ଅକ୍ଟୋବରରୁ ଆରମ୍ଭ ହେବ ଡେବିଟ୍, କ୍ରେଡିଟ୍ କାର୍ଡ ପୋର୍ଟେବିଲିଟି : ଭାରତୀୟ ରିଜର୍ଭ ବ୍ୟାଙ୍କ ଯୋଗଇ ଦେବ ନୂଆ ସୁବିଧା
କନକ ବ୍ୟୁରୋ : ଜଣେ ମୋବାଇଲ ଫୋନ୍ ବ୍ୟବହାରକାରୀମାନେ ଯେମିତି ନିଜ ନମ୍ବରକୁ ରଖି ଅପରେଟର ବଦଳାଇ ପାରୁଛନ୍ତି, ଡେବିଟ୍ ଓ କ୍ରେଡିଟ୍ କାର୍ଡରେ ଆଗକୁ ସେଭଳି ସୁବିଧା ମିଳିବ । ଚଳିତବର୍ଷରୁ ଆରମ୍ଭ ହେବ ଡେବିଟ୍ ଓ କ୍ରେଡିଟ୍ କାର୍ଡ ପୋର୍ଟେବିଲିଟି । ଚଳିତ ବର୍ଷ ଅକ୍ଟୋବର ମାସରୁ ଭାରତୀୟ ରିଜର୍ଭ ବ୍ୟାଙ୍କ ଏହି ସୁବିଧା ଆରମ୍ଭ କରିବ । ଡେବିଟ୍, କ୍ରେଡିଟ୍ ଓ ପ୍ରିପେଡ୍ କାର୍ଡ ବ୍ୟବହାର କରୁଥିବା ଗ୍ରାହକମାନେ ସେମାନଙ୍କ ପସନ୍ଦର କାର୍ଡ ନେଟୱର୍କ ଚୟନ କରିପାରିବେ । ଗ୍ରାହକମାନେ ସେମାନଙ୍କ ଭିତରୁ ନିଜ ପସନ୍ଦର ସଂସ୍ଥା ଚୟନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏବେ କମ୍ପାନୀ ଯେଉଁ କାର୍ଡ ଦେଉଛନ୍ତି ତାହା ବ୍ୟବହାର କରିବା ବ୍ୟତୀତ ଲୋକମାନଙ୍କ ପାଖରେ ଅନ୍ୟ କୌଣସି ବିକଳ୍ପ ନାହିଁ । ତେବେ ଏନେଇ ଆରବିଆଇ ସର୍କୁଲାର ଜାରି କରି ବ୍ୟାଙ୍କ ଓ ଜନସାଧାରଣଙ୍କ ମତାମତ ଲୋଡିଛନ୍ତି । ଭାରତରେ ଏବେ ୫ କାର୍ଡ ନେଟୱର୍କ କମ୍ପାନୀ ରହିଛନ୍ତି । ସେମାନେ ହେଉଛନ୍ତି ଭିସା, ମାଷ୍ଟରକାର୍ଡ, ରୂପେ, ଆମେରିକାନ ଏକ୍ସପ୍ରେସ ଓ ଡାଇନର କ୍ଲବ୍ । ସେମାନେ ବିଭିନ୍ନ ବ୍ୟାଙ୍କ ସହ ଯୋଡି ହୋଇ ରହିଛନ୍ତି । କାର୍ଡ ନେଟୱର୍କର ସବୁଠାରୁ ବଡ କମ୍ପାନୀ ଭିସା ହୋଇଥିବାବେଳେ, ଦ୍ୱିତୀୟ ସ୍ଥାନରେ ରହିଛି ମାଷ୍ଟରକାର୍ଡ । ରୂପେ ହେଉଛି ଭାରତର ସ୍ୱଦେଶୀ କାର୍ଡ ନେଟୱର୍କ ।