ସେନା ବର୍ଦ୍ଦିରେ ପହଞ୍ଚିଲେ ଉଗ୍ରବାଦୀ , ଘରୁ ଡାକିନେଇ ଗୁଳି ବର୍ଷାଇଲେ । ମଣିପୁରରେ ହିଂସାର ଭୟଙ୍କର ରୂପ
କନକ ବ୍ୟୁରୋ: ମଣିପୁରରେ ରାଜ୍ୟ ଓ କେନ୍ଦ୍ରର ସୁରକ୍ଷା ବ୍ୟବସ୍ଥା ପରେ ବି ହିଂସା ଥମିବାର ନାଁ ନେଉନି । ଚାରିଆଡେ ସୁରକ୍ଷା ବଳୟ ଥିବା ସତ୍ତେ୍ୱ କିଛି ଉଗ୍ରବାଦୀ ଘଟାଇଛନ୍ତି ଭୟଙ୍କର ଘଟଣା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମଣିପୁର ଇମ୍ଫାଲ ବେଷ୍ଟ ଜିଲ୍ଲାରେ ସୁରକ୍ଷାବଳ ଯବାନଙ୍କ ବେଶରେ ଆସି ଉଗ୍ରବାଦୀମାନେ ଆସି ଘଟାଇଛନ୍ତି ବର୍ବରକାଣ୍ଡ । ଯବାନଙ୍କ ପୋଷାକରେ ଆସି ଲୋକଙ୍କୁ ବାହାରକୁ ଡାକିନେଇ ସେମାନଙ୍କ ଉପରେ ଆଖିବୁଜା ଗୁଳି ବର୍ଷାଇଛନ୍ତି । ଫଳରେ ଘଟଣାସ୍ଥଳରେ ହିଁ ୩ଜଣଙ୍କ ମୃତ୍ୟୁ ହେବା ସହ ଏକାଧିକ ଲୋକ ଗୁରୁତର ଆହତ ହୋଇଥିବା ଜଣାପଡିଛି ।
ସେନା ୟୁନିଫର୍ମରେ ଥିବା ଉଗ୍ରବାଦୀମାନେ ସ୍ପେଶାଲ କମ୍ବିଂ ଚାଲିଥିବା କହି ଲୋକଙ୍କୁ ଘରୁ ବାହାରକୁ ଆସିବାକୁ ଡାକିଥିଲେ । ଲୋକେ ବାହାରକୁ ଆସିବାରୁ ସେମାନଙ୍କ ଉପରକୁ ଗୁଳିମାଡ କରିଥିଲେ । ଗୁଳି ଶବ୍ଦ ଶୁଣିି ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ପାଟ୍ରୋଲିଙ୍ଗ କରୁଥିବା ସୁରକ୍ଷାବଳ ଯବାନ । ହେଲେ ସେଠାରୁ ଛତ୍ରଭଙ୍ଗ ଦେଇ ପଳାଇଥିଲେ ଉଗ୍ରବାଦୀ । ଯବାନମାନେ ଆହତଙ୍କୁ ହସ୍ପିଟାଲ ନେଇଥିଲେ ।