କନକ ବ୍ୟୁରୋ : ଆଗକୁ ଗୁଜରାଟ ବିଧାନସଭା ନିର୍ବାଚନ । ଚଳଚଂଚଳ ରାଜ୍ୟରାଜନୀତି । ବିଭିନ୍ନ ଦଳ ଏଠାରେ ପହଁଚି ଭୋଟବ୍ୟାଙ୍କ ରାଜନୀତି କରୁଛନ୍ତି । ଏହା ଭିତରେ ବିଜେପି ଓ କଂଗ୍ରେସର ପରମ ପ୍ରତିଦ୍ୱନ୍ଦୀ ଦଳ ଆମ ଆଦମୀ ପାର୍ଟିର ଲକ୍ଷ୍ୟରେ ରହିଛି ଗୁଜରାଟ । ଏହା ଭିତରେ ଆପ ମୁଖିଆ ଅରବିନ୍ଦ କେଜ୍ରିୱାଲଙ୍କୁୁ ନେଇ ନିକଟରେ ଘଟିଥିବା ଏକ ଘଟଣା ବେଶ ଚର୍ଚ୍ଚା ସାଉଁଟିଛି । ଜଣେ ଅଟୋ ଡ୍ରାଇଭରଙ୍କ ନିମନ୍ତ୍ରଣକୁ ରକ୍ଷା କରି କେଜ୍ରିୱାଲ ଯେଉଁଭଳି ଭାବେ ଅଟୋରେ ଯାତ୍ରା କରି ରାତ୍ରୀଭୋଜନ ପାଇଁ ପହଁଚିଲେ ଏହାକୁ ନେଇ ଆରମ୍ଭ ହୋଇଛି ରାଜନୀତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ସଂଯୋଜକ ଅରବିନ୍ଦ କେଜ୍ରିୱାଲ ଅଟୋରିକ୍ସା ଯାତ୍ରାକୁ ନେଇ ଏବେ ଚାଲିଛି ଖୁବ ଚର୍ଚ୍ଚା । ଗୁଜରାଟ ଗସ୍ତର ପ୍ରଥମ ଦିନରେ ଜଣେ ପ୍ରଂଶସକ କେଜ୍ରିୱାଲଙ୍କ ସହ କଥା ହଉ ହଉ ଏକ ଅନୁରୋଧ କରିଥିଲେ । ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ନିଜ ଘରକୁ ରାତ୍ରୀ ଭୋଜନ ପାଇଁ ନିମନ୍ତ୍ରଣ କରିଥିଲେ ଅଟୋ ରିକ୍ସା ଚାଳକ ବିକ୍ରମଭାଇ ଦନ୍ତାଣୀ । ତାଙ୍କ ଅନୁରୋଧ ରକ୍ଷା କରିଥିଲେ ମୁଖ୍ୟମନ୍ତ୍ରୀ କେଜ୍ରିୱାଲ ଓ ରାତ୍ରୀ ଭୋଜନ ପହଁଚିବେ ବୋଲି ପ୍ରତିଶ୍ରୁତି ଦେଇଥିଲେ । ଦେଇଥିବା କଥା ମୁତାବକ ସୋମବାର ରାତି ୮ଟା ସମୟରେ ନିଜ ଭିଆଇପି ରହଣୀ ସ୍ଥଳରୁ ବିନା କୌଣସି ସୁରକ୍ଷା ବ୍ୟବସ୍ଥା ସହ ଦିଲ୍ଲୀ ମୁଖ୍ୟମନ୍ତ୍ରୀ ଅଟୋ ରିକ୍ସାରେ ଗନ୍ତବ୍ୟସ୍ଥଳକୁ ବାହାରିଥିଲେ । ଏହି ସମୟରେ କିନ୍ତୁ ଗୁଜରାଟ ପୁଲିସ ସେଠାରେ ପହଁଚି ଯିବାକୁ ବାରଣ କରିଥିଲା ଓ କେଜ୍ରିୱାଲଙ୍କୁ ଫେରିଯିବାକୁ କହିଥିଲା ।
କିଛି ସମୟର ଯୁକ୍ତିତର୍କ ପରେ କେଜ୍ରିଓାଲ କିଛି ସାଥୀଙ୍କ ସହ ଅଟୋ ଚାଳକଙ୍କୁ ଘରକୁ ଯାତ୍ରା ଆରମ୍ଭ କରିଥିଲେ । ଦେଇଥିବା ପ୍ରତିଶ୍ରୁତି ସମୟ ଅନୁସାରେ ଅଟୋ ରିକ୍ସା ଚାଳକଙ୍କ ଘରେ ପହଁଚିଥିଲେ ଓ ବେଶ ଖୁସିର ସହ ରାତ୍ରୀ ଭୋଜନ କରିଥିଲେ କେଜ୍ରିୱାଲ । ସୋସିଆଲ ମିଡିଆରେ ପୂରା ଘଟଣାକୁ ବଖାଣିବା ସହ କେଜ୍ରିୱାଲ ପାଇଥିବା ଆତେଥ୍ୟ ବିଷୟରେ କହି ବେଶ ଖୁସି ପ୍ରକାଶ କରିଥିଲେ । ଏହିି ଘଟଣାକୁ ନେଇ ବିଜେପି ଏବେ କେଜ୍ରିୱାଲଙ୍କୁ ତେରଛା ବାଣ ମାରିଛି । ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଜଣେ ଭଲ କଳାକାର କହିଛି ବିଜେପି । ସେପଟେ ଆପ ମଧ୍ୟ ଜବାବ ରଖିଛି । ଦଳ କହିଛି ଗୁଜରାଟକୁ ନିଜ ହାତ ମୁଠାରେ ରଖିଥିବା ବିଜେପି ଆଗାମୀ ନିର୍ବାଚନରେ ପରାଜୟ ହେବ । ଏଥରକ ରାଜ୍ୟବାସୀ ନିଜର ନିଷ୍ପତି ବଦଳାଇବେ ଓ ଆପକୁ କ୍ଷମତା ଗାଦୀରେ ବସାଇବେ ବୋଲି ଦଳ କହିଛି ।