ମହାଠକ ସୁକେଶ ଚନ୍ଦ୍ରଶେଖରଙ୍କ ବଡ ଖୁଲାସା । କହିଲେ, ମୁଁ ସତ୍ୟନ୍ଦ୍ର ଜୈନିଙ୍କୁ ୧୦ କୋଟି ଟଙ୍କା ଦେଇଛି
କନକ ବ୍ୟୁରୋ : ଅର୍ଥ ହେରଫେର ମାମଲାରେ ଜେଲରେ ଥିବା ମହାଠକ ସୁକେଶ ଚନ୍ଦ୍ରଶେଖରଙ୍କ ବୟାନ ଏବେ ଦିଲ୍ଲୀ ସରକାରଙ୍କୁ ଅଡୁଆରେ ପକାଇଛି । ସୁକେଶ ଦିଲ୍ଲୀ ଉପ ରାଜ୍ୟପାଳଙ୍କୁ ଚିଠିଲେଖି ଅଭିଯୋଗ କରିଛନ୍ତି କି ଦିଲ୍ଲୀ ସରକାରରେ ମନ୍ତ୍ରୀ ଥିବା ସତ୍ୟନ୍ଦ୍ର ଜୈନଙ୍କୁ ସେ ୧୦ କୋଟି ଟଙ୍କା ଦେଇଛନ୍ତି । କେବଳ ସେତିକି ନୁହେଁ ଏହି ଚିଠିରେ ସେ ତିହାର ଜେଲର ଡିଜିଙ୍କୁ ବି ଟଙ୍କା ଦେଇଥିବା କଥା ଉଲ୍ଲେଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଉପ ରାଜ୍ୟପାଳଙ୍କୁ ସୁକେଶ ଯେଉଁ ଚିଠି ଲେଖିଛନ୍ତି ସେଥିରେ ଦାବି କରାଯାଇଛି କି ସେ ୨୦୧୫ ମସିହାରୁ ସତ୍ୟନ୍ଦ୍ର ଜୈନଙ୍କୁ ଜାଣିଛନ୍ତି । ଏହାହସ ସେ ଆମ୍ ଆଦମୀ ପାର୍ଟିକୁ ଚାନ୍ଦା ଆକାରରେ ମୋଟ ୫୦ କୋଟି ଟଙ୍କା ଦେଇଛନ୍ତି । ଏହା ବଦଳରେ ଆମ୍ ଆଦମୀ ପାର୍ଟି ତାଙ୍କୁ ଦକ୍ଷିଣ ଭାରତରେ ପାର୍ଟିର ମୁଖ୍ୟପଦ ଦେବାକୁ ପ୍ରତିଶ୍ରୁତି ଦେଇଥିଲା । ଏହାସହ ସୁକେଶଙ୍କୁ ଆମ୍ ଆଦମୀ ପାର୍ଟି ରାଜ୍ୟସଭାକୁ ସାଂସଦ କରି ପଠାଇବାକୁ ବି ଦଳ ପ୍ରତିଶ୍ରୁତି ଦେଇଥିବା କଥା ସୁକେଶ ଦାବି କରିଛନ୍ତି ।
ସୁକେଶ ଲେଖିଛନ୍ତି ଯେ ୨୦୧୭ ମସିହାରେ ଏକ ଘଟଣାରେ ସେ ଜେଲରେ ଥିବା ବେଳେ ସେତେବେଳର ଜେଲମନ୍ତ୍ରୀ ସତ୍ୟନ୍ଦ୍ର ଜୈନ ତାଙ୍କୁ ଜେଲ ଭିତରେ ବାରମ୍ବାର ଭେଟିଥିଲେ । ଏହାସହ ମୁଁ ତାଙ୍କୁ ଦେଇଥିବା ଟଙ୍କା ବାବଦରେ ଯାଂଚ ଏଜେନ୍ସିକୁ ନକହିବାକୁ ବାରମ୍ବାର ତାଗିଦ କରିଥିଲେ ।
କେବଳ ସେତିକି ନୁହେଁ ସୁକେଶ ତିହାର ଜେଲରେ ଥିବା ବେଳେ ଜେଲ ଡିଜି ସନ୍ଦୀପ ଗୋଏଲଙ୍କୁ ବି ଟଙ୍କା ଦେଇଥିବା କଥା ଚିଠିରେ ଉଲ୍ଲେଖ କରିଛନ୍ତି । ସେ କହିଛନ୍ତି କି ଜେଲ ଡିଜି ତାଙ୍କଠାରୁ ୧୨.୫୦ କୋଟି ଟଙ୍କା ନେଇଛନ୍ତି ।