ଚାଷୀଙ୍କୁ ୨୦୦୦ ୟୁନିଟ ଯାଏଁ ମାଗଣା ବିଜୁଳି, ୫୦୦ ଟଙ୍କାରେ ଗ୍ୟାସ ସିଲିଣ୍ଡର: ରାଜସ୍ଥାନ ବଜେଟରେ ଗେହଲଟଙ୍କ ବଡ ଘୋଷଣା
କନକ ବ୍ୟୁରୋ: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ବିଧାନସଭାରେ ତୃତୀୟ କାର୍ଯ୍ୟକାଳର ଶେଷ ବଜେଟ୍ ଉପସ୍ଥାପନା କରିଛନ୍ତି । ଏହି ଅବସରରେ ସେ କିଛି ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି । ତେବେ ଗେହଲଟ୍ ପ୍ରଥମ ୮ ମିନିଟ ଯାଏଁ ଗତ ବର୍ଷର ପୁରୁଣା ବଜେଟ୍ ପଢିବା ପରେ ବିଧାନସଭାରେ ହଟ୍ଟଗୋଳ ହୋଇଥିଲା ଏବଂ ଗୃହକାର୍ଯ୍ୟ ଅଧଘଣ୍ଟା ଯାଏଁ ସ୍ଥଗିତ ରହିଥିଲା । ଏହାପରେ ଆରମ୍ଭ ହୋଇଥିଲା ଚଳିତ ବର୍ଷର ବଜେଟ୍ ।
Kanak News is now on WhatsApp
Join and get latest news updates delivered to you via WhatsApp
ଗେହଲଟଙ୍କ ବଜେଟରେ ଗୁରୁତ୍ୱପୂର୍ଣ୍ଣ ଘୋଷଣା:
ରାଜ୍ୟର ଚାଷୀଙ୍କୁ ୨୦୦୦ ୟୁନିଟ ଯାଏଁ ମାଗଣା ବିଜୁଳି ଯୋଗାଇଦିଆଯିବ ।
ଘରୋଇ ଉପଭୋକ୍ତାଙ୍କୁ ୧୦୦ ୟୁନିଟ୍ ଯାଏଁ ମାଗଣା ବିଜୁଳି ମିଳିବ ।
ରାଜ୍ୟବାସୀଙ୍କୁ କେବଳ ୫୦୦ ଟଙ୍କା ରନ୍ଧନ ଗ୍ୟାସ ସିଲିଣ୍ଡର ମିଳିବ ।
କରୋନାରେ ଯେଉଁ ପିଲାମାନେ ବାପା,ମା’ଙ୍କୁ ହରାଇଛନ୍ତି ସେମାନଙ୍କୁ ୧୮ ବର୍ଷ ପରେ ଚାକିରି ଦିଆଯିବ ।
ଅନ୍ୟ ଜାତିରେ ବିବାହ କଲେ ୨୫ ଲକ୍ଷ ଯାଏଁ ସହାୟତା ରାଶି ମିଳିବ ।
ଦୁର୍ଘଟଣା ବିମା ରାଶିକୁ ୫ ଲକ୍ଷରୁ ବ୧୦ ଲକ୍ଷକୁ ବୃଦ୍ଧି କରାଯିବ ।
ରାଜ୍ୟରେ ୧୫ଟି ଭିନ୍ନ ଭିନ୍ନ ସ୍ଥାନରେ ନିଶାମୁକ୍ତି କେନ୍ଦ୍ର ଖୋଲାଯିବ ।
ରାଜ୍ୟରେ ଅଧିକ ମହାବିଦ୍ୟାଳୟ ଓ ମେଡିକାଲ କଲେଜ ଖୋଲାଯିବ । ବିଦ୍ୟାଳୟ ଓ ମହାବିଦ୍ୟାଳୟ ମାନଙ୍କରେ ପେପର ଲିକକୁ ରୋକିବାକୁ ସ୍ପେଶାଲ ଟାସ୍କ ଫୋର୍ସ ଗଠନ କରାଯିବ ।
ମହିଳାଙ୍କ ପାଇଁ ରୋଡୱେ ଭଡାରେ ୫୦ ପ୍ରତିଶତ ଯାଏଁ ରିହାତି ମିଳିବ ।
ଅନ୍ନପୂର୍ଣର୍ା ଫୁଡ ପ୍ୟାକେଜ ଯୋଜନା ଅନ୍ତର୍ଗତ ହିତାଧିକାରୀଙ୍କୁ ମାଗଣା ରାସନ ମିଳିବ ।
ଯଦିଓ ବଜେଟର ପ୍ରଥମ ପର୍ଯ୍ୟାୟରେ ହଟ୍ଟଗୋଳ ଦେଖିବାକୁ ମିଳିଥିଲା ହେଲେ ବଜେଟ୍ ଶୁଣିବା ପରେ ସମସ୍ତେ ଶାନ୍ତ ପଡିଥିଲେ ।