ହକ ପାଇଁ ଅନ୍ନଦାତାଙ୍କ ଆନ୍ଦୋଳନ : କେଉଁଠି ମଣ୍ଡିରେ ତାଲା ତ ଆଉ କେଉଁଠି ରାସ୍ତା ଅବରୋଧ କଲେ ଚାଷୀ, ଧାନ ଅମଳ ସରିଥିଲେ ସୁଦ୍ଧା ବିକ୍ରି ପାଇଁ ହନ୍ତସନ୍ତ ହେଉଛନ୍ତି ଚାଷୀ
କନକ ବ୍ୟୁରୋ : ହକ୍ ପାଇଁ ଅନ୍ନଦାତାଙ୍କ ଆନ୍ଦୋଳନ । କେଉଁଠି ମଣ୍ଡିରେ ତାଲା ପଡ଼ିଛି, ତ ଆଉ କେଉଁଠି ଧାନ ବିକ୍ରି ପାଇଁ ରାସ୍ତାକୁ ଓହ୍ଲାଇଛି ଚାଷୀ । କିଛି ସ୍ଥାନରେ ଏଭଳି ସ୍ଥିତି ରହିଛି ଯେ, ଧାନ ଅମଳ ହୋଇଥିଲେ ସୁଦ୍ଧା ଚାଷୀ ଧାନ ବିକ୍ରି କରିପାରୁନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିକ୍ରି ଅପେକ୍ଷାରେ ମଣ୍ଡିରେ ହଜାର ହଜାର ବସ୍ତା ଧାନ ଗଦା ହୋଇଥିଲେ ସୁଦ୍ଧା ମଣ୍ଡିକୁ ବନ୍ଦ କରି ଆନ୍ଦୋଳନକୁ ଓହ୍ଲାଇଛନ୍ତି ଚାଷୀ । ପୂର୍ବରୁ ବିକ୍ରି ହୋଇଥିବା ଧାନର ଟଙ୍କା ନମିଳିବା ଯାଏଁ, ଧାନ ଉଠିବାକୁ ଦିଆଯିବ ନାହିଁ ବୋଲି ଅଡ଼ି ବସିଛନ୍ତି ଢେଙ୍କାନାଳ ଜିଲ୍ଲା କାମାକ୍ଷାନଗର କାଦୁଅ ପଞ୍ଚାୟତର ଚାଷୀ । ଚାଷୀଙ୍କ ଅଭିଯୋଗ ହେଇଛି ୭ ବର୍ଷ ହେବ ସେବା ସମବାୟ ସମିତି ପ୍ରାୟ ୧୦ ଲକ୍ଷରୁ ଅଧିକ ଟଙ୍କା ବାକି ରଖିଛି ।
ଏପଟେ ଫସଲ ବିକ୍ରୀ ପାଇଁ ଚାଷୀ ହସ୍ତସନ୍ତ । କଟକ ଜିଲ୍ଲା ନିଆଳି ବ୍ଲକରେ ସରକାରୀ ମଣ୍ଡି ଖୋଲି ନଥିବାରୁ ଚାଷୀ ଅଭାବି ବିକ୍ରିର ଶିକାର ହୋଉଥିବା ଅଭିଯୋଗ ହୋଇଛି । ମଣ୍ଡି ଖୋଲିବାରେ ବିଳମ୍ବ ଯୋଗୁଁ ଏହାର ଫାଇଦା ଉଠାଉଛନ୍ତି ଦଲାଲ ଓ ଅସାଧୁ ବେପାରୀ । ଆଉ ଏହାରି ଭିତରେ କିଏ ଧାନ ବସ୍ତାକୁ ରାସ୍ତା କଡରେ ରଖିଛି ତ ଆଉ କିଏ ଖଳା ଓ ଛାତ ଉପରେ ଖୋଲା ଆକାଶ ତଳେ ରଖିବାକୁ ବାଧ୍ୟ ହେଉଛି ।
ସେହିପରି କଳାହାଣ୍ଡି କଲମପୁର ବ୍ଲକ କୁଟୁରୁ ମଣ୍ଡିରେ ଧାନ କିଣାରେ ଅବ୍ୟବସ୍ଥା ନେଇ ତାତିଲେ ଚାଷୀ । ଧାନ ବସ୍ତା ରଖି କୁଟୁରୁ ଛକଠାରେ ରାସ୍ତା ଅବରୋଧ କରିଛନ୍ତି କଳାହାଣ୍ଡି ଜିଲ୍ଲାର ଚାଷୀ । ଫଳରେ ଜୟପାଟଣା-ମୋଟେର ରାସ୍ତା ଅବରୋଧ ହୋଇଛି । ଜୟପାଟଣା ପୁଲିସ ଓ ଜିଲ୍ଲା ଯୋଗାଣ ଅଧିକାରୀ ପହଂଚି ଚାଷୀଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଛି ସତ କିନ୍ତୁ ଚାଷୀ ଅସନ୍ତେଷ ସେମିତି ବଳବତର ରହିଛି । ଧାନ ଅମଳ ହୋଇ ଠିକ୍ ବିକ୍ରି ହେବା ସମୟରେ ସୃଷ୍ଟି ହୋଇଥିବା ଅବ୍ୟବସ୍ଥା ଯୋଗୁଁ ଏବେ ଘାଂଟି ହେଉଛନ୍ତି ଚାଷୀ ।