୨୦୨୪ ନିର୍ବାଚନ ପାଇଁ ଫୋକସରେ ମିଶନ ଶକ୍ତି: ସ୍ୱୟଂସହାୟିକା ମହିଳାଙ୍କୁ ବିନା ସୁଧରେ ଇ-ସ୍କୁଟର ପାଇଁ ମିଳିବ ଲୋନ୍
କନକ ବ୍ୟୁରୋ: ୨୦୨୪ ପୂର୍ବରୁ ପୂର୍ଣ୍ଣାଙ୍ଗ ବଜେଟ ଆଗତ କରି ମିଶନ ଶକ୍ତି ମହିଳାଙ୍କ ପାଇଁ ବଡ ଘୋଷଣା କରିଛନ୍ତି ରାଜ୍ୟ ସରକାର । ଗାଁ ଗାଁରେ ଇ-ସ୍କୁଟର ବାଂଟିବାକୁ ଘୋଷଣା କରି ମହିଳା ଭୋଟ ହାତେଇବାକୁ ଉଦ୍ୟମ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନକୁ ଆଉ ବର୍ଷେ ବାକି ରହିଥିବାବେଳେ ଏବେଠୁ ମହିଳା ଭୋଟ ବ୍ୟାଙ୍କକୁ ନଜରରେ ରଖି ମାଷ୍ଟରଷ୍ଟ୍ରୋକ ଖେଳଛି ବିଜେଡି । ଫୋକସରେ ରହିଛି ୭୦ ଲକ୍ଷ ମହିଳା ଭୋଟ । ଏହି ଭୋଟକୁ ଟାର୍ଗେଟ କରି ବଜେଟରେ ମିଶନ ଶକ୍ତି ମହିଳାଙ୍କ ପାଇଁ ଭଣ୍ଡାର ଖୋଲିଛନ୍ତି ରାଜ୍ୟ ସରକାର । ତେଣୁ ବଜେଟରେ ଏଭଳି କିଛି ଘୋଷଣା କରାଯାଇଛି ।
ମିଶନ ଶକ୍ତି ମହିଳାଙ୍କୁ ମିଳିବ ଇ-ସ୍କୁଟର
ପ୍ରଥମ ପର୍ଯ୍ୟାୟରେ ଏକ ଲକ୍ଷ ମହିଳା ହେବେ ଲାଭବାନ
ଯୋଜନା ପାଇଁ ୫୦କୋଟିର ବ୍ୟୟବରାଦ
ବୈଦ୍ୟୁତିକ ସ୍କୁଟର ପାଇଁ ବିନା ସୁଧରେ ଦିଆଯିବ ସହାୟତା
କେବଳ ମିଶନ ଶକ୍ତି ନୁହେଁ ଶିକ୍ଷା ଭଳି କ୍ଷେତ୍ରକୁ ବି ଗୁରତ୍ୱ ଦିଆଯାଇଛି । ରାଜ୍ୟ ସରକାର ବଜେଟରେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ବଡ ବ୍ୟବସ୍ଥା କରିଛନ୍ତି ।
– ନବମ- ଦଶମ ଶ୍ରେଣୀର ଛାତ୍ରଛାତ୍ରୀଙ୍କୁ ମିଳିବ ୟୁନିଫର୍ମ ଓ ଆନୁସଂଗିକ ସାମଗ୍ରୀ
– ସହାୟତା ରାଶି ୬ଶହ ବଦଳରେ ଏକ ହଜାର ଟଙ୍କା ମିଳିବ
-ସାଇକେଲ ପାଇଁ ୨୬ ଶହ ବଦଳରେ ମିଳିବ ୩୫ଶହ ଟଙ୍କା
କେନ୍ଦ୍ର ଭଳି ରାଜ୍ୟରେ ବି ବଜେଟକୁ ନେଇ ଲୋକଙ୍କ ପାଖକୁ ଯିବ ବିଜେଡି । ଦଳ ରାଜ୍ୟର ସମସ୍ତ ୩୧୪ ବ୍ଲକରେ ସମାବେଶ କରିବାକୁ ଲକ୍ଷ୍ୟ ରଖିଛି । ବିଜେଡି କହିଛି, ଏହା ଲୋକଙ୍କ ବଜେଟ ସେପଟେ କେନ୍ଦ୍ର ଯୋଜନାକୁ କପିପେଷ୍ଟ କରାଯାଉଥିବା କହିଛନ୍ତି ବିରୋଧୀ ।
ମିଶନ ଶକ୍ତିରୁ ଆରମ୍ଭ କରି ସ୍ୱାସ୍ଥ୍ୟସେବା, ଓ ଶିକ୍ଷା ଭଳି କ୍ଷେତ୍ରକୁ ଗୁରୁତ୍ୱ ଦେଇ ସରକାର ବଜେଟରେ ନିର୍ବାଚନୀ ଥୋପ ପକାଇବାକୁ ଚାହିଛନ୍ତି । ଆଉ ଏହା ୨୦୨୪ ପାଇଁ ବିଜୟ ପଥ ପରିଷ୍କାର କରିବ ବୋଲି ଆଶା ରଖିଛି ବିଜେଡି ।