ପୁଣି ଥରେ ଖେରସନ ସହ ହରାଇଥିବା ସହରକୁ ଅକ୍ତିଆର କରିବାକୁ କ୍ରେମଲିନ ଜୋରଦାର କଲା ଆକ୍ରମଣ । ଦୁଇ ଦେଶ ମଧ୍ୟରେ ମିଳିତ ଜାତିସଂଘ ଆୟୋଜନ କରିପାରେ ଶାନ୍ତି ବୈଠକ
କନକ ବ୍ୟୁରୋ : ରୁଷ- ୟୁକ୍ରେନ ମଧ୍ୟରେ ଦୀର୍ଘଦିନ ହେଲା ଯୁଦ୍ଧ ଜାରି ରହିଛି । ଏବେ ପୁଣି ଥରେ ରୁଷିଆ ୟୁକ୍ରେନ ଉପରେ ଆକ୍ରମଣ କରିଛି । ଖେରସାନର ଜନବସତି ଅଂଚଳରେ ଏବେ ରୁଷ ସେନା ପକ୍ଷରୁ ୩୩ ରକେଟ ମାଡ କରାଯାଇଛି । ଏନେଇ ଦାବି କରିଛି ୟୁକ୍ରେନ ସେନା । ରୁଷ ଯୁଦ୍ଧରେ ଟ୍ୟାଙ୍କ, ସଶସ୍ତ୍ର ଗାଡି ମଧ୍ୟ ବ୍ୟବହୃତ କରୁଥିବା ୟୁକ୍ରେନ କହିଛି । ୧୧ ମାସ ଯୁଦ୍ଧରେ ରୁଷର ପ୍ରଥମେ ୟୁକ୍ରେନର ଖାରସନ ଅଂଚଳକୁ ନିଜ ଦଖଲକୁ ନେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ହେଲେ ଗତ ମାସରେ ରୁଷ ସେନା ଏହି ଅଂଚଳ ଛାଡି ଚାଲିଯିବା ପରେ ପୁଣିଥରେ ୟୁକ୍ରେନ ନିୟନ୍ତ୍ରଣକୁ ଚାଲିଆସିଥିଲା ଖାରସେନ୍ । ଏବେ ପୁଣି ରକେଟ ମାଡ କରି ନିଜ କବଜ୍ଜାକୁ ନେଇଛି ରୁଷ । ଏନେଇ ବିଟ୍ରେନ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି, ରୁଷ ଏବେ ଆହୁରି ଆକ୍ରମଣାତ୍ମକ ହୋଇପଡିଛି । ୟୁକ୍ରେନର ୭୦ ହଜାର ବାସ କରୁଥିବା ବାଖମୁଖକୁ ରକେଟ ମାଡ କରି ରୁଷ ଧ୍ୱଂସ କରିପକାଇଛି । ସେପଟେ ଜନସାଧାରଣଙ୍କ ଉପରେ ଆକ୍ରମଣ ଘଟଣାକୁ ଅସ୍ୱିକାର କରିଛି ରୁଷ ।