କନକ ବ୍ୟୁରୋ : ସାଉଥ୍ ଆଫ୍ରାିକାର ପୂର୍ବତନ ଅମ୍ପେୟାର ରୁଡି କୋଏରଟଜେନଙ୍କ ମୃତ୍ୟୁ ହୋଇଛି । ୭୩ ବର୍ଷିୟ ରୁଡିଙ୍କର ଏକ ସଡକ ଦୁର୍ଘଟଣାରେ ମୃତ୍ୟୁ ହୋଇଥିବା ସୂଚନା ମିଳିଛି । ସ୍ଥାନୀୟ ଗଣମାଧ୍ୟମର ରିପୋର୍ଟ ମୁତାବକ ରୁଡି କୋଏରଟଜେନ କେପ୍ ଟାଉନର ନେଲସନ ମଣ୍ଡେଲା ସ୍ଥିତ ନିଜ ଘରକୁ ଫେରୁଥିବା ବେଳେ ତାଙ୍କ କାର ଅନ୍ୟ ଏକ ଗାଡିକୁ ଧକ୍କା ଦେଇଥିଲା । ଏହି ଦୁର୍ଘଟଣା ଆଜି ସକାଳେ ରିବର୍ସଡେଲ ଅଞ୍ଚଳରେ ଘଟିଥିଲା । ଏହି ଦୁର୍ଘଟଣାରେ ରୁଡି କୋଏରଟଜେନଙ୍କ ବ୍ୟତୀତ ଅନ୍ୟ ଦୁଇଜଣଙ୍କର ବି ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି, ରୁଡି କୋଏରଟଜେନ ଜଣେ ଅମ୍ପେୟାର ଭାବେ କେବଳ ସାଉଥ୍ ଆଫ୍ରିକା ନୁହେଁ ବରଂ ସାରା ବିଶ୍ୱରେ ବେଶ୍ ପରିଚିତ । ସେ ଅନେକ ବର୍ଷ ଧରି ଆଇସିସିର ଅମ୍ପେୟାର ପ୍ୟାନେଲରେ ସାମିଲ ଥିଲେ । ତାଙ୍କ ମୃତ୍ୟୁକୁ ନଇ କ୍ରିକେଟ ଜଗତରେ ଶୋକର ଛାୟା ଖେଳିଯାଇଛି । ତାଙ୍କର ମୃତ୍ୟୁ ପରେ ତାଙ୍କୁ ସମ୍ମାନ ଜଣାଇ ଆଫ୍ରିକା ଟିମ୍ ଆଗକୁ ଖେଳାଯିବାକୁ ଥିବା ଏକ ଅର୍ନ୍ତଜାତୀୟ ମ୍ୟାଚରେ ହାତରେ କଳାପଟି ବାନ୍ଧି ଖେଳିବ ବୋଲି ନିଷ୍ପତ୍ତି ନେଇଛି ।
Vale Rudi Koertzen ! Om Shanti. Condolences to his family.
Had a great relation with him. Whenever I used to play a rash shot, he used to scold me saying, “Play sensibly, I want to watch your batting”.
One he wanted to buy a particular brand of cricket pads for his son (cont) pic.twitter.com/CSxtjGmKE9
— Virender Sehwag (@virendersehwag) August 9, 2022
ସେପଟେ ରୁଡିଙ୍କ ମୃତ୍ୟୁପରେ ପୂର୍ବତନ ଭାରତୀୟ କ୍ରିକେଟର ବିରେନ୍ଦ୍ର ସେହବାଗ ଏକ ଟ୍ୱିଟ କରି ଶୋକବ୍ୟକ୍ତ କରିଛନ୍ତି । ସେ ଏହି ଟ୍ୱିଟର ମାଧ୍ୟମରେ ରୁଡିଙ୍କ ପରିବାରକୁ ସମବେଦନା ଜଣାଇବା ସହ କହିଛନ୍ତି କି ରୁଡିଙ୍କ ସହ ତାଙ୍କର ବ୍ୟକ୍ତିଗତ ସଂପର୍କ ବହୁତ ଭଲ ଥିଲା ।