ରାଜଧାନୀ ଭୁବନେଶ୍ୱରରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ । ଆଜି ୪୩.୩ ଡିଗ୍ରୀ ଛୁଇଁଲା ଭୁବନେଶ୍ୱରର ତାପମାତ୍ରା
କନକ ବ୍ୟୁରୋ: ତତଲା କଡେଇରେ ଭାଜି ହେଉଛି ରାଜଧାନୀ ଭୁବନେଶ୍ୱର । ଆଜି ରାଜଧାନୀର ତାପମାତ୍ରା ୪୩.୩ ଡିଗ୍ରୀ ଛୁଇଁବା ସହିତ ସବୁ ରେକର୍ଡ ଭାଙ୍ଗି ଦେଇଛି । ୨୦୧୧ ମସିହା ପରଠାରୁ ଏପ୍ରିଲ ମାସରେ ତୃତୀୟ ସର୍ବାଧିକ ତାପମାତ୍ରା ଦେଖିଛି ଭୁବନେଶ୍ୱର ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଭୁବନେଶ୍ୱର ର ଚଳିତ ବର୍ଷର ସର୍ବୋଚ୍ଚ ଦିନ ତାପମାତ୍ରା ଆଜି ୪୩.୩ ଡ଼ିଗ୍ରୀ ରେକର୍ଡ
୨୦୧୧ ପରଠାରୁ ଅପ୍ରେଲ ମାସରେ ତୃତୀୟ ସର୍ବାଧିକ ତାପମାତ୍ରା ରେକର୍ଡ pic.twitter.com/KZbMkEFcj6
— Meteorological Centre, Bhubaneswar (@mcbbsr) April 24, 2022
ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗର ସୂଚନା ଅନୁସାରେ, ୨୦୧୬ ମସିହା ଏପ୍ରିଲ ୧୧ ତାରିଖରେ ଭୁବନେଶ୍ୱରରେ ୪୫.୮ ଡିଗ୍ରୀ ତାପମାତ୍ରା ଅନୁଭୂତ ହୋଇଥିଲା । ଏହାପରେ ୨୦୧୯ ଓ ୨୦୨୧ ମସିହା ଏପ୍ରିଲ ୨୫ ତାରିଖରେ ରାଜଧାନୀବାସୀ ୪୩.୭ ଏବଂ ୪୩.୨ ଡିଗ୍ରୀ ତାପମାତ୍ରାରେ ସିଝିଥିଲେ । ଆଉ ଆଜିର ତାପମାତ୍ରା ୪୩.୩ ଡିଗ୍ରୀ ରହିବା ସହିତ ୨୦୧୧ ପରଠାରୁ ତୃତୀୟ ସର୍ବାଧିକ ତାପମାତ୍ରା ହୋଇଛି ।
ଆଜି ଦିନ ୨.୩୦ ସୁଦ୍ଧା ରେକର୍ଡ ହୋଇଥିବା ଦିନ ତାପମାତ୍ରା
ଭୁବନେଶ୍ୱର: ୪୩.୦ ଡ଼ିଗ୍ରୀ
ଝାରସୁଗୁଡା: ୪୧.୪ ଡ଼ିଗ୍ରୀ
ସମ୍ବଲପୁର: ୪୦.୮ ଡ଼ିଗ୍ରୀ
ଚାନ୍ଦବାଲି: ୪୦.୮ ଡ଼ିଗ୍ରୀ
ହୀରାକୁଦ: ୪୦ ଡ଼ିଗ୍ରୀ
କେନ୍ଦୁଝର: ୪୦ ଡ଼ିଗ୍ରୀ
ବାଲେଶ୍ୱର: ୩୮ ଡ଼ିଗ୍ରୀ
ପୁରୀ: ୩୨.୪ ଡ଼ିଗ୍ରୀ
ପାରାଦ୍ୱୀପ: ୩୧.୮ ଡ଼ିଗ୍ରୀ
ଗୋପାଳପୁର: ୩୧.୨ଡ଼ିଗ୍ରୀ— Meteorological Centre, Bhubaneswar (@mcbbsr) April 24, 2022
ଅନ୍ୟପଟେ ଦିନ ସାଢେ ୨ଟା ସୁଦ୍ଧା ଝାରସୁଗୁଡାରେ ୪୧. ୪ ଡିଗ୍ରୀ, ସମ୍ବଲପୁର ଓ ଚାନ୍ଦବାଲିରେ ୪୦.୮ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ହୀରାକୁଦରେ ଓ କେନ୍ଦୁଝରରେ ୪୦ ଡିଗ୍ରୀ, ବାଲେଶ୍ୱରରେ ୩୮ ଡିଗ୍ରୀ, ପୁରୀରେ ୩୨. ୪ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ପାରାଦୀପରେ ୩୧.୮ ଡିଗ୍ରୀ ଓ ଗୋପାଳପୁର ୩୧.୨ ଡିଗ୍ରୀ ସେଲସିୟସ ପାରଦ ଚଢିଛି ଦିନ ସାଢେ ୨ଟା ସୁଦ୍ଧା ।