କନକ ବ୍ୟୁରୋ : ଋଷର ଭଡାଟିଆ ସେନା ୱାଗନର ଗ୍ରୁପ ମୁଖ୍ୟ ୱେବଗେନି ପ୍ରୋଗଜିନଙ୍କ ଶବ ସତ୍କାରର ଦିନକ ପରେ ତାଙ୍କର ଏକ ନୂଆ ଭିଡିଓ ସାମ୍ନାକୁ ଆସିଛି । ଭିଡିଓରେ ସେ ଏକ ସେନା ଗାଡିରେ ବସି ଯାଉଥିବା ଦେଖିବାକୁ ମିଳିଛି । ଭିଡିଓରେ ସେ ଆଫ୍ରିକାରେ ଅଛନ୍ତି ବୋଲି କହୁଛନ୍ତି । ଯେଉଁମାନେ ତାଙ୍କ ମୃତ୍ୟୁକୁ ନେଇ ଅବା ବ୍ୟକ୍ତିଗତ ଜୀବନ, ଆୟ ଏବଂ ଅନ୍ୟାନ୍ୟ କଥା ଆଲୋଚନା କରୁଛନ୍ତି ସେମାନଙ୍କୁ ପ୍ରୋଗଜିନ୍ କହିଛନ୍ତି ସେ ଠିକ୍ ଅଛନ୍ତି । ଭିଡିଓ ସାମ୍ନାକୁ ଆସିବା ପରେ ପୁଟିନଙ୍କ ଘନିଷ୍ଠ ସହଯୋଗୀରୁ ବିଦ୍ରୋହୀ ପାଲଟିଥିବା ୱେବଗେନି ପ୍ରୋଗଜିନଙ୍କ ମୃତ୍ୟୁକୁ ନେଇ ଦ୍ୱନ୍ଦ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଅଗଷ୍ଟ ୨୩ ତାରିଖ ଋଷର ଊତର ଭାଗରେ ଏକ ବିମାନ ଦୁର୍ଘଟଣାରେ ୱାଗନର ଗ୍ରୁପ ମୁଖ୍ୟଙ୍କ ପ୍ରୋଗଜିନ୍ ସମେତ ଅନ୍ୟ ୯ ଜଣଙ୍କର ମୃତ୍ୟୁ ହୋଇଥିଲା । ବ୍ରାଜିଲ ନିର୍ମିତ ଏହି ବିମାନ ଦୁର୍ଘଟଣା ପଛରେ ଷଡଯନ୍ତ୍ର ଥାଇପାରେ ବୋଲି କୁହଯାଉଛି । ଏହାରି ଭିତରେ ପ୍ରୋଗଜିନଙ୍କ ନୂଆ ଭିଡିଓ ତାଙ୍କର ମୃତ୍ୟୁକୁ ନେଇ ସନ୍ଦେହ ସୃଷ୍ଟି କରିଛି ।
ୱେବଗେନି ପ୍ରୋଗଜିନ୍ ନୂଆ ଭିଡିଓ କେବେର ତାକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଥିବା ବେଳେ ଭିଡିଓକୁ ସେୟାର କରିଛନ୍ତି ୟୁକ୍ରେନର ଆଭ୍ୟନ୍ତରୀଣ ବ୍ୟାପାର ମନ୍ତ୍ରୀଙ୍କ ଉପଦେଷ୍ଟା । ଅଗଷ୍ଟ ୩୧ ତାରିଖ ମଧ୍ୟାନ ଗୋଟାଏ ୧୧ ମିନିଟରେ ସେ ଏକ୍ସ ତଥା ଟୁଇଟରରେ ଏହି ଭିଡିଓ ସେୟାର କରିଛନ୍ତି । ଯେଉଁ ଭିଡିଓ ଏବେ ଇଂଟରନେଟରେ ଭାଇରାଲ ହେଉଛି । ୱେବଗେନି ପ୍ରୋଗଜିନ୍ ଜୀବିତ ଥିବା ନେଇ ତାଙ୍କର କିଛି ପ୍ରଶଂସକ ଦାବି କରୁଥିବା ଦେଖିବାକୁ ମିଳିଛି । ତେବେ ଏହି ଭିଡିଓ ଅଗଷ୍ଟ ୨୧ ତାରିଖର ବୋଲି କେତକ ଆନ୍ତର୍ଜାତୀୟ ଗଣମାଧ୍ୟମ ସଂସ୍ଥା ରିପୋର୍ଟ କରିଛନ୍ତି । ଆଫ୍ରିକାରେ ୱାଗନର ଗ୍ରୁପର କ୍ୟାମ୍ପେନ ସମୟର ଏହି ଭିଡିଓ ବୋଲି ଋଷ ସୂତ୍ରରୁ ସୂଚନା ମିଳିଛି ।
ଆଫ୍ରିକାଠୁ ଋଷର ଦୂରତା ୯ ହଜାର କିଲୋମିଟରରୁ ଅଧିକ । ମୃତ୍ୟୁର ଦିନକ ପୂର୍ବରୁ ଆଫ୍ରିକାରେ ଥିବା ୱେବଗେନି ପ୍ରୋଗଜିନ୍ ଋଷ କାହିଁକି ଆସୁଥିଲେ । ପ୍ରୋଗଜିନଙ୍କ ମୃତ୍ୟୁ ହୋଇଥିବା ଋଷ ଦାବି କରୁଥିବା ବେଳେ ବାସ୍ତବରେ ତାଙ୍କର ମୃତ୍ୟୁ ହୋଇଛି ନାଁ ତାଙ୍କୁ ମୃତ ଦର୍ଶାଯାଇଛି ତାକୁ ନେଇ ଏବେ ପ୍ରଶ୍ନ ଉଠିଛି ।