ଟୋକିଓରେ ଆଜି ଓଡ଼ିଶା ବିଜନେସ୍ ମିଟ୍ : ସମ୍ମିଳନୀକୁ ସମ୍ବୋଧିତ କରିବେ ମୁଖ୍ୟମନ୍ତ୍ରୀ; ୨୦୦ ଶିଳ୍ପପତିଙ୍କୁ ଭେଟିବେ ନବୀନ
କନକ ବ୍ୟୁରୋ : ଜାପାନ ଟୋକିଓରେ ଆଜି ଓଡ଼ିଶା ବିଜନେସ୍ ମିଟ୍ । ପ୍ରାୟ ୨୦୦ ଶିଳ୍ପପତିଙ୍କୁ ଭେଟି ଆଲୋଚନା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ସମ୍ମିଳନୀକୁ ନିଜେ ମୁଖ୍ୟମନ୍ତ୍ରୀ ସମ୍ବୋଧିତ କରିବେ । ଜାପାନର ବଡ ବଡ ଉଦ୍ୟୋଗୀ ଓ ପୁଞ୍ଜିପତିଙ୍କୁ ସିଧାସଳଖ ଭେଟିବା ସହ ଓଡ଼ିଶାରେ ପୁଞ୍ଜିନିବେଶ ପାଇଁ ଆମନ୍ତ୍ରଣ କରିବେ । ରାଜ୍ୟରେ ସର୍ବବୃହତ ଅତ୍ୟାଧୁନିକ ଷ୍ଟିଲ ପ୍ଲାଣ୍ଟ ପ୍ରତିଷ୍ଠା ହେବ । ୩୦ ନିୟୁତ ଟନର ଏହି ମେଗା ଗ୍ରୀନ୍ ଫିଲ୍ଡ ଗଢିବ ଜାପାନ ଷ୍ଟିଲ । ଟୋକିଓରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଆଲୋଚନା ବେଳେ ନିପନ ଷ୍ଟିଲ କର୍ପୋରେସନର ସଭାପତି ଏନେଇ ଘୋଷଣା କରିଛନ୍ତି । ପ୍ରସ୍ତାବିତ ପ୍ରକଳ୍ପରେ ୧ ଲକ୍ଷ କୋଟି ଟଙ୍କା ନିବେଶ ହେବ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ ଆର୍ସେଲର ମିତ୍ତଲ ସହିତ ଯୌଥ ଉଦ୍ୟୋଗରେ ସ୍ଥାପନ ହୋଇଥିବା ଆର୍ସେଲର ମିତ୍ତଲ ନିପନ ଷ୍ଟିଲ୍ କେନ୍ଦ୍ରାପଡ଼ା ଜିଲ୍ଲାରେ ଏକ ବାର୍ଷିକ ୧୨ ନିୟୁତ ଟନ୍ କ୍ଷମତା ବିଶିଷ୍ଟ ସମନ୍ବିତ ଇସ୍ପାତ କାରଖାନା ସ୍ଥାପନ କରିବାକୁ ଯୋଜନା ରଖିଛି । ଜଗତସିଂହପୁରେ କଂପାନିର ୭ ଏମ୍ଟିପିଏ ଇସ୍ପାତ କାରଖାନା ପ୍ରକଳ୍ପକୁ ନିକଟରେ ରାଜ୍ୟ ସରକାର ଅନୁମୋଦନ ପ୍ରଦାନ କରିଛନ୍ତି । ସେଥିରେ ୩୮ ହଜାର କୋଟି ଟଙ୍କା ନିବେଶ ହେବ ।
ଏବେ ଏଏମ୍ଏନ୍ଏସ୍ର ପାରାଦୀପରେ ୧୨ ଏମ୍ଟିପିଏର ପେଲେଟ୍ କାରଖାନା ଥିବା ବେଳେ କେନ୍ଦୁଝରରେ ୮ ଏମ୍ଟିପିଏର ବେନିଫିକେସନ କାରଖାନା ଏବଂ କେନ୍ଦୁଝରରୁ ପାରାଦୀପ ପର୍ଯ୍ୟନ୍ତ ୨୫୦ କିମିର ସ୍ଲରି ପାଇପ୍ଲାଇନ୍ ରହିଛି । କଳିଙ୍ଗ ଷ୍ଟାଡିୟମ୍ରେ ଏକ ହାଇ ପରଫରମାନ୍ସ ଜିଗ୍ନାଷ୍ଟିକ୍ ସେଣ୍ଟର ସ୍ଥାପନ କରିବା ଲାଗି ଖୁବ୍ଶୀଘ୍ର ଏଏମ୍ଏନ୍ଏସ୍ ସହ ରାଜ୍ୟ ସରକାର ବୁଝାମଣାପତ୍ର ସ୍ବାକ୍ଷର କରିବାକୁ ଯାଉଛନ୍ତି । ଜାପାନ ଗସ୍ତରେ ଯାଇଥିବା ଓଡ଼ିଶା ପ୍ରତିନିଧି ଦଳ ଜେଏସ୍ଡବ୍ଲୁ ଷ୍ଟିଲ୍ ଓ ଜେଏଫ୍ଇ କର୍ପୋରେସନ୍ ସହ ସମ୍ଭାବ୍ୟ ସହଯୋଗିତା ବିଷୟରେ ଆଲୋଚନା କରିଛନ୍ତି ।