‘ଅର୍ଥବ୍ୟବସ୍ଥାକୁ ବର୍ବାଦ କରିବାକୁ ଚାହୁଁଛନ୍ତି କିଛି ଦଳ’, ମାଗଣାକୁ ନେଇ ରାଜନୀତି ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କ ଟାର୍ଗେଟ ।
କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାରାଷ୍ଟ୍ର ଗସ୍ତରେ ଯାଇ ଅନେକ ଯୋଜନାର ଶୁଭାରମ୍ଭ କରିଛନ୍ତି । ଏହି ଅବସରରେ ବିରୋଧୀଙ୍କୁ ଟାର୍ଗେଟ କରି ମାଗଣା ଯୋଜନାକୁ ବିରୋଧ କରିଛନ୍ତି । ରାଜ୍ୟରେ ୭୫ ହଜାର କୋଟିର ବିକାଶ କାର୍ଯ୍ୟର ରବିବାର ଶୁଭାରମ୍ଭ ହୋଇଛି । ମୋଦୀ ଏହି ଅବସରରେ କହିଛନ୍ତି, ଆଜି ରାଜ୍ୟର ବିକାଶରେ ୧୧ ତାରା ଥିବା ମହାନ ନକ୍ଷତ୍ରର ଉଦୟ ହୋଇଛି । ୭୫ ବର୍ଷର ଅମୃତ ମହୋତ୍ସବରେ ୭୫ ହଜାର କୋଟିର ବିକାଶ କାର୍ଯ୍ୟ ପାଇଁ ମହାରାଷ୍ଟ୍ର ତଥା ରାଜ୍ୟର ଜନତାଙ୍କୁ ଶୁଭେଚ୍ଛା ।
Kanak News is now on WhatsApp
Join and get latest news updates delivered to you via WhatsApp
11 key development works launched on 11th December, worth over Rs. 75,000 crore at a time when India is celebrating 75 years of independence.
Congratulations Maharashtra. pic.twitter.com/CBeSrVBLvj
— Narendra Modi (@narendramodi) December 11, 2022
ସେ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନା ବିଷୟରେ କହିଥିଲେ ଯେ, ଆଜିର ଏହି ଆୟୋଜନ ଏହି କଥା ପ୍ରମାଣ କରିଛି ଡବଲ ଇଞ୍ଜିନର ସରକାର ମହାରାଷ୍ଟ୍ରରେ ଦ୍ରୁତ ଗତିରେ କାମ କରୁଛି । ସମୃଦ୍ଧି ମହାମାର୍ଗ ମୁମ୍ବାଇ ଏବଂ ନାଗପୁର ମଧ୍ୟରେ ଦୂରତା କମାଇବାରେ ଲାଗିଛି । ଏହା ସହ ରାଜ୍ୟରେ ବିଭିନ୍ନ ଜିଲ୍ଲାକୁ ମଧ୍ୟ ଆଧୁନିକ ସୁବିଧା ସୁଯୋଗରେ ଯୋଡାଯାଇଛି । ସାରା ଦେଶର ବିକାଶ ପାଇଁ ରାଜ୍ୟର ବିକାଶ ମହତ୍ତ୍ୱପୂର୍ଣ୍ଣ ବୋଲି ମୋଦୀ କହିଥିଲେ ।