ସାଧାନରେ ସମର୍ପିତ ସାରା ଜୀବନ । ଖରା ହେଉକି ବର୍ଷା, କେବଳ ବକଳ ଖଣ୍ଡିଏ ଆଉ ଫଳମୂଳ ଖାଇ ୧୨୧ ବର୍ଷ ବଞ୍ଚିଲେଣି ବକଳଧାରୀ ବାବା ।
କନକ ବ୍ୟୁରୋ: କୁହନ୍ତି ତପସ୍ୟା ବା କଠୋର ସାଧନାରେ ଅନେକ ଶକ୍ତି ଥାଏ । ଜଣେ ମଣିଷ ଯେବେ ପ୍ରକୃତରେ ସାଧୁତ୍ୱ ବାଟକୁ ଆପଣାଏ ସେତେବେଳେ ପରମଶକ୍ତି ତାଙ୍କୁ ପରମାୟୂ ଦିଅନ୍ତି । ଆଉ ତାକୁ ରୋଗମୁକ୍ତ କରି ଜଣେ ସାଧାରଣ ମଣିଷ ଠାରୁ ତା’କୁ ଏକ ଭିନ୍ନ ପରିଚୟ ଦିଅନ୍ତି । ସେଭଳି ବ୍ୟକ୍ତିତ୍ୱ ବା ଜଣେ ସାଧୁଙ୍କୁ ଚର୍ଚ୍ଚା ଜୋର ଧରିଛି । ନବରଙ୍ଗପୁର ବକଳଧାରୀ ବାବା ନାମକ ଜଣେ ସନ୍ଥ ଯାହାଙ୍କ ବୟସ ୧୨୧ ହେଲେ, ଏବେ ବି ବାବା ପୁରା ଫିଟ୍ । ଦେହରେ କେଵଳ ଗଛର ବକଳ ବୟସର ଅପରାହ୍ନରେ ସାଧୁ ଜଣକ ପୂରା ସକ୍ରିୟ ।
Kanak News is now on WhatsApp
Join and get latest news updates delivered to you via WhatsApp
ପରିଣତ ବୟସରେ ନିଜ କାମ ନିଜେ କରିବାକୁ ସେ ପସନ୍ଦ କରୁଥିବା ବେଳେ କାର୍ୟ୍ୟ କରିବାର ପ୍ରବଳ ଆଗ୍ରହ ସାମ୍ନାରେ ବୟସ ବାଧକ ସାଜିପାରିନାହିଁ । ଖରା ହେଉ କି ବର୍ଷା ଅବା ଶୀତ ସବୁ ଋତୁ ଖାଲି ପାଦରେ ଚାଲି ଚାଲି ସେ ନିଜ ଧର୍ମ ପ୍ରଚାର କରନ୍ତି । ନବରଙ୍ଗପୁର ଜିଲ୍ଲା ଉମରକୋଟ ଭଣ୍ଡାରୀଗୁଡା ଗ୍ରାମ ପଞ୍ଚାୟତ ଅନ୍ତର୍ଗତ ପୋଡ଼ାଗଡ଼ ଆଶ୍ରମର ଘଞ୍ଚ ଜଙ୍ଗଲରେ ବାସ କରୁଥିବା ଅଲେଖ ଧର୍ମାବଲମ୍ବୀ ବକଳଧାରି ବାବା ରାମେଶ୍ୱର ।
ପୁଙ୍ଗୁଳା ଦେହ ନା ପାଦରେ ଚପଲ ନା ଅଛି ଦେହରେ ଲୁଗା । କେବଳ ଦେହରେ ବକଳ ଖଣ୍ଡେ । ଛୋଟ ବେଳରୁ ସମ୍ବଲପୁର ଜିଲ୍ଲାରୁ ପୋଡ଼ାଗଡ଼ ଆସି ଆଶ୍ରମ ତିଆରି କରି ରହି ଆସୁଛନ୍ତି ବାବା ରାମେଶ୍ୱର । ବୟସ ଶହେ ଅତିକ୍ରମ କରିଥିଲେ ବି ବାବା ପ୍ରତିଦିନ ଭୋର ୪ ଟାରୁ ଉଠି ପୂଜାର୍ଚ୍ଚନା କରନ୍ତି । ପୋଡ଼ାଶୀ ଛତିଶଗଡ଼ ସହ ଆଖ ପାଖ ଜିଲ୍ଲା ଅଲେଖଙ୍କ ଧର୍ମପ୍ରଚାର ପାଇଁ ଯାଇଥାନ୍ତି । ଖରା, ବର୍ଷା, ଶୀତ ଦେହ କେବଳ ବକଳ ଖଣ୍ଡେ ପିନ୍ଧି ରହିଥାନ୍ତି । ଆଉ ସବୁଠାରୁ ବଡ଼ କଥା ହେଲା, ପେଜ, ଅନ୍ନ ଓ ଭକ୍ତ ମାନେ ଆଣୁଥିବା ଫଳମୂଳ ଖାଆନ୍ତି ଏବଂ ଜଙ୍ଗଲର ଗୋଟିଏ ଚେର କୁ ଚା କରି ପିଅନ୍ତି ରାମେଶ୍ୱର ବାବା ।
ବାବା ଉଭୟ ଓଡ଼ିଆ ଏବଂ ହିନ୍ଦୀରେ କଥା ହେଉଥିବା ବେଳେ ବାବାଙ୍କୁ ଦେଖିବା ପାଇଁ ନବରଙ୍ଗପୁର ଜିଲ୍ଲାର ଆଖପାଖ ଅଞ୍ଚଳ ସହିତ, କଳାହାଣ୍ଡି ଜିଲ୍ଲା ସହିତ ପୋଡ଼ାଶୀ ଛତିଶଗଡ଼ ରାଜ୍ୟର ଭକ୍ତ ମାନେ ଆସିଥାନ୍ତି । ତେବେ ଏହି ବକଳଧାରୀ ବାବା ଅନେକ ଲୋକ ଯେଉଁମାନେ ବୟସର ଅପରାହ୍ନରେ ହାର ମାନି ଯାଆନ୍ତି ସେମାନଙ୍କ ପାଇଁ ପ୍ରେରଣାର ଉତ୍ସ ବୋଲି କୁହନ୍ତି ସ୍ଥାନୀୟ ଲୋକେ ।