ବଢ଼ୁଛି କଟକ ଖ୍ରୀଷ୍ଟ କଲେଜ ଛାତ୍ର ତୁଷାରକାନ୍ତଙ୍କ ମୃତ୍ୟୁ ରହସ୍ୟ ।ସାମ୍ନାକୁ ଆସିଲା ପ୍ରେମିକାଙ୍କ ସହ ହ୍ୱାଟ୍ସଆପ୍ ଚାର୍ଟର ଖବର । ମୃତ୍ୟୁ ପଛରେ ରହିଛି କି ପ୍ରେମ ସମ୍ପର୍କ?
- ସାମ୍ନାକୁ ଆସିଲା ମୃତ୍ୟୁ ପୂର୍ବର ହ୍ୱାଟ୍ସଆପ୍ ଚାର୍ଟ
- ତୁଷାରଙ୍କ ମୃତ୍ୟୁ ପଛରେ ରହିଛି କି ପ୍ରେମ ସମ୍ପର୍କ?
Kanak News is now on WhatsApp
Join and get latest news updates delivered to you via WhatsApp
ଖ୍ରୀଷ୍ଟ କଲେଜ ଛାତ୍ର ତୁଷାରକାନ୍ତ ସାହୁ ନିଖୋଜ ହେବା ପୂର୍ବରୁ ଜଣେ ଯୁବତୀଙ୍କ ସହ ଯେଉଁ ଚାର୍ଟ କରିଥିଲେ, ତାହା ଏବେ ସାମ୍ନାକୁ ଆସିଛି । ଏହି ସବୁ ଚାର୍ଟ ଦେଖିଲେ, ଯୁବତୀଙ୍କ ସହ ତାଙ୍କର ପ୍ରେମ ସମ୍ପର୍କ ଥିବା ନେଇ ସନ୍ଦେହ କରାଯାଉଥିବା ବେଳେ ତୁଷାରଙ୍କ ଭଉଣୀ ଏହି ମୃତ୍ୟୁ ମାମଲାରେ ଗାର୍ଲଫ୍ରେଣ୍ଡଙ୍କ ହାତ ଥିବା ଅଭିଯୋଗ କରିଛନ୍ତି ।
କେବଳ ସେତିକି ନୁହେଁ ତୁଷାରକାନ୍ତ ମୃତ୍ୟୁ ଘଟଣାରେ ଅପହରଣ ଓ ହତ୍ୟା ଅଭିଯୋଗ ଆଣି କଟକ କ୍ୟାଣ୍ଟନମେଣ୍ଟ ଥାନରେ ଏତଲା ଦେଇଛନ୍ତି ତୁଷାରକାନ୍ତଙ୍କ ବାପା । କେତେ ଜଣ ତାଙ୍କୁ ଅପହରଣ କରି ହତ୍ୟା କରିବା ପରେ ତୁଷାରକାନ୍ତଙ୍କୁ ନଦୀରେ ଫିଙ୍ଗି ଦେଇଥିବା ଏତଲାରେ ଦର୍ଶାଇଛନ୍ତି । ଏପଟେ ମୃତ୍ୟୁର କାରଣ ଖୋଜୁଛି ପୁଲିସ୍ ।
ସୂଚନାଯୋଗ୍ୟ ଯେ, କଟକ ଖ୍ରୀଷ୍ଟ କଲେଜରେ ଯୁକ୍ତ ଦୁଇ ପଢ଼ୁଥିବା ତୁଷାରକାନ୍ତ ନିଖୋଜ ହୋଇଯାଇଥିବା ନେଇ ପରିବାର ଲୋକ ଅଭିଯୋଗ କରିଥିଲେ । ହେଲେ ଗୁରୁବାର ଦିନ କଟକ ଯୋବ୍ରା ଆନିକଟରୁ ମିଳିଥିଲା ତୁଷାରକାନ୍ତଙ୍କ ମୃତଦେହ ।