କଟକଣା ଭିତରେ ମଲ୍ ଖୋଲିଲା, ଚାଲିଲା ସିନେମା ହଲ୍ । ହେଲେ ଆସୁନାହାଁନ୍ତି ଲୋକ । ମଲ୍ ପାଇଁ ଅଡୁଆ ହେଉଛି ଟିକାର ଦୁଇଟି ଡୋଜର ପ୍ରମାଣପତ୍ର । ନୂଆ ସିନେମା ନଥିବାରୁ ହଲ ଖାଲି ।
- କୋଭିଡ କଟକଣାରେ ଖୋଲୁଛି ଦୋକାନ ବଜାର
- ହଲକୁ ଆସୁ ନାହାନ୍ତି ଦର୍ଶକ, ଖାଁ ଖାଁ ସପିଙ୍ଗ୍ ମଲ୍
Kanak News is now on WhatsApp
Join and get latest news updates delivered to you via WhatsApp
କୋଭିଡ କଟକଣା ଭିତରେ ସିନେମା ହଲ ସାରା ରାଜ୍ୟରେ ଖୋଲିଲାଣି । କୋଭିଡ ଗାଇଡଲାଇନ ପାଳନ ହେଉଛି କିନ୍ତୁ ଫିଲ୍ମ ଦେଖିବାକୁ ଆସୁନାହାନ୍ତି ଦର୍ଶକ । ରାଜଧାନୀର କେଶରୀ ଟକିଜରେ ଆଜି ଏକ ହଲିଉଡ ଫିଲ୍ମ ଚାଲିଥିବାବେଳେ କେବଳ ୭/୮ ଜଣ ଦର୍ଶକ ଫିଲ୍ମ ଦେଖୁଥିବା ଦେଖିବାକୁ ମିଳିଛି ।
ସେହିପରି କଟକର ବୃନ୍ଦାବନ୍ଦ ଟକିଜରେ କେବଳ ଫିଲ୍ମ ୫/୬ ଜଣ ଦର୍ଶକରେ ହଲ୍ ଚାଲିଛି । ନୂଆ ଫିଲ୍ମ ପଡିନଥିବାରୁ ହଲ ଖାଲି ପଡିଛି । ସେପଟେ ଜୟପୁର ସହରର ସମସ୍ତ ଫିଲ୍ମ ହଲ ଖୋଲିଲାଣି କିନ୍ତୁ ନୂଆ ଫିଲ୍ମ ରିଲିଜ ହୋଇନଥିବାରୁ ହଲ ଚାଲୁ ନାହିଁ । ଦର୍ଶକ ମଧ୍ୟ ଫିଲ୍ମ ଟକିଜକୁ ଆସି ନିରାଶ ହୋଇ ଘରକୁ ଫେରୁଛନ୍ତି ।
ସିନେମା ହଲ ଭଳି ସପିଙ୍ଗ୍ ମଲରେ ମଧ୍ୟ ଗ୍ରାହକଙ୍କ ମରୁଡି । ଦୋକାନୀ ମଲ ଖୋଲି ବସିଛନ୍ତି କିନ୍ତୁ ଗ୍ରାହକ ଆସୁ ନାହାନ୍ତି । ମଲକୁ ପ୍ରବେଶ ପାଇଁ କୋଭିଡ ଟିକାର ଦୁଇଟି ଡୋଜ ନେଇଥିବା ପ୍ରମାଣ ପତ୍ର ବାଧ୍ୟତାମୂଳକ । ତେଣୁ ଗ୍ରାହକ ଆସୁନଥିବା କହିଛନ୍ତି ମଲ କର୍ମଚାରୀ ।
ସେପଟେ ୪ ଦଫା ଦାବିରେ ରାସ୍ତାକୁ ଓହ୍ଲାଇଛନ୍ତି ଜିମ ଓ ପାର୍ଲର ମାଲିକ ସଂଘ । ଜିମ, ବ୍ୟୁଟି ପାର୍ଲରକୁ ଏମଏସଏମଇରେ ଅନ୍ତର୍ଭୁକ୍ତ କରିବା , ହୋଲଡିଂ ଟ୍ୟାକ୍ସ ହ୍ରାସ କରିବା , ସମସ୍ତ ମାଲିକଙ୍କୁ ଋଣ ଯୋଗାଇଦେବା ସହ ଇଏମଆଇ ଛାଡ ପାଇଁ ସେମାନେ ଦାବି କରିଛନ୍ତି । ଯଦି ସରକାର ୧୫ ଦିନ ଭିତରେ ଦାବି ପୂରଣ ନକଲେ ତେବେ ରାଜରାସ୍ତାକୁ ଓହ୍ଲାଇବେ ବୋଲି ଚେତେଇ ଦେଇଛନ୍ତି ଜିମ୍ ଓ ବ୍ୟୁଟି ପାର୍ଲର ମାଲିକ ସଂଘ ।