କନକ ବ୍ୟୁରୋ: କଥାରେ ଅଛି ବାପା ମାଆଙ୍କ ଭଳି ନିସ୍ୱାର୍ଥପର ଭଲପାଇବା କେହିବି ଦେଇପାରିବେନି । ଆଉ ଏହାର ଉଦାହରଣ ଦେଖିବାକୁ ମିଳିଛି ପୁରୀ ଜିଲ୍ଲା କଣାସ ଅଞ୍ଚଳରେ । ପୁଅର ଜୀବନ ପାଇଁ ବାପା ନିଜ କିଡନୀ ଦାନ କରିଦେଇଛି । ନିଜ ଜୀବନ ପଛେ ଚାଲିଯାଉ କିନ୍ତୁ ତାଙ୍କ ପୁଅର ଆୟୁଦ ଦ୍ୱିଗୁଣିତ ହେଉ ବୋଲି କହିଛନ୍ତି ବାପା । କଣାସ ବଡଓରା ଗାଁର ନିରଞ୍ଜନ ସାହୁଙ୍କ ୨୯ ବର୍ଷର ପୁଅ ପ୍ରସନ୍ନ ସାହୁଙ୍କର ବର୍ଷଟେ ତଳେ ପେଟ ଯନ୍ତ୍ରଣା ହୋଇଥିଲା । ପରିବାର ଲୋକେ ଡାକ୍ତରଙ୍କୁ ଦେଖାଇବା ପରେ ତାଙ୍କର ଦୁଇଟି କିଡନୀ ନଷ୍ଟ ହୋଇଯାଇଥିବା ଡାକ୍ତର କହିଥିଲେ।
Kanak News is now on WhatsApp
Join and get latest news updates delivered to you via WhatsApp
କିଡନୀ ପ୍ରତିରୋପଣ ନକଲେ ବଞ୍ଚିବା ଅସମ୍ଭବ ବୋଲି ଡାକ୍ତର ପରାମର୍ଶ ଦେଇଥିଲେ । ହେଲେ ନୂଆ କିଡନୀ ଲଗାଇବା ପାଇଁ ଲକ୍ଷାଧିକ ଟଙ୍କାର ଆବଶ୍ୟକତା ରହିଥିବା ବେଳେ କିଡନୀ ମିଳିବା ସବୁଠୁ ବଡ ଚ୍ୟାଲେଞ୍ଜ ଥିଲା । ବାପା ଏବେ କିଡନୀ ଦେବାକୁ ପ୍ରସ୍ତୁତ ହୋଇଥିଲେ ବି କିଡନୀ ପ୍ରତିରୋପଣ ପାଇଁ ୮ରୁ ୧୦ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ହସ୍ପିଟାଲ ପକ୍ଷରୁ କୁହାଯାଇଛି । ହେଲେ ଗରିବ ପରିବାର ପାଖରେ ଏତେ ଟଙ୍କା ନ ଥିବାରୁ ଆର୍ଥିକ ସହାୟତା ପାଇଁ କାନ୍ଦି କାନ୍ଦି ନିବେଦନ କରିଛନ୍ତି ବାପା ମାଆ । ୭୬୦୯୯୮୩୮୮୯ ଏହି ନମ୍ବରରେ ଫୋନପେ ଅବା ଗୁଗୁଲପେ ମାଧ୍ୟମରେ ସହାୟତା କରିବାକୁ ନିବେଦନ କରିଛନ୍ତି ପରିବାର ଲୋକେ ।