ଦେଶ ପାଳିଲା ୭୬ତମ ସ୍ୱାଧୀନତା ଦିବସ। ଲାଲକିଲ୍ଲାରେ ପତାକା ଉତ୍ତୋଳନ କଲେ ପ୍ରଧାନମନ୍ତ୍ରୀ।
କନକ ବ୍ୟୁରୋ: ସ୍ୱାଧୀନତାର ଅମୃତ ମହୋତ୍ସବ ଅବସରରେ ଦିଲ୍ଲୀର ଐତିହାସିକ ଲାଲକିଲ୍ଲାରେ ଜାତୀୟ ପତାକା ଉଡାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଲାଲକିଲ୍ଲାରୁ ଦେଶବାସୀଙ୍କୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ଏବେ ନୂଆ ସଂକଳ୍ପ ସହ ନୂଆ ଦିଗରେ ଆଗକୁ ବଢିବା ସମୟ ଆସିଛି । ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀ ଓ ଅଟଳ ବିହାରୀ ବାଜପେୟୀଙ୍କୁ ମନେ ପକାଇ ନୂଆ ନାରା ଯୋଡିଛନ୍ତି । ଜୟ ଯବାନ, ଜୟ କିଷାନ, ଜୟ ବିଜ୍ଞାନ ଓ ଜୟ ଅନୁସନ୍ଧାନ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାଧୀନତାର ୭୫ ତମ ବର୍ଷ ପୂର୍ତିର ଐତିହାସିକ ଅବସରରେ ୨୦୪୭ ପାଇଁ ଭାରତର ରୂପରେଖ ଦେଶବାସୀଙ୍କ ଆଗରେ ରଖିଛନ୍ତି । ୨୦୪୭ରେ ଭାରତ ସ୍ୱାଧୀନତାର ଶହେ ବର୍ଷ ପୂରଣ କରିବ । ତେଣୁ ଆଗାମୀ ୨୫ ବର୍ଷରେ ସ୍ୱାଧୀନତା ସଂଗ୍ରାମୀଙ୍କ ବଳିଦାନ ଓ ସ୍ୱପ୍ନକୁ ପୂରଣ କରିବା ପାଇଁ ୫ଟି ସଂକଳ୍ପ ନେଇଛନ୍ତି ପ୍ରଧାନମନ୍ତ୍ରୀ ।
– ବିକଶିତ ଭାରତ
ଅର୍ଥାତ୍ ଭାରତକୁ ୨୦୪୭ ସୁଦ୍ଧା ବିକଶିତ ରାଷ୍ଟ୍ରରେ ପରିଣତ କରିବା
– ୧୦୦% ପରାଧୀନ ମାନସିକତାରୁ ମୁକ୍ତି
ଯେକୌଣସି ଉପାୟର ପରାଧୀନ ମାନସିକତାରୁ ମୁକ୍ତି ପାଇବାକୁ ହେବ
– ସଂସ୍କୃତି ଓ ପରମ୍ପରାକୁ ନେଇ ଗର୍ବ
ଅର୍ଥାତ ଦେଶର ସଂସ୍କୃତି ଓ ପରମ୍ପରାକୁ ନେଇ ଗର୍ବ କରିବା
– ଏକତା ଓ ଏକଜୁଟତା
ଦେଶର ୧୩୦ କୋଟି ନାଗରିକଙ୍କ ମଧ୍ୟରେ ବିବିଧତା ମଧ୍ୟରେ ଏକତା ଓ ଏକଜୁଟତା ଦେଖାଇବା
– ନାଗରିକଙ୍କ କର୍ତ୍ତବ୍ୟ ପାଳନ
ନାଗରିକଙ୍କ କର୍ତବ୍ୟ ବିକାଶର ରାସ୍ତା ତିଆରି କରିଥାଏ ବୋଲି କହିଛନ୍ତି ନରେନ୍ଦ୍ର ମୋଦୀ ।
ଆଗାମୀ ୨୫ ବର୍ଷ ପାଇଁ ୫ଟି ସଂକଳ୍ପ ସହ ନିଜର ଶକ୍ତି ଓ ସାମର୍ଥ୍ୟା ନେଇ ଆଗକୁ ବଢିଲେ ନିଶ୍ଚିତ ଲ କ୍ଷ୍ୟ ସ୍ଥଳରେ ପହଞ୍ଚି ପାରିବା ବୋଲି କହିଛନ୍ତି ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ କହିଛନ୍ତି ଆଗାମୀ ୨୫ବର୍ଷରେ ଏହି ୫ଟି ସଙ୍କଳ୍ପ ଉପରେ ଧ୍ୟାନ କେନ୍ଦ୍ରିତ କରିବାକୁ ହେବ । ୨୦୪୭ରେ ଯେବେ ଦେଶ ସ୍ୱାଧୀନତାର ଶହେ ବର୍ଷ ପୂର୍ତି ପାଳନ କରୁଥିବ । ସେହି ସମୟରେ ସ୍ୱାଧୀନତା ସଂଗ୍ରାମୀଙ୍କ ସ୍ୱପ୍ନକୁ ସାକାର କରିବା ଦାୟିତ୍ୱ କାନେ୍ଧଇ ଆମକୁ ଚାଲିବାକୁ ହେବ । ମୋଦୀ କହିଛନ୍ତି ଆମେ ଜୀବରେ ଶିବ, ନର ଦେହରେ ନାରାୟଣ ଦେଖିଥାଉଁ । ଏଥିସହ ଲାଲକିଲ୍ଲାରୁ ନାରୀ ଶକ୍ତିର ସମର୍ଥନ କରିବା ଉପରେ ଜୋର ଦେଇ ପ୍ରଧାନମନ୍ତ୍ରୀ କହିଛନ୍ତି, ଭାରତର ବିକାଶ ପାଇଁ ମହିଳାଙ୍କୁ ସମ୍ମାନ ଦେବା ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ ।