ପ୍ରତିମାସର ତୃତୀୟ ସପ୍ତାହରେ ଗାଁକୁ ଯିବେ ବାବୁ : ସବୁ ବିଭାଗକୁ ଚିଠି କଲେ ଉନ୍ନୟନ କମିଶନର; ଫିଲ୍ଡ ଭିଜିଟ ସହ ରାତ୍ରି ରହଣି ପାଇଁ ନିର୍ଦ୍ଦେଶ
କନକ ବ୍ୟୁରୋ : ଗାଁକୁ ଯିବା ପାଇଁ ଅଫିସରମାନଙ୍କୁ ନିର୍ଦ୍ଦେଶ । ପ୍ରତିମାସର ତୃତୀୟ ସପ୍ତାହରେ ବରିଷ୍ଠ ଅଧିକାରୀ ଓ ସଚିବମାନଙ୍କୁ ଗାଁକୁ ଯିବା ପାଇଁ ନିର୍ଦ୍ଦେଶ ଦିଆଯାଇଛି । ଜିଲ୍ଲା ଦାୟିତ୍ୱରେ ଥାଆନ୍ତୁ ବା ନଥାନ୍ତୁ ଫିଲ୍ଡ ଭିଜିଟ କରିବା ସହ ଅନୁନତ ଅଞ୍ଚଳରେ ରାତ୍ରି ରହଣୀ କରିବେ ସମସ୍ତ ବରିଷ୍ଠ ଅଧିକାରୀ ଓ ସଚିବ । ଏନେଇ ଏକ ଚିଠି କରିଛନ୍ତି ଉନ୍ନୟନ କମିଶନର । ଏହି ଚିଠିରେ ବରିଷ୍ଠ ଅଧିକାରୀମାନଙ୍କୁ ବିଭିନ୍ନ ସରକାରୀ ଯୋଜନାର ନିରୀକ୍ଷଣ ଓ ସମୀକ୍ଷା କରିବା ପାଇଁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ପ୍ରତିମାସରେ ଫିଲ୍ଡ ଭିଜିଟ ପାଇଁ ତୃତୀୟ ସପ୍ତାହରେ ରାଜ୍ୟସ୍ତରୀୟ କୌଣସି ମିଟିଂ କରାଯିବ ନାହିଁ ବୋଲି ଚିଠିରେ ଉଲ୍ଲେଖ କରାଯାଇଛି । ଶିକ୍ଷା, ସ୍ୱାସ୍ଥ୍ୟ, ଜଳସେଚନ, କୃଷି, ଦକ୍ଷତା ବିକାଶ ଓ ନିବେଶ କ୍ଷେତ୍ରରେ ଉନ୍ନତି ପାଇ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଇଛନ୍ତି । ଏଗୁଡ଼ିକ କିଭଳି ସମାଜର ସବୁ ବର୍ଗଙ୍କ ପାଖରେ ପହଞ୍ଚିବ ସେନେଇ ଅଫିସରମାନେ ପଦକ୍ଷେପ ନେବେ । ଅଫିସରମାନେ ଗ୍ରାମାଞ୍ଚଳକୁ ଗସ୍ତ କରିବା ଫଳରେ ଲୋକ ସମ୍ପର୍କ ବଢ଼ିବ ଏବଂ ସରକାରଙ୍କ ଉତର ଦାୟିତ୍ୱ ମଧ୍ୟ ବୃଦ୍ଧି ହେବ । ଲୋକଙ୍କଠାରୁ ପ୍ରତିକ୍ରିୟା ଗ୍ରହଣ କରି ସରକାର ଅଧିକ ଉତର ଦାୟିତ୍ୱର ସହ କାମ କରିବେ ।