କନକ ବ୍ୟୁରୋ : ଭାରତ ସରକାରଙ୍କ ପକ୍ଷରୁ ଆୟୋଜିତ ହୋଇଯାଇଛି ସ୍ମାର୍ଟ ଇଣ୍ଡିଆ ହାକାଥନ ୨୦୨୨ । ଏଥିରେ ‘ସ୍ପାର୍କ ଅଫ୍ ଫ୍ୟୁଚର’ ଟିମ୍ ବିଜେତା ହେବାର ଗୌରବ ହାସଲ କରିଛି । ଏହି ଦଳର ସଦସ୍ୟ ନିଶାନ୍ତ କାର୍ତ୍ତିର୍କ ନାୟକ, ଶିବମ୍ ସୁନ୍ଦର ମହାକୁଡ ଏବଂ ସୀମରନ ମିଶ୍ରଙ୍କ ଦ୍ୱାରା ପ୍ରସ୍ତୁତ ହେଲିଅସ୍ (ହାର୍ନେସିଂ ଇଲେକ୍ଟ୍ରିସିଟି ଇନ୍ ଆଉଟର ସ୍ପେସ) ପ୍ରକଳ୍ପଟି ପ୍ରତିଯୋଗିତାରେ ଉଚ୍ଚ ପ୍ରଶଂସିତ ହେବା ସହ ଶ୍ରେଷ୍ଠ ବିବେଚିତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏକାଦଶ ଶ୍ରେଣୀର ଛାତ୍ର ଛାତ୍ରୀମାନଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ଏହି ପ୍ରୋଜେକ୍ଟଟି ବିକଳ୍ପ ଶକ୍ତି ନିମନ୍ତେ ସୂର୍ଯ୍ୟାଲୋକ ବ୍ୟବହାର ଉପରେ ଆଧାରିତ ଥିଲା । ଏହି ପ୍ରକଳ୍ପ ମୁତାବକ ପୃ୍ଥିବୀ ପୃଷ୍ଟରୁ ସୌରଶକ୍ତି ସଂଗ୍ରହ ବଦଳରେ ସିଧା ସଳଖ ଅନ୍ତରୀକ୍ଷରୁ ସୌରଶକ୍ତି ସଂଗ୍ରହ କରାଯିବା ସହ ପୃଥିବୀକୁ ନିରନ୍ତର ବିପୁଳ ପରିମାଣରେ ବିଦ୍ୟୁତ ଯୋଗାଇ ଦିଆଯିବା ଉପରେ ଆଧାରିତ । ଫଳରେ ବିଦ୍ୟୁତ୍ ସମସ୍ୟାର ସମାଧାନ କରାଯାଇ ପାରିବ ବୋଲି ପ୍ରମାଣ କରାଯାଇଥିଲା । ବିଜେତାମାନଙ୍କୁ ଶିକ୍ଷା ମନ୍ତ୍ରଣାଳୟ ତରଫରୁ ୨୫ ହଜାର ଟଙ୍କାର ଆର୍ଥିକ ପୁରସ୍କାର ସହ ପ୍ରମାଣପତ୍ର ଦେଇ ସମ୍ମାନୀତ କରାଯାଇଥିଲା ।