ମଦ୍ୟପ ଯୁବକର ଉନ୍ନତ୍ତ କାଣ୍ଡ : ପୁଅ ମୃତ, ବାପା ଗୁରୁତର; ଅଭିଯୁକ୍ତକୁ ଅଟକ ରଖିଲା ପୋଲିସ
କନକ ବ୍ୟୁରୋ : ମଦ୍ୟପ ଯୁବକର ଉନ୍ନତ୍ତ କାଣ୍ଡ । ଯାଜପୁର ରୋଡ ଥାନା ଅନ୍ତର୍ଗତ ବାଳୁଙ୍ଗା ବନ୍ଦୀ ଗ୍ରାମରେ ମଦ୍ୟପ ଯୁବକଙ୍କ ଛୁରା ମାଡରେ ପୁଅ ମୃତ ବାପ ଗୁରୁତର । ଅଭିଯୁକ୍ତ ଯାଜପୁର ରୋଡ ଥାନାରେ ଅଟକ । ସୂଚନା ଅନୁସାରେ ରାତି ପାଖାପାଖି ୯ଟାରେ ବାଳୁଙ୍ଗାବନ୍ଦୀ ଗାଁର ସୁକାନ୍ତ ମଳିକ ଦାଣ୍ଡରେ ବସିଥିଲେ । ସେହି ସମୟରେ ଗାଁର ଗଣେଶ ମଦ ନିଶାରେ ଚୁର ହୋଇ ଗାଁ ଦାଣ୍ଡରେ ଅସଭ୍ୟ ଭାଷାରେ ଗାଳିଗୁଲଜ କରୁଥିଲେ । ସୁକାନ୍ତ ଏହାକୁ ବିରୋଧ କରିବାରୁ ଗଣେଶ ମାଡ ମାରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାପାକୁ ମାଡ ହେଉଥିବା ଦେଖି ପୁଅ ମଦନ ଛଡାଇବାକୁ ଆସିବାରୁ ଗଣେଶ ଉଭୟ ବାପପୁଅଙ୍କୁ ଛୁରା ମାଡ କରି ଚମ୍ପଟ ମାରିଥିଲେ । ଗୁରୁତର ଅବସ୍ଥାରେ ଗ୍ରାମବାସୀ ବାପ ପୁଅଙ୍କୁ ଉଦ୍ଧାର କରି ଦାନଗଦି ମେଡିକାଲକୁ ନେଇଥିଲେ । ସେଠାରେ ମଦନ ମଳିକଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ବାପା ସୁକାନ୍ତ ମଳିକଙ୍କୁ କଟକ ବଡମେଡିକାଲ ସ୍ଥାନାନ୍ତର କରାଯାଇଛି । ସେପଟେ ଅଭିଯୁକ୍ତ ମଳିକଙ୍କୁ ଯାଜପୁର ରୋଡ ଥାନାରେ ପୁଲିସ ଅଟକ ରଖିଛି ।