ରକ୍ଷକ ହେଲା ଭକ୍ଷକ । ଝିଅ ପାଇଁ ନ୍ୟାୟ ମାଗିବାକୁ ଯାଇଥିବା ମା’କୁ ଦୁଷ୍କର୍ମ କଲେ ଥାନା ଅଧିକାରୀ
କନକ ବ୍ୟୁରୋ: ରକ୍ଷକ ସାଜିଲେ ଭକ୍ଷକ । ଦୁଷ୍କର୍ମର ଶିକାର ହୋଇଥିବା ଝିଅ ପାଇଁ ନ୍ୟାୟ ମାଗିବାକୁ ଯାଇଥିବା ମା’କୁ ଦୁଷ୍କର୍ମ କଲେ ଥାନାଧିକାରୀ । ଏପରି ଘଟଣା ଘଟିଛି ଉତ୍ତରପ୍ରଦେଶ କନ୍ନୌଜ ଜିଲ୍ଲା ସଦର କୋତବାଲି ଇଲାକାର ଏକ ଥାନାରେ । ଏହି ଘଟଣାରେ ଅଭିଯୁକ୍ତ ପୋଲିସ ଅଧିକାରୀଙ୍କୁ ଗିରଫ କରି ଜେଲ ପଠାଇଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ ପୀଡିତା ମହିଳା ତାଙ୍କ ଝିଅକୁ ଦୁଷ୍କର୍ମ ମାମଲାରେ ଅଭିଯୁକ୍ତଙ୍କୁ ଗିରଫ କରିବା ପାଇଁ ଆବେଦନ କରି ଦାୟିତ୍ୱରେ ଥିବା ଆଉଟପୋଷ୍ଟକୁ ଯାଇଥିଲେ। କିନ୍ତୁ ଆଉଟପୋଷ୍ଟ ପ୍ରଭାରୀ ଅନୁପ କୁମାର ମୌର୍ୟ୍ୟ ସାହାଯ୍ୟ ବାହାନାରେ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି।
ସୂଚନା ମୁତାବକ, ପୀଡିତା ମହିଳାଙ୍କ ଝିଅକୁ ପୂର୍ବରୁ କେହି ଦୁର୍ବୁତ୍ତ ଦୁଷ୍କର୍ମ କରିଥିଲା । ଏହି ମାମଲାର ତଦନ୍ତ ଦାୟିତ୍ୱ ହାଜି ସରିଫ ଆଉଟପୋଷ୍ଟ ଇନଚାର୍ଜ ଅନୁପ ମୌର୍ୟ୍ୟଙ୍କୁ ଦିଆଯାଇଥିଲା । ଅଗଷ୍ଟ ୨୭ରେ ମହିଳା ଜଣକ ଏହି ବାବଦରେ କଥାବାର୍ତ୍ତା କରିବାକୁ ଯାଇଥିଲେ, ଯେଉଁଥିରେ ଦାୟିତ୍ୱରେ ଥିବା ଆଉଟପୋଷ୍ଟ ପ୍ରଭାରୀ ଅନୁପ କୁମାର ମୌର୍ୟ୍ୟ ପରଦିନ ତାଙ୍କୁ ନିଜ ରୁମକୁ ଯିବାକୁ କହିଥିଲେ। ଅଗଷ୍ଟ ୨୮ ତାରିଖରେ ମହିଳା ଜଣକ ଅନୁପ୍ ସେଠାରେ ପହଞ୍ଚିବା ପରେ ଅଭିଯୁକ୍ତ ସବ୍ ଇନ୍ସପେକ୍ଟର ମହିଳାଙ୍କୁ ଦୁଷ୍କର୍ମ କରିଥିଲେ। ଏହି ମାମଲା ଧରାପଡିବା ପରେ ଏସପି କୁଅଁର ଅନୁପମ ସିଂ ଏହି ମାମଲାର ତଦନ୍ତ ସିଓ ସଦର ଶିବ ପ୍ରତାପ ସିଂଙ୍କୁ ହସ୍ତାନ୍ତର କରିଥିଲେ। ତଦନ୍ତ ପରେ ପୋଲିସ ଅଭିଯୁକ୍ତ ଆଉଟପୋଷ୍ଟ ପ୍ରଭାରୀଙ୍କୁ ଗିରଫ କରି ଜେଲ ପଠାଇଛି