ରେଲୱେ ଷ୍ଟେସନରେ ମାଙ୍କଡଙ୍କ କଳି । ୨ ଘଣ୍ଟା ଯାଏଁ ଅଟକିଲା ରାଜଧାନୀ ସମେତ ଏକାଧିକ ଟ୍ରେନ୍
କନକ ବ୍ୟୁରୋ: ଉତ୍ତରପ୍ରଦେଶ ଫିରୋଜାବାଦ୍ ଟୁଣ୍ଡଲା ରେଲୱେ ଷ୍ଟେସନରେ ସେତେବେଳେ ହଇଚଇ ସୃଷ୍ଟି ହେଲା ଯେବେ ଏଠାରେ ଓଏଚଇ ଭାଙ୍ଗିପଡିଲା । ଫଳରେ ରାଜଧାନୀ ଏକ୍ସପ୍ରେସ ସମେତ ଏକାଧିକ ଟ୍ରେନ୍ ଗୁଡିକୁ ପାଖାପାଖି ୨ ଘଣ୍ଟା ଧରି ଅଟକି ରହିବାକୁ ପଡିଲା । ଏହାର କାରଣ ହେଉଛି ମାଙ୍କଡଙ୍କ କଳି । ଷ୍ଟେସନରେ ମାଙ୍କଡ ଦଳ ଏଭଳି ଆତଙ୍କ ସୃଷ୍ଟି କଲେ ଯେ ଷ୍ଟେସନର ଓଏଚଇ ଭାଙ୍ଗିଯିବାରୁ ଟ୍ରେନ୍ ଗୁଡିକୁ ଅଟକିବାକୁ ପଡିଲା ।
Kanak News is now on WhatsApp
Join and get latest news updates delivered to you via WhatsApp
ତଥ୍ୟ ମୁତାବକ, ଶନିବାର ମାଙ୍କଡଙ୍କ ଏକ ଦଳ ଉତ୍ପାତ ସୃଷ୍ଟି କରିବାରୁ ଓଏଚଇର କେବୁଲ ଛିଡି ଟ୍ରାକ୍ ଉପରେ ପଡିଲା ଏବଂ ବିଦ୍ୟୁତ୍ ଯୋଗାଣ ବ୍ୟାଘାତ ହେଲା । ଫଳରେ ଟ୍ରେନ୍ ଗୁଡିକୁ ସୂଚନା ଦେବାରେ ସମସ୍ୟା ହେଲା ଏବଂ ଯିଏ ଯେଉଁ ଷ୍ଟେସନରେ ଥିଲେ ସେହି ଷ୍ଟସନରେ ଟ୍ରେନ୍ ଗୁଡିକୁ ଅଟକି ରହିଲେ । ୨ ଘଣ୍ଟା ଧରି ଓଏଚଇ କେବୁଲକୁ ଠିକ କରାଯିବା ପରେ ଟ୍ରେନ୍ ଚଳାଚଳ ସାମାନ୍ୟ ହୋଇଥିଲା ।