ୟୁନିଫର୍ମ ସିଭିଲ୍ କୋଡ ଲାଗୁ ନେଇ ଚାଲିଛି ବିତର୍କ : ଅଧିକାଂଶ ବିରୋଧୀ ଦଳ କରୁଛନ୍ତି ବିରୋଧ
କନକ ବ୍ୟୁରୋ : ୟୁନିଫର୍ମ ସିଭିଲ୍ କୋଡ ତଥା ସମାନ ନାଗରିକ ସଂହିତା ବିଲ ଭାରତରେ ଲାଗୁ କରିବା ବିଷୟକୁ ନେଇ ଲଗାତାର ଦେଶବ୍ୟାପୀ ବିତର୍କ ଚାଲିଛି । ଦେଶର ଅଧିକାଂଶ ବିରୋଧୀ ଦଳ ଏହାକୁ ବିରୋଧ କରୁଥିବାବେଳେ ଏଆଇଏମଆଇଏମ ଅଧ୍ୟକ୍ଷ ଅସଉଦ୍ଦିନ ଓବେସି ପ୍ରଧାନମନ୍ତ୍ରୀଙ୍କୁ ଏହି ବିଷୟକୁ ନେଇ ଟାର୍ଗେଟ୍ କରିଛନ୍ତି । ୟୁସିସିକୁ ନେଇ ବିଜେପି ରାଜନୀତି କରୁଛି ବୋଲି ବିରୋଧୀ ଅଭିଯୋଗ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ନୋବେଲ ପୁରଷ୍କାର ବିଜେତା ତଥା ଜଣାଶୁଣା ଅର୍ଥଶାସ୍ତ୍ରୀ ଅମର୍ତ୍ୟ ସେନ୍ କହିଛନ୍ତି ୟୁସିସିକୁ ଲାଗୁ କରିବାର ପ୍ରୟାସ ଏକ ଧୋକ୍କା । ଏଥିରୁ କାହାକୁ ଫାଇଦା ହେବ ବୋଲି ସେ ପ୍ରଶ୍ନ କରିଛନ୍ତି । ସେହିପରି ଏହି ୟୁସିସି ପ୍ରସ୍ତୁତି ହିନ୍ଦୁରାଷ୍ଟ୍ରର ବିଚାରଧାରା ସହ ଜଡିତ ବୋଲି କହିଛନ୍ତି ଅମର୍ତ୍ୟ ସେନ୍ । ଅନ୍ୟପଟେ ଉତ୍ତରାଖଣ୍ଡରେ ୟୁସିସି ଲାଗୁ କରିବା ପାଇଁ ଆଗଭର ହୋଇଛନ୍ତି ଉତରାଖଣ୍ଡ ସରକାର ।