ବର୍ଷା ଛାଡିଲା, ଦୁର୍ଦ୍ଦଶା ବଢିଲା: ବଢୁଛି ପାଣି, ଲୋକେ ଏବେ ବି ଜଳବନ୍ଦୀ
କନକ ବ୍ୟୁରୋ: ବର୍ଷା କମିଛି, ହେଲେ ଲୋକଙ୍କ ଦୁର୍ଦ୍ଦଶା ବଢିଛି । ସବୁଆଡେ ଖାଲି ପାଣି ଆଉ ପାଣି । ଲୋକେ ଜଳବନ୍ଦୀରେ ରହିଛନ୍ତି । ବର୍ଷା ପାଣି ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ଯୋଗାଯୋଗ ବିଚ୍ଛିନ୍ନ ହାଇପଡ଼ିଛି । ତା ସହିତ ମହାନଦୀ ଗୟଳବାଙ୍କ ନିକଟରେ ୨ ଫୁଟର ଘାଇ ସୃଷ୍ଟି ହୋଇଛି । ହୁଳୁହୁଳା ନାଳ ଉପରେ ୫ଫୁଟର ବନ୍ୟାଜଳ ପ୍ରବାହିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଆକାଶମାର୍ଗରୁ ଏହି ଚିତ୍ର ଦର୍ଶାଉଛି ପାଣି ଭିତରେ ବଡ଼ମ୍ବାର ଅଧିଷ୍ଠାତ୍ରୀ ଦେବୀ ମାଆ ଭଟ୍ଟାରିକାଙ୍କ ମନ୍ଦିର ସମ୍ପୁର୍ଣ୍ଣ ବୁଡିଯାଇଛି । ଏହାପରେ ସେଠାରେ ଜିଲ୍ଲା ପ୍ରଶାସନ ପକ୍ଷରୁ ୧୪୪ ଧାରା ଲଗାଯାଇଛି । ବନ୍ୟା ପାଣିରେ ମା’ ଭଟାରିକାଙ୍କ ମନ୍ଦିର ବୁଡ଼ିବା ପରେ ଲୋକଙ୍କୁ ମନ୍ଦିର ନିକଟକୁ ଯିବାକୁ ବାରଣ କରିଛି ପ୍ରଶାସନ । । ବନ୍ୟା ପାଣି ବଢୁଥିବା ବେଳେ ଗତକାଲିଠାରୁ ମାଆଙ୍କ ଚଳନ୍ତି ପ୍ରତିମାକୁ ବନ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତରିତ କରାଯାଇଛି ।
ଯାଜପୁର ଜିଲ୍ଲା ଦଶରଥପୁର ବ୍ଲକରେ କାଣୀ ନଦୀ ବନ୍ଧରେ ଏକ ବଡ ଘାଇ ସୃଷ୍ଟି ହୋଇଛି । ନଦୀରେ ଜଳସ୍ତର ବଢିବାରୁ ବ୍ରହ୍ମଚାରୀପାଟଣା ଠାରେ ଘଳିଆ ପଡି ପ୍ରାୟ ୬୦ ଫୁଟର ଏକ ଘାଇ ହୋଇଛି । ଆଉ ସେହି ଘାଇ ଦେଇ ବନ୍ୟା ପାଣି ଗାଁ ଗଣ୍ଡାରେ ପ୍ରବେଶ କରୁଛି । ଯଥାଶ୍ରୀଘ ଘାଇର ମରାମତି କରାନଗଲେ ଚାଷ-ବାସ ନଷ୍ଟ ହେବାର ଆଶଙ୍କା ରହିଛି ।
ଲଗାଣ ବର୍ଷାରେ ହୀରାକୁଦ ବନ୍ୟାଜଳ ଆସିବା ପରେ ସଙ୍ଗୀନ ହୋଇଛି ଅନୁଗୁଳ ଟିକରପଡ଼ା ଅଂଚଳର ବନ୍ୟାସ୍ଥିତି । ପାଣି ଭିତରେ ବୁଡ଼ି ରହିଛି ରାସ୍ତା ଡ଼ଙ୍ଗା ସାହାଯ୍ୟରେ ସୁରକ୍ଷିତ ସ୍ଥାନକୁ ଚାଲିଯିବ।। ପାଇଁ ବାଧ୍ୟ ହେଉଛନ୍ତି ଲୋକ । ଟିକରପଡ଼ା ଅଂଚଳର ୪ଟି ଗାଁ ବାହ୍ୟଜଗତରୁ ବିଚ୍ଛିନ୍ନ ରହିଛି । ରାସ୍ତା ଉପରେ ଚାଲିଛି ବନ୍ୟାଜଳ । ହୀରାକୁଦର ୩୪ଟି ଗେଟ ଖୋଲିବା ପରେ ଟିକରପଡ଼ାରେ ବନ୍ୟା ପରିସ୍ଥିତି ।
ଭାର୍ଗବୀ ନଦୀର ଅଚ୍ୟୁତପୁର କାଜରୁ ଗତକାଲି ବିଳମ୍ବିତ ରାତିରୁ ବନ୍ୟାଜଳ ଗଡ଼ିବା ଆରମ୍ଭ ହୋଇଛି । ଆଜି ଏହାର ପରିମାଣ ଆହୁରି ବଢିଥିବା ବେଳେ ବାଲିପାଟଣା ଓ ବାଲିଅନ୍ତା ବ୍ଳକର ୭ରୁ ଅଧିକ ପଂଚାୟତର ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ଅନେକ ଗାଁରେ ପାଣି ମାଡ଼ିବାର ସମ୍ଭାବନା ରହିଛି । ପ୍ରତିବର୍ଷ ଧନୁଆ ନଇରେ ବନ୍ୟା ପାଣି ଆସି ଉପକୂଳବର୍ତି ଅଂଚଳର ୩୦ରୁ ଅଧିକ ଗାଁ ଜଳମଗ୍ନ ହେଉଛି ।
ବିବାହରେ ବାଧକ ସାଜିଲା ବନ୍ୟା । ବାଙ୍କୀ କଇଁମୁଣ୍ଡି ଗାଁରେ ପଶିଗଲା ବନ୍ୟା ପାଣି । ଓଡ୍ରାଫ୍ ବୋଟ୍ରେ କନ୍ୟାକୁ ମୁଖ୍ୟ ରାସ୍ତାକୁ ଆଣିଲେ ଉଦ୍ଧାରକାରୀ ଟିମ୍ । ପୂର୍ବ ନିର୍ଦ୍ଧାରିତ ତିଥି ଅନୁସାରେ କଇଁମୁଣ୍ଡି ଗାଁର ଜଣେ ଝିଅର ଆଜି ବାହାଘର ଥିଲା । ବନ୍ୟା ପାଣିରେ ଗାଁ ଜଳମଗ୍ନ ହେବାରୁ ଓଡ୍ରାଫ ବୋଟ୍ରେ ତାଙ୍କୁ ମୁଖ୍ୟ ରାସ୍ତାକୁ ଆଣିବାକୁ ପଡ଼ିଥିଲା ।