ପଞ୍ଚାୟତ ନିର୍ବାଚନ ପାଇଁ ଆଉ ପାଦେ ଆଗେଇଲେ ରାଜ୍ୟ ନିର୍ବାଚନ କମିଶନ, ମଡେଲ କୋଡ ଅଫ୍ କଣ୍ଡକ୍ଟ ପ୍ରସ୍ତୁତ
କନକ ବ୍ୟୁରୋ : ପଞ୍ଚାୟତ ନିର୍ବାଚନ ପାଇଁ ଆଉ ପାଦେ ଆଗେଇଲେ ରାଜ୍ୟ ନିର୍ବାଚନ କମିଶନ । ପ୍ରସ୍ତୁତ ହେଲା ମଡେଲ କୋଡ ଅଫ କଣ୍ଡକ୍ଟ । ନିର୍ବାଚନକୁ ଅବାଧ ଓ ସ୍ୱଛ କରିବା ପାଇଁ ଆର୍ଟିକିଲ ୨୪୩-କେରେ ଦିଆଯାଇଥିବା ସାମ୍ବିଧାନିକ କ୍ଷମତାର ବ୍ୟବହାର କରି ଏହି କୋଡ ଅଫ୍ କଣ୍ଡକ୍ଟ ପ୍ରସ୍ତୁତ କରିଛନ୍ତି ରାଜ୍ୟ ନିର୍ବାଚନ କମିଶନ ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବା ଦିନଠାରୁ ଲାଗୁ ହେବ କୋଡ ଅଫ୍ କଣ୍ଡକ୍ଟ ଏବଂ ଗଣତି ଶେଷ ପର୍ଯ୍ୟନ୍ତ ଏହା ବଳବତର ରହିବ । ବିଜ୍ଞପ୍ତି ପରେ କୋଡ ଅଫ୍ କଣ୍ଡକ୍ଟ ବା ନିର୍ବାଚନ ଆଚରଣ ବିଧି ଲାଗୁ ପାଇଁ ପ୍ରସ୍ତୁତ ରହିବାକୁ ପଞ୍ଚାୟତ ରାଜ ବିଭାଗ, ସମସ୍ତ ଜିଲ୍ଲା ଓ ବ୍ଲକ ପ୍ରଶାସନକୁ ନିର୍ଦେଶ ଦେଇଛନ୍ତି କମିଶନ । ଫେବ୍ରୁଆରୀ ମାସରେ ପଞ୍ଚାୟତ ନିର୍ବାଚନ କରିବାକୁ ଯୋଜନା କରିଛନ୍ତି କମିଶନ । ଏଥିପାଇଁ ଖୁବଶୀଘ୍ର ବିଜ୍ଞପ୍ତି ପ୍ରକାଶ ପାଇବ ବୋଲି କୁହାଯାଉଛି । ଜାଣନ୍ତୁ ଆଦର୍ଶ ଆଚରଣ ବିଧିରେ କଣ ରହିଛି ..
– କୌଣସି ଦଳ କିମ୍ବା ପ୍ରାର୍ଥୀ ଗୋଷ୍ଠୀ, ଓ ସମ୍ପ୍ରଦାୟ ମଧ୍ୟରେ ହିଂସା ସୃଷ୍ଟିକାରୀ ବୟାନ ଦେବେ ନାହିଁ
– କୌଣସି ପ୍ରାର୍ଥୀ କିମ୍ବା ଦଳ ହିଂସାତ୍ମକ କାର୍ଯ୍ୟର ଆଶ୍ରୟ ନେବେ ନାହିଁ କି ଉତ୍ସାହିତ କରିବେ ନାହିଁ
-କୌଣସି ଧାର୍ମିକ ସ୍ଥାନ , ସରକାରୀ ଭବନ ବା କାର୍ଯ୍ୟାଳୟ ବା ଶିକ୍ଷାନୁଷ୍ଠାନ ପରିସରରେ ନିର୍ବାଚନ ପ୍ରଚାର/ ସଭା/ କର୍ମୀ ସମ୍ମିଳନୀ କରାଯାଇପାରିବ ନାହିଁ
– କୌଣସି ପ୍ରାର୍ଥୀଙ୍କୁ ଭୟଭୀତ କରାଯାଇ ପାରିବ ନାହିଁ
– ସମସ୍ତ ରାଜନୈତିକ ଦଳ ଓ ପ୍ରାର୍ଥୀ ନିର୍ବାଚନ ଦାୟିତ୍ୱରେ ଥିବା କର୍ମଚାରୀଙ୍କୁ ସହଯୋଗ କରିବେ ।
– କୌଣସି ରାଜନୈତିକ ଦଳ ବା ପ୍ରାର୍ଥୀ ଭୋଟରଙ୍କୁ କୌଣସି ପ୍ରକାରର ପ୍ରଲୋଭନ ଦେଇପାରିବେ ନାହିଁ
– କୌଣସି ଦଳ ବା ପ୍ରାର୍ଥୀଙ୍କ ନିର୍ବାଚନୀ ସଭା ଚାଲିଥିବାବେଳେ ବିରୋଧୀ ରାଜନୈତିକ ଦଳ ବା ସେମାନଙ୍କ ସମର୍ଥକ ବାଧା ସୃଷ୍ଟି କରିପାରିବେ ନାହିଁ
– ସର୍ବସାଧାରଣ ସ୍ଥାନରେ ନିର୍ବାଚନ ସଭା ବା ସର୍ବସାଧାରଣ ରାସ୍ତାରେ ଶୋଭାଯାତ୍ରା କରିବା ପାଇଁ ଉପଯୁକ୍ତ କର୍ତୁପକ୍ଷଙ୍କଠାରୁ ଆଗୁଆ ଅନୁମତି ନେବାକୁ ପଡିବ
– ଡାକବାଜି ଯନ୍ତ୍ର ବ୍ୟବହାର ନିମନ୍ତେ ସମ୍ପୃକ୍ତ କର୍ତୁପକ୍ଷଙ୍କଠାରୁ ଆଗୁଆ ମଞ୍ଜୁରୀ ଆଣିବାକୁ ପଡିବ ।
– ରାତି ୮ଟାରୁ ସକାଳ ୭ଟା ଭିତରେ ଡାକବାଜି ଯନ୍ତ୍ର ବ୍ୟବହାର ହୋଇପାରିବ ନାହିଁ ।