କନକ ବ୍ୟୁରୋ: ରାଜ୍ୟରେ ଓଡିଆ ଫିଲ୍ମର ସ୍ଥିତି ଦିନକୁ ଦିନ ଦୁର୍ବଳ ହେଉଥିବାବେଳେ ରାଜ୍ୟ ସିନେମା ନୀତିକୁ ନେଇ ନୂଆ ଚର୍ଚ୍ଚା ଆରମ୍ଭ ହୋଇଛି । ରାଜ୍ୟରେ ୨୦୧୯ରେ ନୂଆ ନୀତି ପ୍ରସ୍ତୁତ ହୋଇଥିଲା । ଏଥିରେ ଓଡିଆ ଫିଲ୍ମର ପୁନରୁଦ୍ଧାର, ସିନେ ନିର୍ମାତା ଓ କଳାକାରଙ୍କ ସମୂହ ସ୍ୱାର୍ଥକୁ ଦୃଷ୍ଟି ଦିଆଯିବ ବୋଲି କୁହାଯାଇଥିଲା । ମାର୍ଚ୍ଚ ୨୦୨୨ ଯାଏଁ ଏହି ନୀତି ଲାଗୁ ହେବ ବୋଲି କୁହାଯାଇଥିଲା । ନୂଆ ନୀତି ଅନୁସାରେ
-୨୦୧୯ ନୀତିରେ ପ୍ରୋତ୍ସାହନ ଓ ସବସିଡି ପାଇଁ ସ୍ଥିର ହୋଇଥିଲା
-ଓଡିଶା କଳା-ସଂସ୍କୃତିକୁ ନେଇ ପ୍ରସ୍ତୁତ ସିନେମାକୁ ସବସିଡି ଦେବାକୁ କୁହାଯାଇଥିଲା
-ନିର୍ଦ୍ଦିିଷ୍ଟ ୱେବସାଇଟ ମାଧ୍ୟମରେ ଓଡିଆ ସିନେମାର ପ୍ରଚାର-ପ୍ରସାର ପାଇଁ ଅଂଟା ଭିଡିଥିଲା ଶିଳ୍ପ ବିଭାଗ
-କଳିଙ୍ଗ ଷ୍ଟୁଡିଓକୁ ବିଶ୍ୱସ୍ତରୀୟ ଭିତ୍ତିଭୂମି ଦେବାକୁ ନିଷ୍ପତ୍ତି
-ଫିଲ୍ମ ସିଟି, ମଲ୍ଟିପ୍ଲେକ୍ସ ଓ ସିନେମା ହଲ ନିର୍ମାଣ ପ୍ରତିଶ୍ରୃତି
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ତମାନସୁଦ୍ଧା ୨୦୧୯ର ଏହି ନୀତି କାର୍ଯ୍ୟକାରୀ ହୋଇନଥିବା ଅଭିଯୋଗ ଆଣିଛନ୍ତି ସିନେ ନିର୍ମାତା ଓ କଳାକାର । ୨୦୧୯ରେ ରାଜ୍ୟ ସିନେମା ନୀତି ଲାଗୁ ହୋଇନଥିବାବେଳେ ଏବେ ୨୦୨୪ରେ ନୂଆ ନୀତି ଆସିବ ବୋଲି ଚର୍ଚ୍ଚା ହେଉଛି । ଆଉ ଏହାକୁ ନେଇ ତାତିଛନ୍ତି ପ୍ରଯୋଜକ ଓ କଳାକାର । ଏପରିକି ନୂଆ ନୀତି ନେଇ କାହା ସହିତ ଆଲୋଚନା ବି ହୋଇନାହିଁ ବୋଲି ଅଭିଯୋଗ ହୋଇଛି । ତେବେ ଓଏଫଡିସି ଅଧ୍ୟକ୍ଷ ସତ୍ୟବ୍ରତ ତ୍ରିପାଠୀ କହିଛନ୍ତି
-କରୋନା ଯୋଗୁଁ ୨୦୧୯ ନୀତି କାର୍ଯ୍ୟକାରୀ ହୋଇପାରିନାହିଁ
-ତେଣୁ ପ୍ରଯୋଜକ ଏହି ନୀତିରୁ ଉପକୃତ ହୋଇପାରିଲେ ନାହିଁ
-୨୦୨୪ରେ ଆସୁଥିବା ନୂଆ ନୀତି ଯୋଗୁଁ ପ୍ରଯୋଜକ ଉପକୃତ ହେବେ
କୁହାଯାଉଛି ନିର୍ବାଚନ ପୂର୍ବରୁ ନୂଆ ସିନେମା ନୀତି ଆସିବ । କିନ୍ତୁ ପ୍ରଶ୍ନ ଉଠିଛି
-ନୂଆ ନୀତିର ରୂପରେଖ ଏ ଯାଏଁ କାହିଁକି ଚୂଡାନ୍ତ ହୋଇନାହିଁ?
-ନୀତି ବାବଦରେ କେବେ ସ୍ପଷ୍ଟ ଚିତ୍ର ଆସିବ?
– ଏ ଯାଏଁ ସିନେ ଶିଳ୍ପ ସହ ଜଡିତ ଲୋକଙ୍କ ସହ ଆଲୋଚନା ହୋଇନାହିଁ କିଭଳି?