ମୋଦୀଙ୍କ ‘ମନ୍ କି ବାତ୍’ର ୧୦୦ତମ ଏପିସୋଡରେ ଓଡିଶାର ଡି, ପ୍ରକାଶ ରାଓଙ୍କ ପ୍ରଶଂସା । ବିଦେଶରେ ଶୁଭିଲା ଭାରତର ଗାରିମା
କନକ ବ୍ୟୁରୋ: ସାରା ବିଶ୍ୱ ଶୁଣିଲା ମୋଦୀଙ୍କ ମନ କୀ ବାତ୍ । ୧୦୦ତମ ଏପିସୋଡକୁ ନ୍ୟୁୟର୍କ, ଲଣ୍ଡନ ସମେତ ବିଭିନ୍ନ ଦେଶରେ ପ୍ରସାରଣ କରାଯାଇଛି । ଦେଶବାସୀଙ୍କ ଆଜି ସମ୍ବୋଧନ କରି ମୋଦୀ କହିଛନ୍ତି, ମନ କୀ ବାତ କାର୍ଯ୍ୟକ୍ରମ ଏକ ଜନ ଆନ୍ଦୋଳନରେ ପରିଣତ ହୋଇଛି । ଗୁଜରାଟ ମୁଖ୍ୟମନ୍ତ୍ରୀ ଥିବା ସମୟରେ ସିଧାସଳଖ ଲୋକଙ୍କ ସହ ମିଶିବାର ସୁଯୋଗ ମିଳିଥିଲା । କିନ୍ତୁ ପ୍ରଧାନମନ୍ତ୍ରୀ ହେବା ପରେ ପ୍ରୋଟକଲ ସୁରକ୍ଷା ଆଦି ବିଭିନ୍ନ କାରଣରୁ ଲୋକଙ୍କ ସହ ସିଧାସଳଖ ମିଳାମିଶା କରିବାରେ ସମ୍ଭବ ହେଉନଥିଲା । ଲୋକଙ୍କ ସେବା ପାଇଁ କମ୍ ବୟସରୁ ଘର ଛାଡ଼ିଥିବା ଜଣେ ବ୍ୟକ୍ତିଙ୍କୁ ଏହା ବ୍ୟଥିତ କରିଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି । ତେବେ ଏହି ଖାଲିସ୍ଥାନକୁ ମନ କୀ ପୂରଣ କରିଥିଲା ବୋଲି ମୋଦୀ କହିଛନ୍ତି । ଏହି କାର୍ଯ୍ୟକ୍ରମ ଜରିଆରେ ଲୋକଙ୍କ ସହ ଯୋଡ଼ିହେବାକୁ ସୁଯୋଗ ଆଣିଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
‘ମନ କୀ ବାତ୍’ର ୧୦୦ତମ ଏପିସୋଡରେ ମୋଦୀ ଓଡ଼ିଶାର ଡି. ପ୍ରକାଶ ରାଓଙ୍କୁ ମନେ ପକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । କଟକର ଡି. ପ୍ରକାଶ ରାଓ ଚା’ ବିକ୍ରି କରି କିପରି ମାଗଣାରେ ପିଲାମାନଙ୍କୁ ପାଠ ପଢ଼ାଉଥିଲେ, ଏବଂ ତାଙ୍କର ସମର୍ପିତ ଜୀବନ ଉପରେ ଆଲୋକପାତ କରିଥିଲେ ମୋଦୀ ।
ସେହିପରି ଓଡ଼ିଶାରେ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କ ୧୦୦ତମ ମନ୍ କୀ ବାତ୍ କାର୍ଯ୍ୟକ୍ରମର ଆୟୋଜନ କରାଯାଇଛି । ବିଜେପି ରାଷ୍ଟ୍ରୀୟ ମୁଖପାତ୍ର ପୁରୀ ଜିଲ୍ଲା ସତ୍ୟବାଦୀରେ ମନ୍ କୀ ବାତ୍ କାର୍ଯ୍ୟକ୍ରମରେ ଯୋଗଦେଇଥିଲେ । ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ମୋଦୀଙ୍କ ମନ୍ କୀ ବାତ୍ ଶୁଣିଛନ୍ତି ।