ଫ୍ରାନ୍ସ ରାଷ୍ଟ୍ରପତିଙ୍କୁ ଚନ୍ଦନ କାଠରେ ତିଆରି ସୀତାର୍, ତାଙ୍କ ପତ୍ନୀଙ୍କୁ ଶିଲ୍କ ଶାଢୀ ଉପହାର । ପଢନ୍ତୁ, ଫ୍ରାନ୍ସରେ କାହାକୁ କଣ ଉପହାର ଦେଲେ ମୋଦୀ?
କନକ ବ୍ୟୁରୋ: ଦୁଇ ଦିନିଆ ଫ୍ରାନ୍ସ ଗସ୍ତରେ ଥିବା ପ୍ରଧାନମନ୍ତ୍ରୀ ମୋଦୀ ନିଜର ଗସ୍ତ ସାରି ଫ୍ରାନ୍ସକୁ ବିଦାୟ ଜଣାଇସାରିଛନ୍ତି । ମୋଦୀ ତାଙ୍କର ଏହି ଫ୍ରାନ୍ସ ଗସ୍ତ ସମୟରେ ରାଷ୍ଟ୍ରପତି ଇମାନୁଏଲ୍ ମାକ୍ରନ୍, ତାଙ୍କ ପତ୍ନୀ ବ୍ରିଗିଟ୍ ମାକ୍ରନ୍, ପ୍ରଧାନମନ୍ତ୍ରୀ ଏଲିଜାବେଥ୍ ବୋର୍ନ ସମେତ ସିନେଟର ଅଧ୍ୟକ୍ଷ ପ୍ରମୁଖଙ୍କୁ ଭେଟିଥିଲେ । ତେବେ ଫ୍ରାନ୍ସକୁ ବିଦାୟ ଜଣାଇବା ପୂର୍ବରୁ ମୋଦୀ ବିଦେଶ ମାଟିରେ ଭାରତୀୟ ଶିଳ୍ପକଳାର ବିଭିନ୍ନ ଉପହାର ସେମାନଙ୍କୁ ଭେଟି ଦେଇଛନ୍ତି । ମୋଦୀ ଫ୍ରାନ୍ସ ରାଷ୍ଟ୍ରପତିଙ୍କୁ ଚନ୍ଦନ କାଠରେ ପ୍ରସ୍ତୁତ ଏକ ସିତାର୍ ଗିଫ୍ଟ ଦେଇଥିବାବେଳେ, ତାଙ୍କ ପତ୍ନୀ ବ୍ରିଗିଟ୍ ମାକ୍ରନଙ୍କୁ ସିଲ୍କରେ ପ୍ରସ୍ତୁତ ଏକ ଶାଢୀ ଗିଫ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସ ରାଷ୍ଟ୍ରପତିଙ୍କୁ ମୋଦୀ ଦେଇଥିବା ଉପହାରଟି ସମ୍ପୂର୍ଣ୍ଣ ଭାବେ ଚନ୍ଦନ କାଠରେ ପ୍ରସ୍ତୁତ କରାଯାଇଛି । ଏହି ସିତାରରେ ଦେବୀ ସରସ୍ୱତୀ ଏବଂ ଗଣେଶଙ୍କ ପ୍ରତିକୃତ୍ତି ମଧ୍ୟ ଦେଖିବାକୁ ମିଳୁଛି । ଖାଲି ସେତିକି ନୁହେଁ, ଏହି ସୀତାରରେ ଭାରତର ରାଷ୍ଟ୍ରୀୟ ପକ୍ଷୀକୁ ମଧ୍ୟ ଚିତ୍ରଣ କରାଯାଇଛି ।
ଅନ୍ୟପଟେ ଇମାନୁଏଲଙ୍କ ପତ୍ନୀଙ୍କୁ ମୋଦୀ ଦେଇଥିବା ଶାଢୀ ଉପହାରଟି ପୋଚମପଲ୍ଲୀ ରେଶମ ଶାଢୀ ଅଟେ । ଯାହାକୁ ଏକ ସୁସଜ୍ଜିତ ଚନ୍ଦନ ବାକ୍ସରେ ରଖି ମୋଦୀ ବ୍ରିଗିଟଙ୍କୁ ଗିଫ୍ଟ ଦେଇଛନ୍ତି । ସେହିପରି ଫ୍ରାନ୍ସ ପ୍ରଧାନମନ୍ତ୍ରୀଙ୍କୁ ମଧ୍ୟ ଏକ ସୁନ୍ଦର ଉପହାର ଭେଟିଦେଇଛନ୍ତି । ଯାହାକି ସୁନ୍ଦର ଭାରତୀୟ ଶିଳ୍ପକଳାର ପ୍ରତୀକ ଅଟେ ।