ଟାଟା ପାୱାର ପାଖରେ ମୁଣ୍ଡ ବିକିଛନ୍ତି ରାଜ୍ୟ ସରକାର, ମନ୍ତ୍ରୀଙ୍କ ଉଦଭ୍ରାନ୍ତ ବୟାନ ଅତି ଦୁର୍ଭାଗ୍ୟଜନକ । ବିଦ୍ୟୁତ୍ ବିଭ୍ରାଟକୁ ନେଇ ଭୁବନେଶ୍ୱରରୁ ଆନ୍ଦୋଳନ ଆରମ୍ଭ କଲା ବିଜେପି ।
କନକ ବ୍ୟୁରୋ : ସାରା ରାଜ୍ୟରେ ବିଦ୍ୟୁତ୍ କାଟକୁ ନେଇ ଜନଜୀବନ ଅସ୍ତବ୍ୟସ୍ତ ହେଉଥିବା ବେଳେ ଶକ୍ତିମନ୍ତ୍ରୀଙ୍କ ଉଦଭ୍ରାନ୍ତ ମନ୍ତବ୍ୟକୁ ଅତି ଦୁର୍ଭାଗ୍ୟଜନକ ବୋଲି କହିଲା ବିଜେପି । ବାରମ୍ବାର ବିଦ୍ୟୁତ ବିଭ୍ରାଟକୁ ନେଇ ଆଜିଠାରୁ ଭୁବନେଶ୍ୱରରେ ଆନ୍ଦୋଳନ ଆରମ୍ଭ କରିଛି ବିଜେପି । ସାଂଘାତିକ ଅଭିଯୋଗ ଆଣିବା ସହ ବିଜେପି କହିଛି, ଆଜି ତାରିଖରେ ବିଦ୍ୟୁତ ବିତରଣ ବ୍ୟବସ୍ଥା ରାଜ୍ୟ ସରକାରଙ୍କ ନିୟନ୍ତ୍ରଣ ବାହାରେ ।
Kanak News is now on WhatsApp
Join and get latest news updates delivered to you via WhatsApp
ଟାଟା ପାୱାର ପାଖରେ ରାଜ୍ୟ ସରକାର ମୁଣ୍ଡ ବିକିଲା ଭଳି ସ୍ଥିତି ତିଆରି ହୋଇଛି ।ଗ୍ରାମାଞ୍ଚଳରେ ଲୋକଙ୍କ ଦୁର୍ଦ୍ଦଶା କହିଲେ ନସରେ । ଅତୀତରେ ପାୱାର କଟ ହେଲା ବେଳେ ଲୋକଙ୍କ ପାଇଁ କିଛି ରିଲିଫ ଥିଲା । ଲୋକ ଜାଣୁଥିଲେ, ଏହି ନିର୍ଦ୍ଦିଷ୍ଟ ସମୟରେ ପାୱାର କଟ ହେବ । ଯେହେତୁ ଆମେ ନିଅଣ୍ଟିଆ ବିଜୁଳି ଉତ୍ପାଦିତ ରାଜ୍ୟ ବୋଲି ଭାବୁଥିଲେ । ତେଣୁ ଲୋକ ନିଜକୁ ମାନସିକ ସ୍ତରରେ ପ୍ରସ୍ତୁତ ରଖୁଥିଲେ । କିନ୍ତୁ ଏବେ ଗୋଟିଏ ପଟେ ବଳକା ବିଦ୍ୟୁତ ଉତ୍ପାଦିତ ରାଜ୍ୟ ବୋଲି କହୁଛନ୍ତି, ଆଉ ପୁଣି ଅଲିଖିତ ଭାବରେ ମନ ଇଚ୍ଛା ବିଜୁଳି କାଟ କରୁଛନ୍ତି । ବର୍ଷା ଝଡ ହେଲେ ତ ଅଲଗା କଥା । କିନ୍ତୁ କିଛି ନଥାଇ ବି ଯେତେବେଳେ ପାରୁଛନ୍ତି, ବିଜୁଳି କାଟ କରୁଛନ୍ତି । କେହି କହିଲା ବେଳକୁ ଅତ୍ୟନ୍ତ ଉଦଭ୍ରାନ୍ତ ଭାବେ ମନ୍ତବ୍ୟ ରଖୁଛନ୍ତି ମନ୍ତ୍ରୀ । ଯେଉଁ ମନ୍ତବ୍ୟ ଅତ୍ୟନ୍ତ ଦୁର୍ଭାଗ୍ୟଜନକ କଥା ।
ରାଜ୍ୟରେ ଗାଁ ଠାରୁ ଭୁବନେଶ୍ଵର ସହର ପର୍ୟ୍ୟନ୍ତ ସମସ୍ତେ ଟାଟା ପାୱାରର ବିଦ୍ୟୁତ ବିତରଣ ବ୍ୟବସ୍ଥାକୁ ନେଇ ଅସହନୀୟ ସ୍ଥିତିରେ ପହଂଚିଛନ୍ତି । ଯେହେତୁ ରାଜ୍ୟ ସରକାର ମୁଣ୍ଡ ବିକି ଦେଇଛନ୍ତି, ସେଥିପାଇଁ ମନ୍ତ୍ରୀଙ୍କ ଠାରୁ ଆରମ୍ଭ କରି ଶକ୍ତି ବିଭାଗ ଟାଟା କମ୍ପାନୀ ଉପରେ ୟୁନିଲାଟେରାଲି ସମର୍ଥନ ଓଜାଡୁଛନ୍ତି । କିନ୍ତୁ ବିଜେପି ଚୁପ୍ ବସିବ ନାହିଁ । ଆଜି ଭୁବନେଶ୍ୱରରୁ ଆନ୍ଦୋଳନ ଆରମ୍ଭ କରୁଛି ବିଜେପି । ଆଗକୁ ଗାଁ ଗହଳି ପର୍ୟ୍ୟନ୍ତ ଆନ୍ଦୋଳନ ଜାରି ରହିବ ବୋଲି କହିଛି ଦଳ ।