ଏନସିବି ଓ ସିବିଆଇ ଅଧିକାରୀ କହି ଦେଖାଉଥିଲେ ଭୟ । ପାର୍ସଲରେ ଡ୍ରଗ୍ସ ପ୍ୟାକେଟ ଥିବା ନେଇ କରୁଥିଲେ ଫୋନ
କନକ ବ୍ୟୁରୋ : ରଜତ କେତେବେଳେ ନିଜକୁ ଏନସିବି ଅଧିକାରି ତ ଆଉ କେତେବେଳେ ସିବିଆଇ ଓ ଇଡି ଅଧିକାରୀ କହି ଲୋକଙ୍କୁ ନିଜ ଜାଲରେ ଫସାଇ କୋଟି କୋଟି ଟଙ୍କା ଠକିଛନ୍ତି । କେବଳ ରଜତ ନୁହନ୍ତି, ତାଙ୍କ ସହ କାମ କରୁଥିଲା ଏକ ବଡ ଗ୍ୟାଙ୍ଗ । ଭିନ୍ନ ଭିନ୍ନ ମାଧ୍ୟମରେ ଗିରଫ କରିବାର ଭୟ ଦେଖାଇ ଏମାନେ ଲୋକଙ୍କଠାରୁ ଲୁଟି ନେଉଥିଲେ ଟଙ୍କା । ଭୁବନେଶ୍ୱରର ଜଣେ ମହିଳା ଏହି ଠକ ଗ୍ୟାଙ୍ଗର ଠକାମିର ଶିକାର ହେବାପରେ ଅର୍ଥନୈତିକ ଅପରାଧ ଶାଖାରେ ଏନେଇ ଅଭିଯୋଗ କରିଥିଲେ । ଏହି ମାମଲାର ତଦନ୍ତ କରିବା ପରେ ପୁରା ଘଟଣା ସାମନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
୨୦୨୩ ଜୁନ ୧୯ ତାରିଖରେ ଭୁବନେଶ୍ୱରର ରତ୍ନା ତ୍ରିପାଠିଙ୍କ ନିକଟକୁ ଏକ କୋରିଅର କମ୍ପାନିରୁ ଏକ ଫୋନ କଲ୍ ଆସିଥିଲା । କଲ କରୁଥିବା ବ୍ୟକ୍ତି ରତ୍ନାଙ୍କ ନାଁ ରେ ଏକ ପାର୍ଶଲ ଥିବା କଥା କହିଥିଲେ । ଏହାପରେ ଫୋନ କଲ ବେଳେ ସଂପୃକ୍ତ ବ୍ୟକ୍ତି କହିଥିଲେ–
-ପାର୍ସଲରେ ପାସପୋର୍ଟ, ଲ୍ୟାପଟପ ଓ ଡ୍ରଗ୍ସ ପ୍ୟାକେଟ ଅଛି-
-ତୁରନ୍ତ ଆସି ନାରକୋଟିକ୍ସ ଅଧିକାରୀଙ୍କ ସହ ଦେଖା ନ କଲେ ଡଗ୍ସ ସ୍ମଗଲିଂ ଓ ମନି ଲଣ୍ଡରିଂ ମାମଲାରେ ଗିରଫ କରାଯିବ
– ଦେଖା କରିନପାରିଲେ ଆକାଉଂଟ ନମ୍ବରରେ ଦେଢ ଲକ୍ଷ ଟଙ୍କା ପଠାନ୍ତୁ
-ଯାଂଚରେ ଅଧିକାରି ସନ୍ତୁଷ୍ଟ ହେଲେ ଟଙ୍କା ଫେରାଇ ଦିଆଯିବ, କାର୍ଯ୍ୟାନୁଷ୍ଠାନ ହେବ ନାହିଁ
ଏହି ଗ୍ୟାଙ୍କ ଏଭଳି ଭାବେ ଉକ୍ତ ମହିଳା ଜଣଙ୍କୁ ଭୟଭିତ କରିଥିଲେ ଯେ ସେ ଦେଢ ଲକ୍ଷ ଟଙ୍କା ଏହି ଠକଙ୍କ ଆକାଉଂଟକୁ ପଠାଇ ଦେଇଥିଲେ । ଟଙ୍କା ପାଇବା ପରେ ଆଉ କେହି ଧରାଛୁଆଁ ଦେଇନଥିଲେ ।
ଅଭିଯୁକ୍ତ ରଜତ କୁମାରଙ୍କୁ ହିମାଚଳପ୍ରଦେଶରୁ ଗିରଫ କରିଛି ଅର୍ଥନୈତିକ ଅପରାଧ ଶାଖାର ସ୍ୱତନ୍ତ୍ର ଟିମ । ସାରା ଦେଶରେ ବିଭିନ୍ନ ଲୋକଙ୍କ ଠାରୁ ରଜତ ଓ ଗ୍ୟାଙ୍ଗ ପାଖାପାଖି ୬ କୋଟି ଟଙ୍କା ଠକିଥିବା ଜାଣିବାକୁ ପାଇଛି ଇଓଡବ୍ଲୁ । ଠକେଇରେ ବ୍ୟବହୃତ ୧୭ ଟି ବ୍ୟାଙ୍କ ଆକାଉଂଟକୁ ଫ୍ରିଜ କରାଯାଇଥିବା ବେଳେ ଠକାମିରେ ସାମିଲ ଥିବା ଅନ୍ୟ ଅଭିଯୁକ୍ତ ମାନଙ୍କୁ ଧରିବା ପାଇଁ ଜାଲ ବିଛାଯାଇଛି ।