ରାଜ୍ୟ ବଜେଟଠାରୁ ଅଧିକ ସମ୍ପତ୍ତି ୪୦୦୧ ବିଧାୟକଙ୍କ ପାଖରେ । ବିଜେପିଠାରୁ ବି ଧନୀ ଏହି ୨ ଦଳର ବିଧାୟକ
କନକ ବ୍ୟୁରୋ: ଆସୋସିଏସନ୍ ଅଫ୍ ଡେମୋକ୍ରାଟିକ୍ ଓ ନ୍ୟାସନାଲ ଇଲେକ୍ସନ୍ ୱାଚ୍ ବିଧାୟକମାନେ ଦାଖଲ କରିଥିବା ସତ୍ୟପାଠକୁ ଅଧ୍ୟୟନ କରିବା ପରେ ଚମକାଇଦେଲା ଭଳି ରିପୋର୍ଟ ଜାରି କରିଛି । ରିପୋର୍ଟ ମୁତାବକ, ଦେଶର ୪୦୦୧ ଜଣ ବିଧାୟକଙ୍କ ସମ୍ପତ୍ତି ୩ଟି ରାଜ୍ୟର ବଜେଟଠାରୁ ବି ଅଧିକ । ଯଦି ଦଳ ଆଧାରରେ ଦେଖାଯାଏ, ତାହାଲେ ବିଜେପିଠାରୁ କଂଗ୍ରେସ ଓ ୱାଇଏସଆର କଂଗ୍ରେସର ବିଧାୟକଙ୍କ ପାଖରେ ସବୁଠୁ ଅଧିକ ସମ୍ପତ୍ତି ରହିଛି ।
Kanak News is now on WhatsApp
Join and get latest news updates delivered to you via WhatsApp
ସର୍ଭେ ରିପୋର୍ଟ ମୁତାବକ, ୪୦୩୩ ବିଧାୟକଙ୍କ ମଧ୍ୟରୁ ୪୦୦୧ ବିଧାୟକଙ୍କ ପାଖରେ ରହିଛି ପାଖାପାଖି ୫୪, ୫୪୫ କୋଟି ଟଙ୍କାର ସମ୍ପତ୍ତି । ଜାଣି ଆଶ୍ଚର୍ଯ୍ୟ ହେବେ ଏହି ସମ୍ପତ୍ତି ନାଗାଲ୍ୟାଣ୍ଡ, ମିଜୋରାମ, ଓ ସିକ୍କିମ ପରି ୩ଟି ରାଜ୍ୟରେ ବାର୍ଷିକ ବଜେଟଠାରୁ ଢେର ଅଧିକ । ୨୦୨୨୩-୨୪ ବର୍ଷ ପାଇଁ ଏହି ୩ ରାଜ୍ୟ ପାଇଁ ମୋଟ ୪୯ , ୧୦୩ କୋଟି ବ୍ୟୟ ମଂଜୁର ହୋଇଥିବାବେଳେ ୨୦୨୩-୨୪ ପାଇଁ କେବଳ ନାଗାଲ୍ୟାଣ୍ଡ ପାଇଁ ୨୩, ୦୮୬ କୋଟି ଟଙ୍କା ବଜେଟ୍ ମଞ୍ଜୁର ହୋଇଥିଲା । ସେହିପରି ମିଜୋରାମ ପାଇଁ ୧୧, ୮୦୭ କୋଟି ଟଙ୍କା ମଂଜୁର ହୋଇଛି ।
ଗଣମାଧ୍ୟମର ରିପୋର୍ଟ ମୁତାବକ, ଏଡିଆର ଓ ଏନଇଡବ୍ଲୁ ନିର୍ବାଚନ ପୂର୍ବରୁ ଦାଖଲ କରିଥିବା ସତ୍ୟପାଠ ମୁତାବକ ୪୦୦୧ ଜଣ ବିଧାୟକଙ୍କ ମଧ୍ୟରେ ପ୍ରତ୍ୟେକଙ୍କ ପାଖରେ ୧୩. ୬୩ କୋଟି ଟଙ୍କାରୁ ଅଧିକ ସମ୍ପତ୍ତି ରହିଛି ।