ଯୁଦ୍ଧ ଭିତରେ ଭୁଶୁଡିଲା ଋଷର ଅର୍ଥନୀତି । ଗତବର୍ଷ ଏପ୍ରିଲରୁ ଜୁନ ତ୍ରୈମାସିକ ତୁଳନାରେ ଚଳିତ ବର୍ଷ ୪ ପ୍ରତିଶତ ହ୍ରାସ
କନକ ବ୍ୟୁରୋ : ୟୁକ୍ରେନ ଉପରେ ଋଷର ଆକ୍ରମଣ ଏବେ ବି ଜାରି ରହିଛି । ଲକ୍ଷ ଲକ୍ଷ ସୈନ୍ୟ ସହ କୋଟି କୋଟି ଟଙ୍କାର ଯୁଦ୍ଧାସ୍ତ୍ର ବିନିଯୋଗ କରି ଋଷ ୟୁକ୍ରେନକୁ ଦଖଲ କରିବାକୁ ଲାଗିପଡିଥିବା ବେଳେ ଏବେ ଚୀନର ଅର୍ଥନୀତି ଭୂଷୁଡି ପଡିଛି ।
Kanak News is now on WhatsApp
Join and get latest news updates delivered to you via WhatsApp
ମସ୍କୋରୁ ପ୍ରକାଶିତ ଏକ ସରକାରୀ ଆକଳନ ମୁତାବକ ପାଶ୍ଚାତ୍ୟ ଦେଶମାନଙ୍କର ପ୍ରତିବନ୍ଧକ ଫଳରେ ଋଷର ଅର୍ଥନୀତି ଦୁର୍ବଳ ହେବାରେ ଲାଗିଛି । ୨୦୨୧ ମସିହା ଏପ୍ରିଲ ରୁ ଜୁନ ତୈମାସିକ ତୁଳନାରେ ଚଳିତ ଏପ୍ରିଲରୁ ଜୁନ ମଧ୍ୟରେ ମୋଟ ଘରୋଇ ଉତ୍ପାଦ (ଜିଡିପି) ୪.୦ ପ୍ରତିଶତ ହ୍ରାସ ପାଇଛି ବୋଲି ଡିପିଏ ନ୍ୟୁଜ ଏଜେନ୍ସି ଶୁକ୍ରବାର ଦିନ ଜାତୀୟ ପରିସଂଖ୍ୟାନ କାର୍ଯ୍ୟାଳୟକୁ ସୂଚନା ଦେଇଛି ।
ସେପଟେ ଋଷର ଅର୍ଥନୀତିଜ୍ଞମାନେ ଆଶା କରିଥିଲେ କି ଗତ ବର୍ଷ ଏପ୍ରିଲରୁ ଜୁନ ତ୍ରୈମାସିକ ଜିଡିପି ତୁଳନାରେ ଅନୁରୂପ ଚଳିତ ବର୍ଷର ଜିଡିପି ୪.୭ ପ୍ରତିଶତ ହ୍ରାସ ପାଇପାରେ । ଏପଟେ ଏବେକାର ଜିଡିପି ତୁଳନାରେ ଋଷ ୨୦୧୮ ରେ ଯେଉଁ ଜିଡିପି ଥିଲା ସେହି ସ୍ତରରେ ପହଂଚିଯାଇଛି ।
କହିରଖୁ କି ଚଳିତବର୍ଷ ଫେବୃଆରୀ ମାସରେ ଋଷ ୟୁକ୍ରେନ ଉପରେ ଆକ୍ରମଣ ଆରମ୍ଭ କରିଦେଇଥିଲା । ଏହି ଆକ୍ରମଣକୁ ବିରୋଧ କରି ଆମେରିକା ସହ ବିଶ୍ୱର ଅନେକ ପଶ୍ଚିମ ଦେଶମାନେ ଋଷ ଉପରେ ବିଭିନ୍ନ ପ୍ରକାର ବ୍ୟବସାୟୀକ ପ୍ରତିବନ୍ଧକ ଲଗାଇଥିଲେ । ଏହି କାରଣରୁ ଋଷର ଅର୍ଥନୀତି ଦୁର୍ବଳ ହୋଇଥିବା କଥା କୁହାଯାଇଛି ।