ମହାରାଷ୍ଟ୍ର କଂଗ୍ରେସ ନେତାଙ୍କ ବଡ ବୟାନ । କହିଲେ ଇଣ୍ଡିଆ ମେଣ୍ଟ ସରକାରକୁ ଆସିଲେ ୪ ଶଂକରାଚାର୍ଯ୍ୟଙ୍କୁ ଡାକି ରାମମନ୍ଦିରର କରାଇବୁ ଶୁଦ୍ଧିକରଣ
କନକ ବ୍ୟୁରୋ : ମହାରାଷ୍ଟ୍ର କଂଗ୍ରେସ ମୁଖ୍ୟ ନାନା ପଟୋଲେ ଲୋକସଭା ନିର୍ବାଚନ ଭିତରେ ରାମ ମନ୍ଦିରକୁ ନେଇ ବଡ ବୟାନ ଦେଇଛନ୍ତି । ସେ କହିଛନ୍ତି କି ଯଦି ଇଣ୍ଡିଆ ମେଣ୍ଟ ସରକାରକୁ ଆସେ ତାହେଲେ ୪ ଜଣ ଶଂକରାଚାର୍ଯ୍ୟଙ୍କୁ ଡାକି ରାମ ମନ୍ଦିରର ଶୁଦ୍ଧିକରଣ କରାଯିବ । ନ୍ୟୁଜ୍ ଏଜେନ୍ସି ଏଏନଆଇ ମୁତାବକ ପାଟୋଲେ କହିଛନ୍ତି କି, ଦେଶର ୪ ଜଣ ଶଂକରାଚାର୍ଯ୍ୟ ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ବିରୋଧ କରିଥିଲେ । ଏଣୁ ଇଣ୍ଡିଆ ମେଣ୍ଟ ସରକାର ଆସିଲେ ପ୍ରଥମେ ୪ ଜଣ ଶଂକରାଚାର୍ଯ୍ୟଙ୍କୁ ଡାକି ରାମ ମନ୍ଦିରର ଶୁଦ୍ଧିକରଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସେ କହିଛନ୍ତି କି ଅଯୋଧ୍ୟାର ସେହି ସ୍ଥାନରେ ରାମ ଦରବାର ସ୍ଥାପିତ କରାଯିବ ଯେଉଁଠାରେ ଭଗବାନ ରାମଙ୍କ ମୂର୍ତ୍ତି ନୁହେଁ ବରଂ ରାମଲାଲଙ୍କ ବାଳୁତ ରାମ ରୂପ ରହିଛି । ନରେନ୍ଦ୍ର ମୋଦୀ ଆଇନକୁ ଉଲଘଂନ କରି ରାମଲାଲାଙ୍କ ପ୍ରାଣ ପ୍ରତିଷ୍ଠା କରିଛନ୍ତି । ହେଲେ ଇଣ୍ଡିଆ ମେଣ୍ଟ ସରକାର ଆସିଲେ ଧର୍ମ ମାଧ୍ୟମରେ ରାମଲାଲାଙ୍କ ପ୍ରାଣ ପ୍ରତିଷ୍ଠା କରାଯିବ ।
ସୂଚନା ଥାଉକି କିଛିଦିନ ପୂର୍ବରୁ ରାମ ମନ୍ଦିରକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଂଗ୍ରେସକୁ ଟାର୍ଗେଟ୍ କରିଥିଲେ । ମୋଦୀ କହିଥିଲେ କି, ଭୋଟର ଚଳିତ ନିର୍ବାଚନରେ ବିଜେପିକୁ ୪୦୦ ଆସନରେ ବିଜୟୀ କରାଇବେ, ନ ହେଲେ କଂଗ୍ରେସ ରାମ ମନ୍ଦିରରେ ବ୍ରବ୍ରୀ ତାଲା ଲଗାଇଦେବ ।