କନକ ବ୍ୟୁରୋ: ବ୍ୟାଟେରୀ ଟ୍ରକରେ ଥିଲା ଗଂଜେଇ । ଗିରଫ ହେଲେ ୩ ଅଭିଯୁକ୍ତ । ବିହାର ଚୋରା ଚାଲାଣ ବେଳେ ମାଡିବସିଛି କ୍ରାଇମବ୍ରାଂଚ ଏସଟିଏଫ । ମାଷ୍ଟରମାଇଣ୍ଡକୁ ଧରିବା ପାଇଁ ପଶ୍ଚିମବଙ୍ଗ ଯାଇଛି ତଦନ୍ତକାରୀ ଟିମ୍ । ଏସଟିଏଫ ସୂଚନା ଅନୁସାରେ, ଟ୍ରକଟି ଆନ୍ଧ୍ରପ୍ରଦେଶ ବିଜୟନଗରମରୁ ବିହାର ଯାଉଥିବା ବେଳେ ବ୍ରହ୍ମପୁର ନିକଟରେ ଗଂଜେଇ ଭର୍ତି କରାଯାଇଥିଲା । ଆଉ ଗାଡି କୁଆଡେ କେମିତି ଯିବ ତାହା ଅପରେଟ୍ କରୁଥିଲା ଟ୍ରେନ୍ରେ ଯାତ୍ରା କରୁଥିବା ମୁଖ୍ୟ ଅଭିଯୁକ୍ତ । ଘଟଣାର ମାଷ୍ଟରମାଇଣ୍ଡକୁ ଧରିବା ପାଇଁ ପଶ୍ଚିମବଙ୍ଗ ଯାଇଛି ଏକ ଟିମ୍ ।
Kanak News is now on WhatsApp
Join and get latest news updates delivered to you via WhatsApp
ମହେନ୍ଦ୍ର ପାଲ, ଉତ୍ତରପ୍ରଦେଶ
ଅରୁଣ ମାହାତୋ, ବିହାର
ସନି କୁମାର, ଉତ୍ତରପ୍ରଦେଶ
ଇଏ ହେଉଛନ୍ତି କ୍ରାଇମବ୍ରାଂଚ ଏସଟିଏଫ ଦ୍ୱାରା ଗିରଫ ତିନି ଜଣ ଆନ୍ତରାଜ୍ୟ ଗଞ୍ଜେଇ ଚୋରା ଚାଲାଣକାରୀ । ଏକ ଟ୍ରକରେ ସୋମବାର ବିଳମ୍ବିତ ରାତିରେ ଏମାନେ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଏମାନଙ୍କୁ ମାଡି ବସିଥିଲା ଏସଟିଏଫର ସ୍ୱତନ୍ତ୍ର ଟିମ । ଯାଂଚ ବେଳେ ଟ୍ରକ ଭିତରୁ ମିଳିଥିଲା ୧୪୮ କେଜିର ଗଞ୍ଜେଇ । ଆନ୍ଧ୍ରପ୍ରଦେଶରୁ ଏହି ଟ୍ରକ ବାହାରି ବ୍ରହ୍ମପୁର ଠାରୁ ଗଞ୍ଜେଇ ନେଇ ଏ ତିନି ଜଣ ଅଭିଯୁକ୍ତ ବିହାର ଯାଉଥିବା ବେଳେ ବିଶ୍ୱସ୍ତ ସୁତ୍ରରୁ ଖବର ପାଇ ଚଢାଉ କରିଥିଲା ଏସଟିଏଫ ।
ଗଞ୍ଜେଇ ଚୋରାଚାଲାଣ କରିବା ପାଇଁ ଅଭିନବ ଉପାୟ ଆପଣେଇଥିଲେ ଏହି ଅଭିଯୁକ୍ତ ।
-ଆନ୍ଧ୍ରରୁ ଟ୍ରକରେ ବ୍ୟାଟେରି ଲୋଡ କରିଥିଲେ
-ବ୍ୟାଟେରି ଲୋଡ ପରେ ଟ୍ରକରେ ବ୍ରହ୍ମପୁର ଆସିଥିଲେ
-ବ୍ରହ୍ମପୁରରେ ଗ୍ୟାଙ୍ଗର ମାଷ୍ଟରମାଇଣ୍ଡ ଗଞ୍ଜେଇ ଲୁଚାଇଥିଲା
ଗଞ୍ଜାମ ଓ ଗଜପତି ଅଂଚଳରୁ ଆସିଥିଲା ଗଞ୍ଜେଇ
ବ୍ୟାଟେରି ପଛପଟେ ଲୁଚାଯାଇଥିଲା ଗଞ୍ଜେଇ
ବଡ କଥା ହେଲା, ପୁରା ଘଟଣାର ମାଷ୍ଟର ମାଇଣ୍ଡ ଟ୍ରକରେ ନଯାଇ ଟ୍ରେନରେ ବିହାର ଯାଉଥିଲା । ଆଉ ଟ୍ରକରେ ଥିିବା ସହଯୋଗୀଙ୍କ ସହ ନିୟମିତ ଫୋନରେ ଯୋଗାଯୋଗ ରଖୁଥିଲା । ଏହି ଘଟଣାର ମାଷ୍ଟରମାଇଣ୍ଡ ଏବେବି ଫେରାର ରହିଥିବା ବେଳେ ତାକୁ ଧରିବା ପାଇଁ ଏସଟିଏଫର ସ୍ୱତନ୍ତ୍ର ଟିମ ଗଠନ ହୋଇଛି । ମାଷ୍ଟରମାଇଣ୍ଡକୁ ଧରିବା ପାଇଁ ଏସଟିଏଫ ବି ଜାଲ ବିଛାଇଛି ।