କନକ ବ୍ୟୁରୋ : କୋକିଳ କଣ୍ଠି ଲତା ମଙ୍ଗେସକରଙ୍କ ଦେହାନ୍ତ ପରେ ସାରା ଦେଶରେ ଶୋକର ଛାୟା ଖେଳିଯାଇଛି । ଏନେଇ ବହୁ ବରିଷ୍ଠ ବ୍ୟକ୍ତି ଲତାଙ୍କୁ ମୃତ୍ୟୁରେ ଶୋକ ପ୍ରକାଶ କରିବା ସହ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି । ଏହି କ୍ରମରେ ଲତାଙ୍କ ସ୍ମୃତିକୁ ଅମର ରଖିବାକୁ କେନ୍ଦ୍ର ସରକାର ଏକ ବଡ ନିଷ୍ପତ୍ତି କରିଛନ୍ତି । କେନ୍ଦ୍ର ସରକାର ଲତାଙ୍କ ସ୍ମୃତିରେ ଏକ ସ୍ୱତନ୍ତ୍ର ଷ୍ଟାମ୍ପ ପ୍ରଚଳନ କରିବାକୁ କହିଛନ୍ତି । ଏନେଇ କେନ୍ଦ୍ର ସରକାର କିଛି ଡିଜାଇନ ଚୟନ କରୁଥିବା କଥା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ରେଳମନ୍ତ୍ରୀ ଅଶ୍ୱନୀ ବୈଷ୍ଣବ ଜାତୀୟ ଗଣମାଧ୍ୟମକୁ କହିଛନ୍ତି କି ଏନେଇ ପ୍ରାଥମିକ ସ୍ତରରେ ଡିଜାଇନ ଚୟନ କରାଯାଉଛି । ଜାତୀୟ ଗଣମାଧ୍ୟକୁ ଏକ ସାକ୍ଷାତକାର ଦେବା ଅବସରରେ ରେଳମନ୍ତ୍ରୀ କହିଛନ୍ତି କି, ଏହା ଲତା’ଜୀଙ୍କ ପାଇଁ ଏକ ଛୋଟ ଉପହାର । ଯିଏ ଦେଶର ନାମକୁ ସଂଗୀତ ମାଧ୍ୟମରେ ସାରା ବିଶ୍ୱରେ ପରିଚିତ କରାଇଛନ୍ତି ଏଭଳି ଏକ ଛୋଟ ଉପହାର ଦେଇ ଦେଶବାସୀଙ୍କ ମନରେ ସର୍ବଦା ଲତା’ଜୀଙ୍କ ଅମର ରଖିବାକୁ ସରକାରଙ୍କର ଏହା ଏକ ଛୋଟିଆ ପ୍ରୟାସ ବୋଲି ସେ କହିଛନ୍ତି ।
ସୂତ୍ର ସୂଚନା ମୁତାବକ ଏକ ସ୍ୱତନ୍ତ୍ର ଟିମ ଷ୍ଟାମ୍ପର ଡିଜାଇନକୁ ପ୍ରସ୍ତୁତ କରୁଛନ୍ତି । ଏହି ଷ୍ଟାମ୍ପ ୩ ପ୍ରକାରର ହେବ ବୋଲି ଅନୁମାନ କରାଯାଇଛି । ଷ୍ଟାମ୍ପରେ ଲତାଙ୍କ ପେନସିଲ ସ୍କେଚ ରହିବ କି ଲତାଙ୍କର ଏକ ସ୍ୱତନ୍ତ୍ର ରଙ୍ଗୀନ ଛବି ରହିବ ସେନେଇ କିଛି ସ୍ପଷ୍ଟ ହୋଇନାହିଁ ।
Special commemorative stamp in memory of Lata Mangeshkar on anvil
Read @ANI Story | https://t.co/gX0aINfNCt#LataMangeshkar #commemorativestamp pic.twitter.com/ZNiidhRCGb
— ANI Digital (@ani_digital) February 8, 2022
ସରକାର ଏହି ଷ୍ଟାମ୍ପର ଉନ୍ମୋଚନ ଲତା’ଜୀଙ୍କ ଜନ୍ମଦିନ ସେପ୍ଟେମ୍ବର ୨୮ ତାରିଖରେ କରିପାରନ୍ତି ବୋଲି ଅନୁମାନ କରାଯାଉଛି । କହିରଖୁ କି ଭାରତ ରତ୍ନ ଲତା ମଙ୍ଗେସକରଙ୍କର ୯୨ ବର୍ଷ ବୟସରେ ପରଲୋକ ହୋଇଛି । ଫେବୃଆରୀ ୬ ତାରିଖ ଦିନ ମୁମ୍ବାଇର ବ୍ରିଚକାଣ୍ଡି ହସ୍ପିଟାଲରେ ଲତା ମଙ୍ଗେସର ଶେଷ ନିଶ୍ୱାସ ତ୍ୟାଗ କରିଥିଲେ ।