ଗୋଆରେ ହେବାକୁ ଥିବା ଏସସିଓ ସମ୍ମିଳନୀରେ ସାମିଲ ହେବ ପାକିସ୍ତାନ : ଭାରତ ଆସିବେ ପାକ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋ
କନକ ବ୍ୟୁରୋ : ଗୋଆରେ ହେବାକୁ ଥିବା ସାଂଘାଇ କୋଅପରେସନ୍ ଅର୍ଗାନାଇଜେସନ୍ ବା ଏସସିଓ ସମ୍ମିଳନୀରେ ପାକିସ୍ତାନ ଯୋଗ ଦେବ କି ନାହିଁ, ସେ ନେଇ କଳ୍ପନାଜଳ୍ପନା ଲାଗି ରହିଥିଲା । ତେବେ ଗୁରୁବାର ଏହି ଆଲୋଚନା ଉପରେ ପୂର୍ଣ୍ଣଛେଦ ପଡ଼ିଛି । ଏସସିଓ ବୈଠକରେ ପାକିସ୍ତାନ ଯୋଗ ଦେବ । ବୈଠକରେ ଯୋଗଦେବା ପାଇଁ ପାକିସ୍ତାନ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋ ଭାରତ ଗସ୍ତରେ ଆସିବେ ।
Kanak News is now on WhatsApp
Join and get latest news updates delivered to you via WhatsApp
ପଡ଼ୋଶୀ ଦେଶର ବୈଦେଶିକ ମନ୍ତ୍ରାଳୟର ମୁଖପାତ୍ର ମୁମତାଜ ଜହରା ବାଲୁଚ ଏହି ସୂଚନା ଦେଇଛନ୍ତି । ସେ କହିଛନ୍ତି, ଆସନ୍ତା ମେ’ ୪ ଓ ୫ ତାରିଖରେ ଗୋଆରେ ହେବାକୁଥିବା ଏସସିଓ ବୈଦେଶିକ ମନ୍ତ୍ରୀ ପରିଷଦ ବା ସିଏଫଏମ୍ ବୈଠକରେ ବିଲାୱଲ ଭୁଟ୍ଟୋ ପାକିସ୍ତାନ ପ୍ରତିନିଧି ଦଳର ନେତୃତ୍ୱ ନେବେ । ଭାରତ ବର୍ତମାନ ଏସସିଓର ଅଧ୍ୟକ୍ଷତା କରୁଛି । ଚଳିତ ବର୍ଷ ଜାନୁଆରୀ ମାସରେ ଚୀନର ନୂଆ ବୈଦେଶିକ ମନ୍ତ୍ରୀ କିନ୍ ଗ୍ୟାଙ୍ଗ ଓ ପାକିସ୍ତାନ ବୈଦେଶିକ ମନ୍ତ୍ରୀ ବିଲାୱଲ ଭଟ୍ଟଙ୍କୁ ଏସସିଓ ସଦସ୍ୟଙ୍କ ବୈଠକରେ ସାମିଲ ହେବା ପାଇଁ ନିମନ୍ତ୍ରଣ କରିଥିଲା ଭାରତ ।