ରାୟଗଡାରେ ସର୍ବକନିଷ୍ଠ ଜିଲ୍ଲାପରିଷଦ ଅଧ୍ୟକ୍ଷ: ମହିଳା ସଶକ୍ତୀକରଣର ଉଦାହରଣ ସରସ୍ୱତୀ ମାଝୀ
କନକ ବ୍ୟୁରୋ: ରାୟଗଡା ଜିଲ୍ଲାକୁ ମିଳିଛି ରାଜ୍ୟର ସବୁଠୁ କମ ବୟସର ଜିଲ୍ଲାପରିଷଦ ଅଧ୍ୟକ୍ଷ । ଆଦିବାସୀ ବହୁଳ କାଶୀପୁର ଅଂଚଳର ୨୩ବର୍ଷ ବୟସ୍କ ବିଜେଡି ଜିଲ୍ଲା ପରିଷଦ ସଦସ୍ୟ ସରସ୍ୱତୀ ମାଝି ନିଦ୍ୱର୍ନ୍ଦ୍ୱରେ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ଜିଲ୍ଲାର ଅଭିଜ୍ଞ ନେତାଙ୍କୁ ପଛରେ ପକାଇ ଆଦିବାସୀ ବହୁଳ ଅଂଚଳର ଆଦିବାସୀ ଝିଅକୁ ଅଧ୍ୟକ୍ଷ କରିଛି ବିଜେଡି । ୨୦୧୯ରେ ବିଏସସିରେ ପାସ କରିଛନ୍ତି । ଲୋକଙ୍କ ସେବା କରିବାକୁ ରାଜନୀତିରେ ପାଦ ଦେଇ ସରସ୍ୱତୀ ଜିଲ୍ଲା ପରିଷଦ ଅଧ୍ୟକ୍ଷ ବନିଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଭିମାନ ଅଂଚଳରୁ ସଶକ୍ତ ମହିଳାଙ୍କ ସଂଘର୍ଷ କାହାଣୀ
ଏସଏଚଜି ମହିଳାରୁ ଜିଲ୍ଲା ପରିଷଦ ଅଧ୍ୟକ୍ଷା
ମାଲକାନଗିରିର ସ୍ୱାଭିମାନ ଅଂଚଳର ସମାରୀ ତାଙ୍ଗୁଲୁ । ଏସଏଚଜି ମହିଳାରୁ ଏବେ ସେ ଜିଲ୍ଲା ପରିଷଦ ଅଧ୍ୟକ୍ଷା ହୋଇଛନ୍ତି । ସ୍ୱାଭିମାନ ଅଂଚଳର ମହିଳାଙ୍କୁ ଜିଲ୍ଲା ପରିଷଦ ଅଧ୍ୟକ୍ଷ କରି ସ୍ୱାଭିମାନ ଅଂଚଳର ବିକାଶ ଫୋକସରେ ଥିବା ସଙ୍କେତ ଦେଇଛି ଶାସକ ଦଳ । ୨୦୧୪ ମସିହାରେ ସ୍ୱାଭିମାନ ଅଂଚଳର ବଡପଡା ଠାରେ ମାଁ ସନ୍ତୋଷି ନାମକ ଏସଏଚଜି ଗଠନ କରିଥିଲେ ସମାରି । ପରେ ଓଡିଶା ଜୀବିକା ମିଶନ ପକ୍ଷରୁ କମ୍ୟୁନିଟି ରିସୋର୍ସ ପର୍ସନର ଦାୟିତ୍ୱ ତୁଲାଇ ଆଖପାଖ ଅଂଚଳର ୧୨ଟି ସ୍ୱୟଂ ସହାୟକ ଗୋଷ୍ଠୀ ପ୍ରତିଷ୍ଠା କରିଥିଲେ । ଆଉ ଆଜି ଏହି ସଫଳତାର ଶ୍ରେୟ ମଧ୍ୟ ଏହି ଏସଚିଜି ମହିଳାଙ୍କୁ ଦେଇଛନ୍ତି ସମାରି ।