କନକ ବ୍ୟୁରୋ: ଆମେରିକାର ସଂସଦର ବାଚସ୍ପତି ନାନ୍ସି ପେଲୋସି ଏସିଆ ଗସ୍ତରେ ଅଛନ୍ତି । ବର୍ତ୍ତମାନ ସେ ସିଙ୍ଗାପୁରରେ ଅଛନ୍ତି । ତେବେ ଏହାରି ଭିତରେ ତାଇୱାନ ଆସିବା ନେଇ ଚର୍ଚ୍ଚା ହେଉଛି । ଏହାକୁ ନେଇ ଚୀନ ଚିହିଁକି ଉଠିଛି । ଆଉ ଆମେରିକାକୁ ଚେତାନବନୀ ଦେଇଛି । ଯଦି ନାନ୍ସି ତାଇୱାନ ଗସ୍ତ କରନ୍ତି ଚୀନ ସେନା ଚୁପ୍ ବସିବନାହିଁ ବୋଲି କହିଛି ବେଜିଂ । ଚୀନର ବୈଦେଶିକ ମୁଖପାତ୍ର ଜାହୋ ଲିଜିଅନ୍ କହିଛନ୍ତି, ଆମେ ସବୁ ପ୍ରକାରର ପରିସ୍ଥତିକୁ ମୁକାବିଲା କରିବାକୁ ପ୍ରସ୍ତୁତ । ଚୀନର ସାର୍ବଭୌମତ୍ୟ ଏବଂ ଅଖଣ୍ଡତାକୁ ସୁରକ୍ଷା ପାଇଁ ଚୀନର ପିଏଲଏ କଡା ପଦକ୍ଷେପ ଗ୍ରହଣ କରିବାକୁ ପଛାଇବ ନାହିଁ । ମଙ୍ଗଳବାର ନାନ୍ସି ପେଲୋସି ତାଇୱାନ ଗସ୍ତ କରିବା ସହ ତାଇପେଇରେ ରାତି କଟାଇବା ନେଇ କିଛି ତାଇୱାନ ଗଣମାଧ୍ୟମ ରିପୋର୍ଟ କରିବା ପରେ ଏଭଳି ଚେତାବନୀ ଦେଇଛି ଚୀନ ।
Kanak News is now on WhatsApp
Join and get latest news updates delivered to you via WhatsApp
ତାଇୱାନ ଗସ୍ତକୁ ନେଇ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇବା ପରେ ଚୀନ ସେନା ତାଇୱାନ ଏବଂ ଚୀନର ମଧ୍ୟଭାଗ ସମୁଦରେ ଏକ ଯୁଦ୍ଧ ଜାହାଜ ମୁତୟନ କରିଛି । ଏଥିସହ ମଙ୍ଗଳବାର ତାଇୱାନ ସୀମାରେ ଚୀନ କିଛି ଯୁଦ୍ଧ ବିମାନ ଉଡାଉଥିବା ଦେଖିବାକୁ ମିଳିଛି । ଯାହା ନାନ୍ସିଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏପଟେ ତାଇୱାନ ମଧ୍ୟ ତାର କିଛି ଏୟାରକ୍ରାଫ୍ଟକୁ ସୀମାରେ ମୁତୟନ କରିଥିବା ଦେଖିବାକୁ ମିଳିଛି ।
ଚୀନର ଚେତାବନୀ , ଗଣମାଧ୍ୟମ ରିପୋର୍ଟ ଭିତରେ ବିଶ୍ୱର ଦୁଇ ଶକ୍ତିଶାଳୀ ଦେଶ ଆମେରିକା ଏବଂ ଚୀନ ମଧ୍ୟରେ ତିକ୍ତତା ବଢିବାରେ ଲାଗିଛି । ଯଦି ସତରେ ନାନ୍ସି ତାଇୱାନ ଗସ୍ତ କରନ୍ତି ତେବେ ଚୀନ କଣ ପଦକ୍ଷେପ ନେଉଛି ତାହା ଉପରେ ସାରା ବିଶ୍ୱର ନଜର ରହିଛି ।