କନକ ବ୍ୟୁରୋ: ତ୍ରିକୋଣୀୟ ପ୍ରେମରୁ ହତ୍ୟା । କଟକରେ ନିଖୋଜ ନୟାଗଡ଼ାରେ ହତ୍ୟା । ମୃତଦେହ ଖୋଜୁଛି ପୁଲିସ । ପ୍ରେମରେ ପ୍ରତାରଣା ଯେ କେତେ ଭୟଙ୍କର ରୂପ ନେଇପାରେ ତାର ଏକ ଉଦାହରଣ ଦେଖିବାକୁ ମିଳିଛି ନୟାଗଡ ଜିଲ୍ଲା ମହୀପୁର ଅଞ୍ଚଳରେ । ସ୍ତ୍ରୀ ଅନ୍ୟ ଜଣଙ୍କ ପ୍ରେମରେ ପଡିବା ପରେ ପ୍ରେମିକକୁ ଜୀବନରୁ ହଟାଇ ଦେଇଛି ସ୍ୱାମୀ । ଏଭଳି ଅଭିଯୋଗର ତଦନ୍ତ କରୁଛି ନୟାଗଡ଼ ପୁଲିସ । ଅଭିଯୁକ୍ତ ସ୍ୱାମୀ ଫେରାର ଥିବା ବେଳେ ନିଖୋଜ ଶ୍ରୈଳେନ୍ଦ୍ରଙ୍କୁ ଖୋଜୁଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ନୟାଗଡ଼ର ଦୀପୁ ସାହୁ ଏବଂ ତାଙ୍କ ପତ୍ନୀ କଟକରେ ରହୁଥିବା ବେଳେ ଦୀପୁ ଦହିବରା ଦୋକାନ କରିଥିଲେ । ଏହି ସମୟ ମଧ୍ୟରେ ଦୀପୁଙ୍କ ପତ୍ନୀ ଆଉ ଜଣେ ଯୁବକ ଶୈଳେନ୍ଦ୍ରଙ୍କୁ ଭଲ ପାଇବସିଥିଲେ । ଉଭୟଙ୍କ ମଧ୍ୟରେ ଥିବା ସମ୍ପର୍କ ଜାଣିବା ପରେ ଦୀପୁ ତାଙ୍କ ପତ୍ନୀଙ୍କୁ ଗାଁକୁ ନେଇଯାଇଥିଲେ । ହେଲେ ଗାଁରେ ରହିବି ପତ୍ନୀ ଶୈଳେନ୍ଦ୍ରଙ୍କ ସହ ଯୋଗାଯୋଗରେ ରହୁଥିଲେ । ଏକଥା ଜାଣିବା ପରେ ଶୈଳେନ୍ଦ୍ରଙ୍କୁ ରାସ୍ତାରୁ ହଟାଇ ଦେବାକୁ ଯୋଜନା କରିଥିଲା ଦୀପୁ । ଶୈଳେନ୍ଦ୍ରଙ୍କୁ ତାଙ୍କ ଗାଁ ମହୀପୁରକୁ ଆସିବାକୁ ପତ୍ନୀଙ୍କ ମୋବାଇଲରୁ ମେସେଜ କରିଥିଲା ଦୀପୁ । ଆଉ ମେସେଜ ପାଇ ଶୈଳେନ୍ଦ୍ର ଗତ ଡିସେମ୍ବର ୩ ତାରିଖରେ ନୟାଗଡ଼ ଆସିଥିଲା । ସେବେଠୁ ସେ ଆଉ ଘରକୁ ଫେରିନାହାଁନ୍ତି । ନିଖୋଜ ନେଇ ଶୈଳେନ୍ଦ୍ରଙ୍କ ପରିବାର ଲୋକ ପ୍ରଥମେ କଟକ ପରେ ନୟାଗଡ଼ର ନୂଆଗାଁ ଥାନରେ ଏନେଇ ଅଭିଯୋଗ କରିଥିଲେ । ଦୀପୁ ଏବଂ ତାଙ୍କ ପତ୍ନୀ ଶୈଳେନ୍ଦ୍ରଙ୍କୁ ହତ୍ୟା କରିଥିବା ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି ।