୨୦୨୪ ପାଇଁ ବିଜେପିର ରଣନୀତି । ପ୍ରତି ବୁଥରୁ ୫୦ପ୍ରତିଶତ ଭୋଟ ପାଇବା ଲକ୍ଷ୍ୟ, ବିଜେପି କର୍ମୀଙ୍କୁ ଗୋଟିଏ ପରିବାରର ଦାୟିତ
କନକ ବ୍ୟୁରୋ : ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ ପରେ ୨୪ ପାଇଁ ପ୍ରସ୍ତୁତି ହେଉଛି ବିଜେପି । ବୁଥ ସ୍ତରରୁ ଦଳକୁ ମଜବୁତ୍ କରିବାକୁ ଯୋଜନା ହିଁ ଏହି ରାଜ୍ୟରେ ବିଜେପିକୁ ସଫଳତା ଦେଇଛି । ଏହାରିଭିତରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତିକ୍ରିୟା ରାଜ୍ୟ ରାଜନୀତିରେ ବିଜେପିର ୨୪ ନିର୍ବାଚନ ପ୍ରସ୍ତୁତିକୁ ଖୋରାକ ଯୋଗାଇଛି । ଧର୍ମେନ୍ଦ୍ର ପ୍ରଧାନ କହିଛନ୍ତି, ପ୍ରତି ବୁଥରୁ ୫୦ ପ୍ରତିଶତ ଭୋଟ ରାଜ୍ୟ ବିଜେପିର ଟାର୍ଗେଟ । ନିଜ ନିଜ ବୁଥରୁ ୫୦ ପ୍ରତିଶତ ଭୋଟ ପାଇର୍ ସମସ୍ତେ ଦାୟିତ୍ୱ ନେବାକୁ ପଡିବ ବୋଲି ଦଳର ପ୍ରତ୍ୟେକ କର୍ମୀଙ୍କୁ ଆହ୍ୱାନ କରିଛନ୍ତି କେନ୍ଦ୍ରମନ୍ତ୍ରୀ । ସେପଟେ ବିଜେଡି କହିଛି ଦଳ ମଜବୁତ ସ୍ଥିତିରେ ଅଛି । ଦଳର ଭୋଟ ପ୍ରତିଶତ ଏଥର ୭୦ ପ୍ରତିଶତରୁ କମିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଗସ୍ତ ସାରି ଫେରିଥିବା ବିଜେପି ବିଧାୟକମାନେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାର୍ତାକୁ ତୃଣମୂଳ ସ୍ତରରେ କାର୍ଯ୍ୟକାରୀ କରିବାକୁ ଅଂଟା ଭିଡିଛନ୍ତି । ମୋଦୀଙ୍କ ଆହ୍ୱାନ କ୍ରମେ ଓଡିଶାରେ ଏକ କୋଟି ପରିବାର ପାଖରେ ପହଂଚିବ ଦଳ । ବିଧାୟକ ମାନେ ଏକ ହଜାରରୁ ଦୁଇ ହଜାର ଘରକୁ ଯିବେ । ସେହିଭଳି ସାଂସଦମାନେ ଚାରିର ପାଂଚ ହଜାର ଘରକୁ ଯିବେ । ପ୍ରତ୍ୟେକ କର୍ମୀ ପ୍ରତି ଘର ଦାୟିତ୍ୱରେ ରହିବାକୁ ଯୋଜନା ପ୍ରସ୍ତତ କରିଛି ବିଜେପି ।
୨୪ ନିର୍ବାଚନ ଲାଗି କ୍ଷେତ୍ର ପ୍ରସ୍ତୁତ କରିବାକୁ ଆରମ୍ଭ କରିଛନ୍ତି ଦୁଇ ରାଜନୈତିକ ଦଳ । ଉଭୟ ବିଜେଡି ଏବଂ ବିଜେପି ବୁଥରୁ ସଂଗଠନ ସୁଦୃଢ କରିବାକୁ ଯୋଜନା ଆରମ୍ଭ କରିଛନ୍ତି । ତେବେ ଭୋଟର କାହାକୁ ବିଶ୍ୱାସ କରୁଛନ୍ତି ତାହା ନିର୍ବାଚନ ଫଳାଫଳରୁ ସ୍ପଷ୍ଟ ହେବ ।