କନକ ବ୍ୟୁରୋ: କଡା ଶବ୍ଦର ବ୍ୟବହାର… ସାଂସଦଙ୍କ ମଧ୍ୟରେ ବିବାଦ ଦେଶର ସଂସଦରେ ଅନେକ ସମୟରେ ଏଭଳି ଚିତ୍ର ଦେଖିବାକୁ ମିଳିଥାଏ । ଅନେକ ଥର କଥା ମାରପିଟ ଯାଏ ମଧ୍ୟ ଆସିଯାଏ । ତେବେ ଭାଲେଣ୍ଟାଇନ ସପ୍ତାହ କାରଣରୁ ସଂସଦରେ ମାହୋଲ ମଧ୍ୟ ଟିକେ ଅଲଗା ରହିଛି । ଲୋକତନ୍ତ୍ରର ମନ୍ଦିରରେ ପାଣିପାଗ ପୂରା ବଦଳିଯାଇଛି । ସାଂସଦଙ୍କ ଶବ୍ଦରେ ବି ଭଲ ପାଇବା ନଜର ଆସୁଛି । ରାଜସ୍ଥାନର କଂଗ୍ରେସ ସାଂସଦ ପ୍ରମୋଦ ତିୱାରୀ ବିରୋଧୀ ଦଳର ନେତା ମଲ୍ଲିକାର୍ଜୁନ ଖଡଗେଙ୍କ ବୟାନକୁ ରାଜ୍ୟସଭା ରେକର୍ଡରୁ ହଟାଇବା ନେଇ ନିଜର ମତ ରଖିଥିଲେ । ଏହି ସମୟରେ ସେ ଏଭଳି କିଛି କହିଥିଲେ ଯାହାକୁ ନେଇ ରାଜ୍ୟସଭାରେ ହସର ଗୁଞ୍ଜରଣ ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମଲ୍ଲିକାର୍ଜୁନ ଖଡଗେଙ୍କ କିଛି ଶବ୍ଦକୁ ସଂସଦର ରେକର୍ଡରୁ ହଟାଇବାକୁ ନେଇ ପ୍ରମୋଦ ତିୱାରୀ ପଏଣ୍ଟ ଅଫ୍ ଅର୍ଡର ଉଠାଇଥିଲେ । ଏହି ସମୟରେ ସେ କହିଥିଲେ ଖଡଗେ ମହାଶୟ ଆପଣଙ୍କୁ ଭଲ ପାଇବାରେ କିଛି କବିତା ଶୁଣାଇଥିଲେ । ଜବାବରେ ଉପରାଷ୍ଟ୍ରପତି ଜଗଦୀପ ଧନଖଡ କହିଥିଲେ ଯେ ମୁଁ ବୁଝିପାରୁନାହିଁ କବିତା ଭଲ ପାଇବାରେ ହୁଏ ନା ଭଲ ପାଇବା ଯୋଗୁ କବିତା ଆପେ ଆପେ ବାହାରି ଆସେ । ଏହା ପରେ ପୁଣି ଥରେ ପ୍ରମୋଦ ତିୱାରୀ କହିଥିଲେ ସାର ଆପଣ କେତେ ଥର ଭଲ ପାଇଛନ୍ତି । ଯଦି କେହି ଆପଣଙ୍କୁ ଭଲ ପାଇଯାଆନ୍ତି ତେବେ କବିତା ଆପେ ଆପେ ଆସିଯିବ । ଆପଣଙ୍କୁ ସମସ୍ତେ ଭଲ ପାଇଥାନ୍ତି ଏଥିପାଇଁ ଏଲଓପିଙ୍କ ମୁହଁରୁ କବିତା ବାହାରି ଆସିଥିଲା । ଭଲ ପାଇବାରେ ଏମିତି ହୁଏ ସାର । ପୁଣି ସେ ପଚାରିଥିଲେ ସାର ଆପଣ ପ୍ରଥମ ଥର କେବେ ଭଲ ପାଇଥିଲେ । ଯାହାର ଉତ୍ତରରେ ଉପରାଷ୍ଟ୍ରପତି ହସିଦେଇଥିଲେ ।