ଓମିକ୍ରନ ଆଣିପାରେ ତୃତୀୟ ଲହର । କାନପୁର ଆଇଆଇଟିର ଆକଳନ, ଫେବୃୟାରୀ ୩ ବେଳକୁ ଭାରତରରେ ଶୀର୍ଷରେ ପହଞ୍ଚିିପାରେ ସଂକ୍ରମଣ ।
କନକ ବ୍ୟୁରୋ: ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ ଆଇଆଇଟି କାନପୁର ଓମିକ୍ରନ ଉପରେ ଏକ ନୂଆ ମଡେଲ ଆଣିଛି । ଏଥିରେ କୁହାଯାଇଛି, ଦେଶରେ ଓମିକ୍ରନ ତୃତୀୟ ଲହର ଆଣିବ ଏବଂ ଆସନ୍ତା ଫେବୃଆରୀ ୩ ତାରିଖରେ ସଂକ୍ରମଣ ଶୀର୍ଷରେ ପହଞ୍ଚିପାରେ । କରୋନାର ଏହି ନୂଆ ଭ୍ୟାରିଆଣ୍ଟ ଭାରତରେ ତୃତୀୟ ଲହର ଆଣିବାରେ ପ୍ରମୁଖ ଭୂମିକା ଗ୍ରହଣ କରିବ ବୋଲି ଆଇଆଇଟି କାନପୁରର ଗବେଷକମାନେ କହିଛନ୍ତି । ଏଥିରେ ଆହୁରି କୁହାଯାଇଛି, ଏବେକାର କୋଭିଡ୍ ଟ୍ରେଣ୍ଡ ଅନୁସାରେ ଡିସେମ୍ବର ମଧ୍ୟ ଭାଗରୁ ସଂକ୍ରମଣ ବଢିବା ଆରମ୍ଭ ହୋଇ ସାରିଛି ।
Kanak News is now on WhatsApp
Join and get latest news updates delivered to you via WhatsApp
କରୋନାର ନୂଆ ପ୍ରଜାତି ଓମିକ୍ରନକୁ ନେଇ ଭୟ ବଢୁଥିବା ବେଳେ ଭାରତରେ ତୃତୀୟ ଲହର ନେଇ ଆକଳନ କରିଛନ୍ତି କାନପୁର ଆଇଆଇଟିର ବୈଜ୍ଞାନିକ । ତୃତୀୟ ଲହର ଆରମ୍ଭ ଓ ଶୀର୍ଷକୁ ନେଇ ମଡେଲ ପ୍ରସ୍ତୁତ କରାଯାଇଛି । ଏହି ମଡେଲ ଅନୁସାରେ –
କାନପୁର ଆଇଆଇଟି ମଡେଲ୍
- ଓମିକ୍ରନ ଯୋଗୁଁ ତୃତୀୟ ଲହର ଆସିପାରେ
- ଡିସେମ୍ବର ମଧ୍ୟ ଭାଗରୁ କରୋନାର ନୂଆ ଲହର ଆରମ୍ଭ
- ୨୦୨୨ ଫେବ୍ରୁଆରୀ ୩ ସୁଦ୍ଧା ଶୀର୍ଷରେ ପହଁଚିପାରେ ସଂକ୍ରମଣ
- ଗସିଆନ୍ ମିକ୍ସଚର ମଡେଲ ଅନୁଯାୟୀ ଆକଳନ
ପ୍ରଥମ ଓ ଦ୍ୱିତୀୟ ଲହରର ତଥ୍ୟ
- ବିଭିନ୍ନ ଦେଶରେ ଓମିକ୍ରନ ଜନିତ ସଂକ୍ରମଣ ଆଧାରରେ ପୂର୍ବାନୁମାନ
- ଆମେରିକା, ବିଟ୍ରେନ, ଜର୍ମାନୀ, ଫ୍ରାନ୍ସ, ଦକ୍ଷିଣ ଆଫ୍ରିକା, ଇସ୍ରାଏଲ ଭଳି ୧୦ ଦେଶର ଦୈନିକ ସଂକ୍ରମଣକୁ ନେଇ ଆକଳନ
ପ୍ରଥମ ଓ ଦ୍ୱିତୀୟ ଲହର ଭଳି ଆଇଆଇଟି କାନପୁରର ଗବେଷକମାନେ ଗାଣିତିକ ମଡେଲକୁ ଆଧାର କରି ତୃତୀୟ ଲହର ନେଇ ଆକଳନ କରିଛନ୍ତି । ଦୁଇଟି ଲହରର ତଥ୍ୟ, ଭାରତ ସହ ଯେଉଁ ଦେଶର ସଂକ୍ରମଣର ସାମଞ୍ଜସ୍ୟ ରହିଛି, ସେହି ଦେଶର ତଥ୍ୟକୁ ନେଇ ମଡେଲ ପ୍ରସ୍ତୁତ କରାଯାଇଛି । ତେବେ ଏହାରି ଭିତରେ ଆଶ୍ୱସ୍ତିର କଲା ଭଳି ମତ ହେଇଛନ୍ତି ଗବେଷକ ଦଳର ମୁଖ୍ୟ ପ୍ରଫେସର ଏମ୍ ବିଦ୍ୟାସାଗର । ସେ କହିଛନ୍ତି, ଓମିକ୍ରନ ଯୋଗୁଁ ଭାରତରେ ତୃତୀୟ ଲହର ଆସିବ, ତେବେ ଏହା ଦ୍ୱିତୀୟ ଲହର ଅପେକ୍ଷା କମ ଘାତକ ହେବ ।