ଦିଲ୍ଲୀ ମଦ ଦୁର୍ନୀତି ମାମଲାରେ ନୂଆ ମୋଡ଼ । ମାମଲାରେ ବିଜେପି ଓ ଟିଡିପି ନେତାଙ୍କ କନେକ୍ସନ! ଇଡିକୁ ଦିଲ୍ଲୀ ମନ୍ତ୍ରୀଙ୍କ ୫ ପ୍ରଶ୍ନ
କନକ ବ୍ୟୁରୋ: ବହୁଚର୍ଚ୍ଚିତ ଦିଲ୍ଲୀ ମଦ ଦୁର୍ନୀତି ମାମଲାରେ ନୂଆ ମୋଡ । ଯେଉଁ ମାମଲାରେ ଆମ ଆଦମୀ ପାର୍ଟି ତଥା ଦିଲ୍ଲୀ ସରକାରଙ୍କ ହାଇପ୍ରୋଫାଇଲ ନେତା ଛନ୍ଦି ହୋଇଛନ୍ତି ସେହି ମାମଲାରେ ବିଜେପି ଓ ଏହାର ସହଯୋଗୀ ଦଳ ଟିଡିପି ନେତାଙ୍କ ସମ୍ପୃକ୍ତି ଅଭିଯୋଗ ଆଣିଛି ଦଳ । ସାମ୍ବାଦିକ ସମ୍ମିଳନୀ କରି ଦିଲ୍ଲୀ କ୍ୟାବିନେଟ ମନ୍ତ୍ରୀ ଆତିସୀ ମାର୍ଲେନା ଅଭିଯୋଗ ଆଣିବା ସହ ଇଡିର ଭୂମିକା ଉପରେ ପ୍ରଶ୍ନ ଉଠାଇଛନ୍ତି । ଏଥିସହ ତଦନ୍ତକାରୀ ସଂସ୍ଥାକୁ ଆତିଶୀ ୫ଟି ପ୍ରଶ୍ନ ପଚାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୬ମାସ ପରେ ଜେଲରୁ ଜାମିନ ପାଇଥିବା ଆମ ଆଦମୀ ପାର୍ଟି ନେତା ସଂଜୟ ସିଂ । ଶୁକ୍ରବାର ସାମ୍ବାଦିକ ସମ୍ମିଳନୀ କରିଥିଲେ ଓ ଦସ୍ତାବିଜ ରଖି ସଂଜୟ କହିଛନ୍ତି ମଦ ଦୁର୍ନୀତି ମାମଲାରେ ବିଜେପି ଓ ଟିଡିପିର ଅନେକ ହାଇପ୍ରୋଫାଇଲ ନେତାଙ୍କ ସମ୍ପୃକ୍ତି ଥିବା କହିଥିଲେ । ସଂଜୟ ସିଂ କହିଥିଲେ….
‘ଆପ୍’ର ଅଭିଯୋଗ
- ଟିଡିପିର ଦୁଇ ନେତା ମଙ୍ଗୁଟା ରେଡ୍ଡୀ ଓ ରାଘବ ମଙ୍ଗୁଟା ମାମଲାରେ ସମ୍ପୃକ୍ତ
- ଏମାନଙ୍କ ଉପରେ ଚାପ ପକାଇ ମିଛ ବୟାନ ରେକର୍ଡ କରାଯାଇଛି
- ପୁଅ ରାଘବଙ୍କୁ ଗିରଫ କରାଯିବା ପରେ ମଙ୍ଗୁତା ବିଜେପି କଥା ମାନିବାକୁ ବାଧ୍ୟ ହୋଇଥିଲେ
- ଅରବିନ୍ଦ କେଜ୍ରିୱାଲଙ୍କ ବିରୋଧରେ ମିଛ ବୟାନ ଦେଇଥିଲେ
- ସେହି ବୟାନ ଆଧାରରେ କେଜ୍ରିୱାଲଙ୍କୁ ଗିରଫ କରାଗଲା
- ବୟାନ ରେକର୍ଡ ପରେ ମଙ୍ଗୁତାଙ୍କ ନିର୍ବାଚନ ଟିକେଟ ମିଳିଛି
- ରାଘବକୁ ବିଜେପିର ସହଯୋଗୀ ଦଳ ଟିଡିପି ପ୍ରାର୍ଥୀ କରିଛି
ଆପ କହିଛି ଅରବିନ୍ଦ କେଜ୍ରିୱାଲଙ୍କୁ ଗିରଫ କରିବା ପାଇଁ ବିଜେପି ଏକ ଚକ୍ରବ୍ୟୁହ ରଚିଛି । ଚାପ ପକାଇ ଅନେକଙ୍କୁ ମିଛ ବୟାନ ରେକର୍ଡ କରୁଛି । ତେବେ ମିଛ ବେଶୀ ଦିନ ତିଷ୍ଟି ରହିବନି । ଦିନେ ନା ଦିନେ ସତ୍ୟର ବିଜୟ ହେବ ।