କନକ ବ୍ୟୁରୋ : ଏବେ କିଛିଦିନ ହେବ ବିଜେପି ଓ କଂଗ୍ରେସ ମଧ୍ୟରେ କଥା କଟାକଟି ଟିକେ ଥମିଥିବା ବେଳେ ଆମ୍ ଆଦମୀ ପାର୍ଟି ଓ ବିଜେପି ମଧ୍ୟରେ ଦିଲ୍ଲୀର ଅବକାରୀ ନୀତିକୁ ନେଇ ଆମ୍ନା ସାମ୍ନା ହେଉଥିବା ଦେଖିବାକୁ ମିଳିଛି । ଏହି କ୍ରମରେ ଆଜି ସିବିଆଇ ତରଫରୁ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବ୍ୟାଙ୍କ ଲକର ଯାଂଚ କରାଯାଇଥିବା ବେଳେ ଏହାକୁ ନେଇ ବିଧାନସଭାରେ ଗର୍ଜିଛନ୍ତି ସିସୋଦିଆ । ସେ କହିଛନ୍ତି କି ସର୍ବଦା ସତ୍ୟର ବିଜୟ ହୋଇଥାଏ । ଦିଲ୍ଲୀ ବିଧାନସଭା ଭିତରେ ସିସୋଦିଆ ବିଜେପିକୁ ଟାର୍ଗେଟ କରି କହିଛନ୍ତି କି ‘ପିଲା ଚୋର ପାର୍ଟିର ନେତାମାନେ ମୋତେ କାହିଁକି ଆଙ୍ଗୁଳି ଦେଖାଉଛନ୍ତି’ ।
Kanak News is now on WhatsApp
Join and get latest news updates delivered to you via WhatsApp
ମନୀଷ ସିସୋଦିଆ ବିଜେପିକୁ ପିଲାଚୋର ପାର୍ଟି କହି ସାରିବା ପରେ ପୁଣି କହିଛନ୍ତି କି, ପ୍ରଧାନମନ୍ତ୍ରୀ ମୋ ଘରକୁ ପଠାଇଥିବା ସିବିଆଇକୁ କଣ ମିଳିଲା ତାହାର ଉତ୍ତର ରଖନ୍ତୁ । ସିସୋଦିଆ ଏଭଳି କହିବା ପରେ ବିଜେପି ବିଧାୟକମାନେ ଅଧ୍ୟକ୍ଷଙ୍କ ଚେୟାର ନିକଟକୁ ଆସି ବିରୋଧ କରିଥିଲେ । ଏହାକୁ ନେଇ ସିସୋଦିଆ କହିଛନ୍ତି ଯେ, ଆମ ତରଫରୁ ବିଜେପି ନେତାଙ୍କ ସମସ୍ତ ପ୍ରଶ୍ନର ଉତ୍ତର ଦେଇ ସାରିଛୁ । ହେଲେ ସେମାନେ ସ୍ପଷ୍ଟ କରନ୍ତୁ ଯେ ଅବକାରୀ ନୀତିରୁ ମୁଁ (ସିସୋଦିଆ) କେତେ ଟଙ୍କା ଲାଂଚ ଖାଇଛି । କେବେ ବିଜେପି ନେତା କହୁଛନ୍ତି ୧୪୪ କୋଟିର ଦୁର୍ନୀତି ତ କେବେ ଲକ୍ଷେ କୋଟିର ପୁଣି କେବେ ୩୦ କୋଟିର । ସେମାନେ ପ୍ରଥମେ କେତେ ଟଙ୍କାର ଦୁର୍ନୀତି ହୋଇଛି ଅଭିଯୋଗ କଲେ ତାହାର ଉତ୍ତର ଦିଆଯିବ ବୋଲି ସେ ସ୍ପଷ୍ଟ କରିଛନ୍ତି ।