ନଦୀ ଖୋଳି ନାଳ ପୋତିଦେଲା ଠିକାଦାର: କଣାସରେ ଦୟା ନଦୀ ଖୋଳି ବେଣାଗାଁ ମାଇନର ସଫେଇ କେନାଲରେ ମାଟି ପକାଇଦେଲା ଠିକା ସଂସ୍ଥା
କନକ ବ୍ୟୁରୋ: ନଦୀ ଖୋଳିବା ବାହାନାରେ କେନାଲ ପୋତିଦେଲା ଠିକା ସଂସ୍ଥା । ମାଟି ମାଫିଆ ଓ ଠିକା ସଂସ୍ଥାଙ୍କ ମଧୁଚନ୍ଦ୍ରିକାରେ ପେଶି ହେଉଛନ୍ତି ୧୨ରୁ ଅଧିକ ଗ୍ରାମବାସୀ । ଦୟା ନଦି ଖୋଳା ଆଳରେ ୫୦ ବର୍ଷର ପୁରୁଣା ବେଣାଗାଁ ମାଇନର ସଫେଇ କେନାଲ ପୋତି ଦିଆଯାଇଛି । ବାହାରେ ମାଟିକୁ ବିକ୍ରି କରିବା ଉଦେଶ୍ୟରେ ଏଭଳି କରିଥିବା ଅଭିଯୋଗ ହୋଇଛି । ନଦୀ ଖୋଳି କେନାଲ ପୋତି ଦିଆଯାଉଥିବା ବେଳେ ନିଦରେ ଶୋଇଛି କଣାସ ଜଳସମ୍ପଦ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
କାମ ବାହାନାରେ ଦୟା ନଦୀର ପଟୁ ମାଟିକୁ ବାହାରେ ବିକ୍ରି କରିଦେଲେ, ଖାଲି ମାଟି ବିକିଲେ ତାହା ନୁହେଁ, ୫୦ବର୍ଷର ପୁରୁଣା କେନାଲକୁ ମଧ୍ୟ ପୋତି ଦେଲେ ମାଟି ମାଫିଆ ଓ ଠିକା ସଂସ୍ଥା । ପୁରୀ ଜିଲ୍ଲାର କଣାସରେ ଦୟା ନଦୀର ପୁନଃରୁଦ୍ଧାର କାମ ଚାଲିଛି । ମେସିନ ସାହାଯ୍ୟରେ ନଦୀକୁ ଖୋଳି ଗଭୀର କରାଯାଉଛି । ନଦୀ ଖୋଳୁଥିବା ଠିକା ସଂସ୍ଥା କେନାଲକୁ ପୋତି ପକାଉଛି ।
ଦୟା ନଦୀ ପାଖରେ ଥିବା ବେଣାଗାଁ ମାଇନର ସଫେଇ କେନାଲ ଦେଇ ବନ୍ୟାଜଳ ଓ ବର୍ଷା ପାଣି ନଦୀକୁ ଯାଇଥାଏ । ହେଲେ ଏବେ କେନାଲକୁ ୪ ଫୁଟ ଉଚ୍ଚରେ ପୋତି ପକାଉଛି ଠିକା ସଂସ୍ଥା । କେନାଲ ପୋତି ହୋଇଗଲେ ବନ୍ୟା ଓ ବର୍ଷା ଜଳ କୁଆଡେ ନିଷ୍କାସନ ହେବ ତାକୁ ନେଇ ଦ୍ୱନ୍ଦ୍ୱରେ ପଡିଛନ୍ତି କଣାସ ବ୍ଲକ ୧୨ ଖଣ୍ଡ ଗାଁର ଲୋକ । ସେପଟେ କଣାସ ଜଳସମ୍ପଦ ବିଭାଗର କୌଣସି ଅଧିକାରି ଏପର୍ଯ୍ୟନ୍ତ ଘଟଣାସ୍ଥଳକୁ ଯାଇନାହାଁନ୍ତି ।
କଣାସ ବ୍ଲକର ହଜାର ହାଜର ହେକ୍ଟର ଧାନ ବିଲର ସାହା ଭରସା ବେଣାଗାଁ ସଫେଇ କେନାଲ । ଚାଷ ଜମି ଓ ଗାଁରୁ ବର୍ଷା ଜଳ ଓ ବନ୍ୟା ଜଳ ନିଷ୍କାସନ ହେବାରେ ବଡ ଭୁମିକା ତୁଲାଇଥାଏ ଏହି କେନାଲ ।