ରାହୁଲ ଗାନ୍ଧୀଙ୍କ ସବରକର ବୟାନକୁ ନେଇ ସାମ୍ନାକୁ ଆସିଲେ ସବରକରଙ୍କ ନାତୀ, ରାହୁଲଙ୍କୁ ମାଗିଲେ ଇଂରେଜଙ୍କୁ କ୍ଷମା ମାଗିଥିବାର ପ୍ରମାଣ
କନକ ବ୍ୟୁରୋ : ହିନ୍ଦୁତ୍ୱ ବିଚାରକ ବିନାୟକ ଦାମୋଦର ସବରକରଙ୍କ ନାତୀ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବୟାନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ସେ ସବରକରଙ୍କ ଦ୍ୱାରା ବ୍ରିଟିଶ ସରକାରଙ୍କୁ କ୍ଷମା ମାଗିବା ସମ୍ବନ୍ଧରେ ଦସ୍ତାବିଜ୍ ଓ ସାକ୍ଷୀ ପ୍ରସ୍ତୁତ କରିବାକୁ ରାହୁଲ ଗାନ୍ଧୀଙ୍କୁ ଚ୍ୟାଲେଞ୍ଜ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଜନତା ପାର୍ଟି ଦ୍ୱାରା ବିଭିନ୍ନ ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ କ୍ଷମା ମାଗିବା ନେଇ ଦାବି କରିବା ପରେ ଏହାକୁ ନେଇ ଗଣମାଧ୍ୟମ ରାହୁଲ ଗାନ୍ଧୀଙ୍କୁ ପ୍ରଶ୍ନ କରିଥିଲେ । ଏହା ଉତ୍ତରରେ ରାହୁଲ ଗାନ୍ଧୀ କହିଥିଲେ କି “ମୋ ନାମ ସବରକର ନୁହେଁ, ମୋ ନାମ ଗାନ୍ଧୀ । ଆଉ ଗାନ୍ଧୀ କାହାରିକୁ କ୍ଷମା ମାଗେ ନାହିଁ” । କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଲୋକସଭା ସଦସ୍ୟ ପଦରୁ ଅଯୋଗ୍ୟ ଘୋଷିତ ହେବା ପରେ ସାମ୍ବାଦିକ ସମ୍ମିଳନୀରେ ଏଭଳି କହିଥିଲେ ।
ରାହୁଲ ଗାନ୍ଧୀଙ୍କର ଏଭଳି ବୟାନ ଉପରେ ସବରକରଙ୍କ ନାତୀ ରଞ୍ଜିତ ସବରକର କହିଛନ୍ତି କି, ରାହୁଲ ଗାନ୍ଧୀ କହୁଛନ୍ତି ସେ କ୍ଷମା ମାଗିବେ ନାହିଁ କାରଣ ସେ ସବରକର ନୁହଁନ୍ତି । ଏହା ଉପରେ ସେ ରାହୁଲ ଗାନ୍ଧୀଙ୍କ ଚ୍ୟାଲେଞ୍ଜ ଦେଇଛନ୍ତି କି ସବରକର କେଉଁଠି କାହାକୁ କ୍ଷମା ମାଗିଥିଲେ ତାହାର ପ୍ରମାଣ ଦିଅନ୍ତୁ । ଏହାସହ ଦେଶଭକ୍ତଙ୍କ ନାମ ପୟୋଗ କରି ରାଜନୀତି ଚକମକାଇବାକୁ ଚାହୁଁଥିବା ଲୋକଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ।