୋର୍ଟ ରଖିଲେ ଏଭଳି ସର୍ତ୍ତ । ଜାଣନ୍ତୁ କେଉଁ ସର୍ତ୍ତ ଆଧାରରେ କୋର୍ଟ ଦେଇଛନ୍ତି କେଜ୍ରିୱାଲଙ୍କୁ ଜାମିନ
କନକ ବ୍ୟୁରୋ : ସୁପ୍ରିମକୋର୍ଟ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଅନ୍ତରୀଣ ଜାମିନ ପ୍ରଦାନ କରିବା ସହ କିଛି କଡା ସର୍ତ୍ତ ରଖିଛନ୍ତି । ଜାମିନ ପ୍ରଦାନ ବେଳେ କୋର୍ଟ କହିଛନ୍ତି କି, କେଜ୍ରିୱାଲ ଜାମିନ ଅବଧୀ ମଧ୍ୟରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଓ ଦିଲ୍ଲୀ ସଚିବାଳୟ ଯାଇପାରିବେ ନାହିଁ । ଏହାସହ ଦିଲ୍ଲୀ ଉପ ରାଜ୍ୟପାଳଙ୍କ ବିନା ଅନୁମତିରେ ସେ କୌଣସି ଫାଇଲରେ ଦସ୍ତଖତ କରିପାରିବେ ନାହିଁ । ସୁପ୍ରିମକୋର୍ଟ ୫୦ ହଜାର ଟଙ୍କା ବନ୍ଧକ ରଖି କେଜ୍ରିୱାଲଙ୍କୁ ଅନ୍ତରୀଣ ଜାମିନ ପ୍ରଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ଜାମିନ ବେଳେ କୋର୍ଟ ସର୍ତ୍ତ ରଖିଛନ୍ତି କି, କେଜ୍ରିୱାଲ ବାହାରକୁ ବାହାରିବା ପରେ ଦିଲ୍ଲୀ ଅବକାରୀ ନୀତି ନେଇ ତାଙ୍କର ଭୂମିକା ବାବଦରେ ବୟାନ ଦେଇପାରିବେ ନାହିଁ । ଏହାସହ କୌଣସି ସାକ୍ଷୀଙ୍କ ସହ କଥା ହୋଇପାରିବେ ନାହିଁ କେଜ୍ରିୱାଲ । କୋର୍ଟ କହିଛନ୍ତି କି, ଅରବିନ୍ଦ କେଜ୍ରିୱାଲଙ୍କୁ ଗିରଫ କରିବାର ସମୟ ଠିକ୍ ନଥିଲା । ତାଙ୍କୁ ମାର୍ଚ୍ଚ ପୂର୍ବରୁ କିମ୍ବା ନିର୍ବାଚନ ପରେ ଗିରଫ କରାଯାଇପାରିଥାନ୍ତା ।